481.5
+0.15
565.52
-0.45
8.39
-0.01
+15
Եղանակը Երևանում
Հայ
ՀՀ վարչապետը հարգեց հայտնի պետական գործիչ Վազգեն Սարգսյանի հիշատակը
14:54
05 Մարտի 2009

ԵՐԵՎԱՆ, 5 մարտի. /Նովոստի-Արմենիա/. ՀՀ վարչապետ Տիգրան Սարգսյանը երկրի կառավարության նիստում հինգշաբթի հարգեց  հայտնի պետական գործիչ Վազգեն Սարգսյանի հիշատակը։

«Այսօր Վազգեն Սարգսյանի ծննդյան օրն է՝ նա կդառնար 50 տարեկան։ Նա ազգային հերոս է, պետական և քաղաքական գործիչ, վառ անձնավորություն։ Անգնահատելի է նրա անձնական ավանդը մեր պետության և բանակի կառուցման գործում։ Սարգսյանը համարձակ և խիզախ մարդ էր, երբեք չէր թաքնվում իր ընկերների մեջքի հետևում և մեր ժողովրդի պատմության ամենադժվար ժամանակահատվածում միշտ իր ուսերի վրա էր վերցնում խնդիրների բեռը և հաջողությամբ լուծում դրանք»,- ասաց նա։

Վարչապետն ընդգծեց, որ ասյօր ժամանակն է խորհելու, իսկապե՞ս հայ հասարակությունը դասեր է քաղել Սարգսյանի և նրա հետ զոհված քաղաքական գործիչների սպանություններից` հասկանալով, որ անհանդուրժողականությունը, ատելությունը և չարությունը նոր հիմք են ստեղծում նոր սպանությունների համար։ Կառավարության նախագահի խոսքերով, անհրաժեշտ է հասկանալ, արդյո՞ք, հասարակությունն իրեն պատասխանատու է զգում Հայաստանում հանդուրժողականության մթնոլորտի ձևավորման համար։

«Անձամբ ես գիտակցում եմ, որ առաջին հերթին կառավարությունն ու իշխանություններն են պատասխանատու Հայաստանում համագործակցության և խաղաղության մթնոլորտի ստեղծման համար այն պարզ պատճառով, որ մենք լուրջ պետական լծակներ ունենք այդ մթնոլորտի ձևավորման համար։ Անշուշտ, պետք է քննադատություն, պետք է խոսքի ազատություն, որպեսզի կառավարությունը դրսից կարողանա տեսնել սեփական սխալներն ու բացերը»,- ասաց վարչապետը։

Միաժամանակ Սարգսյանը հայտարարեց, որ երբ այդ քննադատությունն անցնում է բոլոր սահմանները, և, բացելով թերթերը, կարելի է տեսնել ոչ թե քննադատություն, այլ «ստոր, ստով լցված մեղադրանքներ» և ծայրահեղական գնահատականներ, որոնք ոչ մի կապ չունեն իրականության հետ և նպատակ են հետապնդում միայն վիրավորել մարդուն, կարելի է հասկանալ, որ անելու շատ բան կա։

«Այդ չարությունը, անհանդուրժողականությունը նոր փամփուշտներ է լցոնում, և կարող են նոր սպանություններ լինել, եթե մենք ինքներս արմատախես չփոխենք այս մթնոլորտը։ Ես ինքս հինգ տարի արմատական ընդդիմության ներկայացուցիչ եմ եղել և իքնս ինձ շատ բաներում մեղավոր եմ զգում և հայցում եմ մեր ընդդիմախոսների ներողամտությունը մեր սխալների և իմ անձնական սխալների համար»,- ասաց Սարգսյանը։

Վարչապետն ընդգծեց, որ անհրաժեշտ է հանդուրժող լինել և չայրել համագործակցության կամուրջները։ Նա ուշադրություն դարձրեց, որ հայ ժողովրդի պատմության դասերն այնպիսին են, որ հայ հասարակությունը հաջողության է հասնում միայն ներսում համագործակցություն հաստատելով։

«Դուք բոլորդ գիտեք, որ Վազգեն Սարգսյանի ծննդյան 50-ամյակը պատշաճ նշելու համար ձևավորվել է վարչապետի գլխավորությամբ հատուկ հանձնաժողով, և նրա անունից ես այսօր բոլորին հրավիրում եմ Վազգեն Սարգսյանի հիշտակի երեկոյին»,- տեղեկացրեց վարչապետը։
 
Հայաստանի պետական և ռազմական գործիչ Վազգեն Զավենի Սարգսյանը ծնվել է 1959 թ. մարտի 5-ին։1990-1992 թթ. եղել է «Երկրապահ» կամավորական խմբերի հրամանատար, նաև` ՀՀ գերագույն խորհրդի պաշտպանության և ներքին գործերի մշտական հանձնաժողովի նախագահ, 1992թ-1993 թթ.` նշանակվել է ՀՀ առաջին պաշտպանության նախարար, ՀՀ նախագահի պաշտպանության հարցերով խորհրդական, Հայաստանի սահմանամերձ շրջաններում ՀՀ նախագահի ներկայացուցիչ:

1993-1995 թթ. զբաղեցրել է պետնախարարի պաշտոն: 1995-1999 թթ. կրկին եղել է ՀՀ պաշտպանության նախարար, 1999 թ. հունիսից մինչև հոկտեմբեր ՀՀ վարչապետն էր։ Զոհվել է 1999 թ. հոկտեմբերի 27-ին՝ ՀՀ խորհրդարանում տեղի ունեցած ահաբեկչության հետևանքով։

1999 թ.-ին արժանացել է «Հայաստանի ազգային հերոսի» կոչման (հետմահու): 1998թ. արժանացել է «Արցախի հերոսի» կոչման` պարգևատրվելով «Ոսկե արծիվ» շքանշանով: Ժողովուրդը նրան տվել է «Սպարապետ» պատվանունը: -0-  

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: