481.79
+0.02
538.93
-1.33
8.53
+0.03
+15
Եղանակը Երևանում
Հայ
ՀՀ վարչապետը Մոսկվայում կքննարկի տնտեսական համագործակցության ակտիվացման հնարավորություններն ու ճգնաժամի դեմ պայքարը
11:52
27 Փետրվարի 2009

ՀՀ վարչապետի գլխավորությամբ հայկական պատվիրակության Մոսկվա կատարած այցի օրակարգը բավականին հագեցած է և ներառում է ոչ միայն ՌԴ կառավարության ղեկավար Վլադիմիր Պուտինի և Ռուսաստանի այլ պաշտոնատար անձանց հետ հանդիպումներ, այլև Մոսկվայի հայկական գործարար-հանրության ներկայացուցիչների հետ համագործակցության ակտիվացման հնարավորությունների քննարկումներ, հաղորդում է «Նովոստի-Արմենիա» գործակալության թղթակիցը։  

ՀՀ վարչապետի մամուլի քարտուղար Դիանա Մնացականյանի խոսքերով, Հայաստանի և Ռուսաստանի կառավարությունների ղեկավարներ Տիգրան Սարգսյանի և Վլադիմիր Պուտինի հանդիպման ընթացքում, որին կմասնակցեն նաև կառավարության աշխատակազմի ղեկավար Դավիթ Սարգսյանը, տրանսպորտի և կապի նախարար Գուրգեն Սարգսյանը և Ռուսաստանի Հայաստանի արտակարգ և լիազոր դեսպան Արմեն Սմբատյանը, ծրագրվում է քննարկել Հայաստանին կայունացնող վարկի տրամադրման մասին պայմանագրի ստորագրման պայմանները, այդ ամենի համար անհրաժեշտ փաստաթղթերի փաթեթը, ինչպես նաև դրամական միջոցների իրագործման և առանձին ոլորտներ կոնկրետ գումարների ուղղվածությունները։

Ռուսաստանը և Հայաստանը 2009 թ.-ի փետրվարի 9-ին  համաձայնագիր են նախաստորագրել Հայաստանին 500 միլիոն դոլարի կայունացնող վարկի տրամադրման մասին՝ ՀՀ տնտեսության վրա համաշխարհային ֆինանսական ճգնաժամի բացասական հետևանքները չեզոքացնելու նպատակով։ Ըստ համաձայնագրի՝ վարկը տրամադրվելու է 15 տարի մարման ժամկետով, որից 4 տարին արտոնյալ է:

Սարգսյանն ու Պուտինը կքննարկեն նաև տնտեսական ճգնաժամի բացասական հետևանքների հաղթահարմանն ուղղված քայլերը։

«Նախնական տվյալներով, ՀՀ վարչապետը մտադիր է հրավիրել իր ռուս գործընկերոջը Երևան», - ասաց Մնացականյանը։

Հանդիպման ավարտին Սարգսյանն ու Պուտինը կարճ հայտարարություններով ելույթ կունենան ԶԼՄ-ների ներկայացուցիչների առջև։

Մամուլի քարտուղարը տեղեկացրեց նաև, որ ՌԴ տրանսպորտի նախարար, հայ-ռուսական տնտեսական համագործակցության միջկառավարական հանձնաժողովի համանախագահ Իգոր Լևիտի հետ աշխատանքային ճաշի ընթացքում կքննարկվեն էներգետիկայի, տրանսպորտի և առողջապահության ոլորտներում երկու երկրների միջև փոխգործակցության հարցերը։

«Կողմերը կքննարկեն նաև Երևանում նախորդ տարի հոկտեմբերին կայացած Հանձնաժողովի 10-րդ հոբելյանական նիստի ժամանակ ընդունված որոշումների կատարման գործընթացը», - ասաց Մնացականյանը։

Նա նշեց, որ այցի շրջանակներում ծրագրվում է նաև Տիգրան Սարգսյանի հանդիպումը Ռուսաստանի Կենտրոնական բանկի նախագահ Սերգեյ Իգնատևի և Ռուսաստանի հայ գործարարների հետ։

«Հանդիպմանը կքննարկվի հարցերի լայն շրջանակ, այդ թվում նաև ներդրումների իրագործման և Հայաստանում բիզնես վարելու հնարավորությունները, ինչպես նաև հանրապետությունում բարենպաստ ներդրումային միջավայրի ապահովումն ու մաքսային և հարկային արտոնությունների տրամադրման հնարավորությունները», - պարզաբանեց մամուլի քարտուղարը։

ՀՀ վարչապետ գլխավորած պատվիրակության կազմում են ՀՀ ֆինանսների նախարար Տիգրան Դավթյանը, էներգետիկայի և բնական պաշարների նախարար Արմեն Մովսիսյանը, տրանսպորտի և կապի նախարար Գուրգեն Սարգսյանը, փոխարտգործնախարար Շավարշ Քոչարյանը, կառավարության աշխատակազմի ղեկավար Դավիթ Սարգսյանը, Կենտրոնական բանկի Խորհրդի անդամ Կարինե Մինասյանը։-0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: