478.83
-0.02
557.93
-0.17
7.98
-0.01
+28
Եղանակը Երևանում
Հայ
Հայաստանում նշվում է մեծանուն հայ բանաստեղծ Հովհաննես Թումանյանի 140-ամյակը
11:38
19 Փետրվարի 2009

Հայաստանում հինգշաբթի նշվում է մեծանուն հայ բանաստեղծ, գրող և հասարակական գործիչ Հովհաննես Թումանյանի 140-ամյակը։

Թումանյանը առանձնահատուկ դեր է խաղացել ոչ միայն հայ գրականության պատմության մեջ, այլև իր ժողովրդի հոգևոր կյանքում։ Նրա ստեղծագործության մեջ դրոշմված է ազգային բնավորությունը, հայ ժողովրդի անցյալն ու ներկան, նրա սպասումները, իդեալներն ու ձգտումները։

Հովհաննես Թումանյանը ծնվել է 1869 թ.-ի փետրվարի 19-ին Լոռվա Դսեղ գյուղում` հոգևորականի ընտանիքում։

1878-1883 թթ. տարրական կրթությունը ստացել է Ջալալօղլու (այժմ՝ Ստեփանավան) դպրոցում, այնուհետև տեղափոխվել է Թիֆլիսի Ներսիսյան Ճեմարան, սակայն նյութական դժվարությունների պատճառով 1887 թվականին ստիպված է եղել թողնել ճեմարանն ու աշխատանքի անցնել Թիֆլիսի Հայ եկեղեցական դատարանում, այնուհետև՝ Հայ Հրատարակչական միության գրասենյակում։ 90-ականների կեսերին Թումանյանը ընդմիշտ թողել է ծառայությունը և ամբողջովին նվիրել իրեն գրականությանը։

Նա սկսել է գրել 1880-ականների կեսերից, համագործակցել է հայկական թերթերի և ամսագրերի հետ, սակայն որպես պոետ հռչակ է ձեռք բերել 1890 թ.-ին, երբ լույս է տեսել նրա բանաստեղծությունների առաջին ժողովածուն։

Թումանյանի ստեղծագործություններից հատկապես սիրված են «Անուշ» պոեմն ու «Գիքոր» պատմվածքը։

Թումանյանն առանձնահատուկ մեծ ներդրում է ունեցել հայկական էպիկական պոեզիայի զարգացման գործում։ Նրա բազմաթիվ բալլադներն ու պոեմները  կերպարների լիարժեքությամբ, փիլիսոփայական բովանդակությամբ, բանաստեղծական կերպարների գունագեղությամբ չեն զիջում էպիկական պոեմի համաշխարհային ստեղծագործություններին։

Թումանյանը վարպետորեն է օգտագործել հայկական բանահյուսության կերպարներն ու մոտիվները։ Օգտագործելով պատմական ավանդությունը՝  Թումանյանը ստեղծել է իր գլուխգործոցներից մեկը՝ «Թմկաբերդի առումը» պոեմը։ Այն պատմում է հայրենասիրության և սիրո ուժի մասին, որն ի վիճակի է ոգեշնչել հերոսության։

Թումանյանը նաև հայտնի հասարակական գործիչ էր։ Նա երկու անգամ ձերբակալվել է ցարական կառավարության կողմից։ 1912-21 թթ.-ին եղել է Հայ գրողների կովկասյան միության նախագահ, իսկ ցեղասպանության տարիներին օգնել է Արևմտյան Հայաստանից փախստականներին, ինչի համար ժողովրդի կողմից ստացել է «Ամենայն Հայոց Բանաստեղծ» անունը, 1920 թ.-ին հաշտարար գործունեություն է ծավալել հայ-վրացական զինված բախումների ժամանակ: Հայաստանի խորհրդայնացումից հետո դարձել է Հայաստանի օգնության կոմիտեի նախագահ։

1899 թ.-ին Թիֆլիսում Թումանյանը ստեղծել է «Վերնատուն» գրական խմբակը, որի անդամն են եղել բազմաթիվ հայ նշանավոր գրողներ, նկարիչներ ու կոմպոզիտորներ։

Նա մտերիմ հարաբերություններ ուներ բազմաթիվ հայ, վրացի, ռուս բանաստեղծների և գրողների հետ, տարբեր լեզուներից թարգմանություններ էր կատարում (Բայրոն, Գյոթե, Պուշկին)։

Թումանյանը վախճանվել է 1923 թ. մարտի 23-ին Մոսկվայում։ Ամփոփված է Թբիլիսիում։

Հայաստանում Թումանյանի անունն են կրում փողոցներ, դպրոցներ, քաղաք, տեղադրված է նրա հուշարձանը։ 1930-ականներից Երևանում, իսկ այնուհետև նաև Դսեղ գյուղում գործում է բանաստեղծի թանգարանը։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: