486.33
+0.12
521.78
+4.16
8.19
+0.04
-9
Եղանակը Երևանում
Հայ
Հայ խորհրդարանականները պայքարում են հեռուստատեսությամբ ցուցադրվող անորակ սերիալների ու բռնության դեմ
19:22
26 Փետրվարի 2009

Հայ խորհրդարանականները հինգշաբթի նիստի ժամանակ առաջին ընթերցմամբ ուղղումներ մտցրեցին ՀՀ «Հեռուստատեսության և ռադիոյի մասին» օրենքում, ինչպես նաև ԱԺ կանոնակարգում, Պետտուրքի մասին օրենքում և Հեռուստատեսության և ռադիոյի ազգային հանձնաժողովի կանոնակարգում:

Օրինագծի հեղինակներն են ինչպես Հայաստանի իշխանամետ Հանրապետական, «Բարգավաճ Հայաստան», ՀՅԴ կուսակցությունների խմբակցությունների, այնպես էլ միակ ընդդիմադիր «Ժառանգություն» խմբակցության պատգամավորներ։ Օրինագծի համահեղինակ, գիտության, կրթության, մշակույթի, երիտասարդության և սպորտի հարցերի մշտական խորհրդարանական հանձնաժողովի նախագահ Արմեն Աշոտյանի խոսքերով, ուղղումների փաթեթը քաղաքական ուղվածություն ունի և մեծ հետաքրքրություն է ներկայացնում հասարակության համար։   

«Ուղղումների հիմնական նպատակը էլեկտրոնային ԶԼՄ-ների գործունեության դաշտի կանոնակարգումն է և առկա բացթողումների լրացումը։ Կատարվող ուղղումներով որոշակիացվում են լրագրողների և այլ մասնագետների՝ տեղեկատվություն փնտրելու և գտնելու, տեսա և ձայնագրություն կատարելու իրավունքները»,- ասաց նա։  

Օրինագծի համահեղինակի խոսքերով, նշված իրավունքները սահմանափակման ենթակա չեն, բացառությամբ այն դեպքերի, երբ տարածվում են գաղտնի տեղեկատվություն կամ քրեապես պատժելի արարքներ քարոզող, ինչպես նաև մարդու անձնական և ընտանեկան կյանքի անձեռնմխելիությունը խախտող տեսաձայնագրություններ։   

Օրենքում մտցվող ուղղումների համաձայն, հոդվածում փոփոխություններ են մտցվում հեռուստա և ռադիոհաղորդումների հովանավորության վերաբերյալ։ Ուղղումների համաձայն, կրոնական կազմակերպություններին և քաղաքական կուսակցություններին արգելվում է հովանավորել հեռուստառադիոհաղորդումները։ Արգելվում է նաև հաղորդումների հովանավորումը նախընտրական ֆոնդերի հաշվին, ալկոհոլային խմիչքների, ծխախոտի, բժշկի դեղատոմսով տրվող դեղերի արտադրությամբ ու վաճառքով զբաղվող ֆիզիկական և իրավաբանական անձանց կողմից։ Օրինագծում նշվում է նաև յուրաքանչյուր հեռարձակվող հաղորդման վերջում դրա պատրաստման համար պատասխանատու անձանց մասին տեղեկատվության պարտադիր պահանջը։    

Ինչպես նաև առաջարկվում է բռնություն ու դաժանություն քարոզող հաղորդումների հեռարձակման վերահսկողության լիազորություններով օժտել ոչ թե կառավարությանը, այլ հեռուստա և ռադիոհեռարձակման Ազգային հանձնաժողովին։ Այսպիսով, ուղղումների համաձայն՝ հանձնաժողովը լիազորված կլինի հետևել սարսափ ֆիլմերի և բռնության տեսարաններ պարունակող ֆիլմերի հեռարձակման կարգին։   

«Մենք առաջարկում ենք նաև կանանց համար տեղեր սահմանել Հանրային հեռուստառադիոընկերության խորհրդի կազմում և ամրագրել, որ խորհրդի հինգ անդամներից 1-ը պետք է անպայման կին լինի»,- նշեց Աշոտյանը։ 

Ուղղումների համաձայն, հաստատվում է Խորհրդի կազմը, տվյալ կառույցում ընտրվելու կարգը, խորհրդի կազմ մտնելու հավակնորդ թեկնածուներին ներկայացվող պահանջների շարքը։

Ինչպես հիշեցրեց խորհրդարանական հանձնաժողովի նախագահը, ամեն տարի ՀՀ պետական բյուջեից միջոցներ են հատկացվում Հանրային հեռուստառադիոընկերության խորհրդին և հեռուստատեսության ու ռադիոյի ազգային հանձնաժողովին։ Ուղղումներով առաջարկվում է ամրագրել, որ տվյալ կառույցների ֆինանսավորումը ընթացիկ տարում բյուջեի եկամտային մասի աճի դեպքում չի կարող ավելի պակաս լինել անցյալ տարվա ֆինանսավորումից։   

Առաջարկվող ուղղումները ակտիվ քննարկումներ առաջ բերեցին երկրի խորհրդարանում։ Ինչպես իր ելույթում ասաց Հայաստանի Հանրապետական կուսակցության խորհրդարանական խմբակցության անդամ Համլետ Հարությունյանը, առաջարկվող օրենքը, որը խախտումների դեպքում որոշակի պատժամիջոցների կիրառման հնարավորություն չի պարունակում, անիմաստ է դառնում։

«Հայկական հեռուստատեսության եթերը քրեապես պատժելի արարքների գովազդ է, իսկ հաղորդումները երեխաների և թոռնիկների հետ դիտելը պարզապես վտանգավոր է դառնում։ Այս օրենքով մենք չենք կարող դիմակայել մեր և մեր երիտասարդ սերնդի դեմ հայկական եթերի ունեցած հոգևոր միջամտությանը»,- ասաց նա։

Հարությունյանի խոսքերով, այդ միջամտությանը ինչ-որ տեղ աջակցում են նաև եվրոպական կառույցները, որոնք խոսում են ազգային օրենսդրության բարեփոխման անհրաժեշտության մասին։ Ինչպես կարծում է խորհրդարանականը, հայկական հեռուստատեսությունն ու ռադիոն պետք է աջակցեն դեռահաս սերնդի դաստիարակմանը։ Հեռուստառադիոեթերի կազմակերպման հարցում պատգամավորը նշեց ռուսական կողմի փորձը, որտեղ հեռուստաալիքները շաբաթ և կիրակի օրերին հեռարձակում են հայրենասիրական հաղորդումներ ու ֆիլմեր։  

«Մեզ մոտ հեռուստաեթերը բաղկացած է երկու մասից՝ տեսահոլովակներից և պրիմիտիվ սերիալներից։ Մենք պետք է շտապ միջոցներ ձեռնարկենք մեր եթերը մաքրելու համար»,- ընդգծեց նա։ --0--

Loading...
Թեմատիկ նյութեր
Բաժնի այլ նյութեր
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։