482.25
+0.32
566.07
-3.09
8.39
+0.02
+8
Եղանակը Երևանում
Հայ
Հայկական հասարակական կազմակերպությունները մեղադրում են Վրաստանի իշխանություններին «ժողովրդագրական ահաբեկչության» մեջ
10:56
20 Փետրվարի 2009

«Ջավախք» հայրենակցական-բարեգործական կազմակերպությունը, «Միտք» վերլուծական կենտրոնն ու Հայրենադարձության և  հիմնավորման «Երկիր» հասարակական կազմակերպությունների միությունը հանդես են եկել համատեղ հայտարարությամբ, որում մեղադրել են Վրաստանի իշխանություններին ջավախքահայերի նկատմամբ «ժողովրդագրական ահաբեկչության» քաղաքականություն վարելու մեջ։

«Նովոստի-Արմենիա» գործակալություն ստացված հայտարարության մեջ խոսվում է 2008թ. հուլիսից Վրաստանի հայաբնակ Սամցխե-Ջավախք-Ծալկա  նահանգում ծայր առած հակահայկական հալածանքների մասին։

«Ջավախքահայ քաղաքական ակտիվիստներ և հասարակական գործիչներ Վահագն Չախալյանի, Գրիգոր Մինասյանի, Սարգիս Հակոբջանյանի և Գրիշա Ավագյանի ձերբակալության, վրաց ոստիկանության կողմից ջավախքահայ այլ քաղաքական ակտիվիստների շարունակական ահաբեկումների, Վահագն Չախալյանի և նրա ընտանիքի անդամների նկատմամբ ներկայում ընթացող դատավարության ընթացքում վրաց իշխանությունների կողմից թույլ տրվող աղաղակող խախտումների, հայ-վրացական սահմանի Բավրա անցակետում վրացական կողմից հարուցվող արհեստական խոչընդոտների արդյունքում վիրահայության և ջավախքահայության շրջանում օր օրի ավելանում է վախի և հիասթափության մթնոլորտը, ինչը հանգեցնում է երկրամասից հայերի արտագաղթի տեմպերի ավելացմանը», - ասվում է հայտարարության մեջ։

«Նշված երևույթները կարելի է բնութագրել որպես վրաց իշխանությունների կողմից իրականացվող «ժողովրդագրական ահաբեկչության» քաղաքականություն, որի հիմնական նպատակն է վիրահայության և ջավախքահայության հասարակական-քաղաքական կառույցների ոչնչացման և հասարակական-քաղաքական գործիչների չեզոքացման միջոցով հասնել վիրահայության և ջավախքահայության լռեցմանը ու «ինտեգրման» անվան տակ` նրանց ձուլմանը և դրանով` հայաբնակ այս տարածքի ամբողջական ու լիակատար յուրացմանը», - ընդգծվում է փաստաթղթում։

Փետրվարի 20-21-ը ծրագրված Վրաստանի արտգործնախարար Գրիգոլ Վաշաձեի՝ Հայաստան պաշտոնական այցի կապակցությամբ հայտարարության տակ ստորագրած հասարակական կազմակերպությունները կոչ են անում Հայաստանի իշխանություններին հայ-վրացական միջպետական հարաբերությունների օրակարգում զետեղել և առաջնահերթ կերպով հետապնդել չորս հիմնական խնդիրները և հետևողականություն ցուցաբերել դրանց լուծման հարցում:

«Դա Ջավախքում ծայր առած հալածանքների անհապաղ դադարեցումը և 2008թ. հուլիսից առ այսօր ձերբակալված ջավախքահայ գործիչներ Վահագն Չախալյանի, ինչպես նաև Գրիգոր Մինասյանի, Սարգիս Հակոբջանյանի և Գրիշա Ավագյանի դատական և քրեական հետապնդման դադարեցումն ու նրանց ազատ արձակումն է, Վրաստանում հայերի համախումբ բնակության տարածաշրջաններում (Սամցխե-Ջավախք և Ծալկա) հանրային կյանքի բոլոր ոլորտներում և մասնավորապես` վարչարարության մեջ հայերենի օգտագործման օրենսդրական արտոնումն է, Ջավախքահայ երիտասարդության  արտագաղթի նվազեցման նպատակով` Ախալքալաքում հայ-վրացական պետական համալսարանի հիմնադրումն է, Վրաստանում Հայ Առաքելական Եկեղեցու իրավաբանական գրանցումն ու  բռնագրավված հայկական եկեղեցիների վերադարձն է», - նշվում է հայտարարության մեջ։

Հասարակական կազմակերպությունները կարծում են, որ հայ-վրացական հարաբերությունների երկարաժամկետ բնականոն զարգացման միակ երաշխիքը  վիրահայության և, մասնավորապես, ջավախքահայության իրավունքները հարգելն է:

«Վրաստանի իշխանությունների առջև չկա որևէ առարկայական արգելք վիրահայության և ջավախքահայության խնդիրների օրինական լուծման ուղղությամբ, մանավանդ, որ դրանց լուծումն ուղղակիորեն բխում է Վրաստանի կողմից ազգային փոքրամասնությունների պաշտպանության գծով ստանձնած միջազգային պարտավորություններից: Վրաստանի իշխանություններին միայն քաղաքական կամք է պակասում: Վիրահայության և ջավախքահայության արդարացի պահանջների արհամարհման և լռեցման գործելավոճն այլևս սպառել է իրեն», - ասվում է հայտարարության մեջ։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: