483.91
-0.09
525.43
-0.58
8.48
-0.04
+11
Եղանակը Երևանում
Հայ
Միջուկային բժշկության և քաղցկեղի դեմ պայքարի կենտրոնը Հայաստանում կբացվի մինչև 2011 թվականը. Առողջապահության նախարարություն
16:50
19 Փետրվարի 2009

ԵՐԵՎԱՆ, 19 փետրվարի. /Նովոստի-Արմենիա/. Միջուկային բժշկության և ուռուցքային հիվանդությունների դեմ պայքարի տարածաշրջանային կենտրոն կստեղծվի Հայաստանում մինչև 2011 թվականը, ասել է ՀՀ առողջապահության նախարար Հարություն Քուշկյանը։

«Մենք նախատեսում ենք, որ երեք տարի հետո Կենտրոնի ծառայություններից կարող են օգտվել տարածաշրջանի երկրների քաղաքացիները, քանի որ, մեր ուսումնասիրություններով, երկու հազար կիլոմետր շառավղով միջուկային բժշկության նման կենտրոն գոյություն չունի»,- հինգշաբթի ասաց նա լրագրողներին՝ ամփոփելով կառավարական նիստի արդյունքները։

Քուշկյանի խոսքերով, Երևանի ֆիզիկայի ինստիտուտի հիման վրա ստեղծվող կենտրոնում կտեղադրվի բելգիական արտադրության ռադիոնուկլիդների ցիկլոտրոն արագացուցիչ՝ քաղցկեղային հիվանդությունների ախտորոշման, ինչպես նաև մի շարք ուռուցքային հիվանդությունների բուժման համար։

«Ռադիոնուկլիդների արդյունավետությունը կայանում է նրանում, որ դրանց շնորհիվ հնարավոր է բացահայտել ուռուցքներն իրենց զարգացման վաղ շրջանում, ոչ թե հիվանդության սրման ժամանակահատվածում, երբ բուժման բոլոր հայտնի միջոցներն այլևս արդյունավետ են դառնում»,- պարզաբանեց նա։

Միաժամանակ նախարարը նշեց, որ ռադիոնուկլիդները տարբերվում են կարճ ժամանակով օրգանիզմում մնալու փաստով, ինչը նվազեցնում է մարդու օրգանիզմի վրա դրանց բացասական ազդեցությունը։

«Կենտրոնում կտեղադրվի նաև տոմոգրաֆ՝ ժամանակակից ախտորոշաբանական ամենաբարձր տեխնոլոգիաներից մեկը, որը քաղցքեղային գոյացությունների բջջային փուլում հստակ, վաղ ախտորոշման և արդյունավետ բուժման հնարավորություն է տալիս»,- նշեց նա։

Քուշկյանը նշեց նաև, որ կենտրոնի սարքավորումների և զինման աշխատանքներն իրականացվում են ֆրանսիացի փորձագետների հետ համագործակցությամբ, ովքեր աջակցություն են ցուցաբերում մասնագետների որակավորման ծրագրերի մշակման,  համապատասխան սարքավորումների ներմուծման և Կենտրոնի կոնկրետ ծրագրերի իրականացման հարցում։

«Կենտրոնի ծառայությունների գնային կոնկրետ սակագների հաստատման աշխատանքները նույնպես կատարվում են ֆրանսիական կողմի հետ համագործակցությամբ, և գնային առաջարկները կհրապարակվեն այդ աշխատանքների ավարտից հետո»,- պարզաբանեց նա։

Իր հերթին, ՀՀ էկոնոմիկայի նախարար Ներսես Երիցյանը նշեց, որ Կենտրոնի ստեղծման ընդհանուր ֆինանսավորումը կազմում է մոտ 30 միլիոն եվրո։

«Մենք արդեն պայմանավորվածություն ենք ձեռք բերել Բելգիայի կլառավարության հետ պետերաշխիքով 17 մլն եվրոյի չափով զրոյական տոկոսադրույքով արտոնյալ վարկ տրամադրելու վերաբերյալ՝ ցիկլոտրոնի ձեռքբերման և տեղադրման համար»,- պարզաբանեց նա։

Նա նշեց նաև, որ մնացած միջոցները ստանալու, այդ թվում՝ ցիկլոտրոնի տեղադրման նպատակով 1-2 մլն եվրո և 11 մլն եվրո միջուկային բժշկության կլինիկայի ստեղծման հետ կապված աշխատանքների ողջ սպեկտրի համար, բանակցություններ են տարվում տարբեր միջազգային կազմակերպությունների և մասնավոր ներդրողների հետ, ովքեր շահագրգռված են տվյալ նախագծում։

ՀՀ Առողջապահության նախարարության տվյալներով, ներկայում հանրապետության 30 հազար քաղաքացի ուռուցքային հիվանդություն ունի, իսկ Ուռուցքաբանության ազգային կենտրոնում բուժում է անցնում տարեկան 7500 հիվանդ։

Ա. Ալիխանյանի անվ. Երևանի ֆիզիկայի ինստիտուտը և Միջուկային հետազոտությունների միավորված ինստիտուտը Դուբնայում (Ռուսաստան) համատեղ մշակել են «Հայաստանում և տարածաշրջանի երկրներում բժշկական կարիքների համար ռադիոնուկլիդների արտադրության արագացված տեխնոլոգիաները» նախագիծը։  

Տվյալ նախագծի շրջանակներում ծրագրվում է ԵՖԻ բազայի վրա ստեղծել ցիկլոտրոնային միջուկային կենտրոն՝ ռադիոակտիվ իզոտոպներ (ռադիոնուկլիդներ) արտադրելու և կից գիտությունների գծով մի շարք հարցերի հետազոտումներ անցկացնելու համար։ --0—

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։