485.25
-0.08
569.44
-2.72
8.18
-0.02
-3
Եղանակը Երևանում
Հայ
Հայաստանն առաջին անգամ կմիանա չվող թռչունների դիտարկման համաեվրոպական նախագծին
12:19
23 Փետրվարի 2009

Հայաստանն առաջին անգամ կմիանա չվող թռչունների դիտարկման համաեվրոպական նախագծին։

«Թռչունների պաշտպանության հայկական միությունը (ASPB) 2009 թ.-ի փետրվարից հայտարարում է «Գարնանն ընդառաջ» համաեվրոպական նախագծի մեկնարկի մասին և հրավիրում է բոլոր երեխաներին, ինչպես նաև նրանց ծնողներին և ուսուցիչներին հետևելու չվող թռչունների վերադարձին», - շաբաթ օրը «Նովոստի-Արմենիա» գործակալությանը տեղեկացրել է Թռչունների պաշտպանության հայկական միության (ASPB) PR-աշխատակից Նիկոլայ Գերասիմենկոն։

Նրա խոսքերով, չնայած, որ Եվրոպայում այդ նախագիծը մեկնարկել է 2006 թ.-ին, և այս գրավիչ նախագծին արդեն մասնակցում է շուրջ 30 երկիր, Հայաստանը միանում է դրան առաջին անգամ։

«Ձմեռն արդեն ավարտվում է, և Հայաստանը վաղուց պատրաստ է գարնան գալստին,  դրա հետ միասին չվող փետրավորների չվադարձին։ «Գարնանն ընդառաջ» նախագիծն իր անվանումն է ստացել «Spring Alive!»  նախագծի նմանությամբ, որը Թռչունների պաշտպանության հայկական միությունը (ASPB) BirdLife International միջազգային կազմակերպության հետ համատեղ սկսում է իրականացնել Հայաստանի տարածքում», - ասել է Գերասիմենկոն։

Նրա խոսքերով, նախագծի հիմնական նպատակը տեղեկատվության հավաքագրումն է այն մասին, թե երբ են չվող թռչունները վերադառնում իրենց բնակալման վայրեր։

««Գարնանն ընդառաջ» նախագծի հիմնական առավելությունն աշխարհագրական ընդգրկման լայնության և տեղի բնակիչների միաժամանակյա մասնակցության մեջ է, ովքեր տեղեկատվություն են ուղարկում ողջ Եվրոպայից», - նշել է ASPB-ի ներկայացուցիչը։

Այս նախագծի շրջանակներում որպես դիտարկման օբյեկտներ ընտրվել են Եվրոպական մայրցամաքի համար առավել սովորական համարվող թռչունների 4 տեսակ՝ սովորական կկուն, գյուղական ծիծեռնակը, սպիտակ արագիլն ու սև մանգաղաթևը։ Բոլոր այս տեսակները լայնորեն տարածված են Հայաստանում և նույնիսկ հանդիպում են մեր երկրի ամենահյուսիսային շրջաններում։

««Գարնանն ընդառաջ» նախագծին մասնակցելը հեշտ և հետաքրքիր է։ Դուրս եկեք փողոց և հետևեք թռչուններին։ Դուք տեսա՞ք առաջին գյուղական ծիծեռնակին, մանգաղաթևին կամ արագիլին։ Կամ լսեցի՞ք կկվի ձայնը։ Տարածեք լուրն այն մասին, որ գարունն արդեն Հայաստանում է։ Այցելեք www.springalive.net կայքը, ընտրեք ձեր երկիրը և գրանցեք ձեր դիտարկումները՝ online ռեժիմում լրացնելով տվայլների աղյուսակը։ Կամ զանգահարեք  (010) 20 87 25  «թեժ գծի» հեռախոսահամարով և հաղորդեք ձեր առաջին դիտարկումների մասին», - ասել է Գերասիմենկոն։

«Ձեզնից միայն պահանջվում է ուսումնասիրել նախագծի կողմից ընտրված տեսակները և արձանագրել դրանց վերադարձը երկիր՝ նշելով դիտարկման ամսաթիվն ու վայրը։ Դուք կարող են հետևել թռչուններին ձեր տան մոտակայքում, դպրոցական բակում կամ քաղաքային այգիներում զբոսնելիս։ Սակայն լավագույնս թռչուններին կարելի է դիտարկել քաղաքից դուրս։ Հիշեք, որ աղյուսակում պետք է գրանցել տեսակի միայն առաջին հանդիպման մասին տվյալները», - ավելացրել է նա։

ASPB ներկայացուցիչը նշել է, որ նախագծի ինտերնետ կայքում տեղադրված քարտեզով կարելի է հետևել, թե ինչպես է գարունը տեղաշարժվում Եվրոպայով։ Տվյալների ստացման հոսքի համաձայն երկրի տարածքները կփոխեն իրենց գույնը՝ սպիտակից վերածվելով դեղին գույնի, այնուհետև կարմիրի։ Դա կնշանակի, որ գարունն արդեն ստանձնել է իր իրավուքները։

«Կայքը նախատեսված է տարբեր տարիքի երեխաների համար։ Երեխաների օգնության և նրանց կողմից չվող թռչուններին հետևելու շնորհիվ՝ գիտնականները հույս ունեն հետևել, թե արդյո՞ք փոխվում են այդ տեսակներից յուրաքանչյուրի չվադարձի ժամկետները տարեցտարի, և նրանց չվադարձի վրա ինչպիսի՞ ազդեցություն կարող են ունենալ եղանակային փոփոխությունները», - ընդգծել է Գերասիմենկոն։

Այս պահի դրությամբ Եվրոպայի հարավային երկրների, մասնավորապես՝ Կիպրոսի, Պորտուգալիայի, Իտալիայի, Իսպանիայի բնակիչներն արդեն մի քանի տասնյակ տեղեկատվություններ են ուղարկել գարնան լրաբերների վերադարձի մասին։ Տաք ձմռան շնորհիվ՝ թռչուններն արագորեն տեղաշարժվում են դեպի հյուսիս։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։