478.85
+0.03
558.1
+0.51
7.99
-0.15
+26
Եղանակը Երևանում
Հայ
Եվրահանձնաժողովի փորձագետները Երևան կժամանեն փաստահավաք առաքելությամբ
19:59
17 Փետրվարի 2009

Եվրահանձնաժողովի փորձագետների խումբը՝ Առևտրային հարաբերությունների գլխավոր տնօրինությունը ներկայացնող տնօրեն Եվա Սինովիչի գլխավորությամբ, փետրվարի 18-19-ին փաստահավաք առաքելությամբ կժամանի Երևան:

Ինչպես նշվում է ՀՀ-ում Եվրահանձնաժողովի պատվիրակության կողմից «Նովոստի-Արմենիա» գործակալությանը տրամադրած հաղորդագրությունում, Եվրահանձնաժողովի խումբը ինչպես փորձագետների մակարդակով, այնպես էլ բարձր մակարդակով երկօրյա հանդիպումներ կունենա հայաստանյան իշխանությունների հետ:

«Քննարկումները հնարավորություն կտան Եվրահանձնաժողովին սահմանել առաջնային կարևորության բարեփոխումները, որոնք և կօգնեն Հայաստանին նախապատրաստվել ԵՄ հետ ազատ առևտրի համապարփակ համաձայնագրի մասին բանակցություններին»,- ասվում է հաղորդագրությունում։

Ազատ առևտրի նման համաձայնագիրը հավակնոտ ծրագիր է: Այն նոր աստիճանի կբարձրացնի առևտրային ներկա կապերը` երկու կողմերին առաջարկելով արտոնյալ պայմաններ միմյանց շուկաներ մուտք գործելու համար, աջակցելով Հայաստանում տնտեսական բարեփոխումներին, ինչպես նաև հայաստանյան բիզնեսին ընձեռելով նոր հնարավորություններ: Առաջարկների իրականացումը կօգնի Հայաստանին ավելի կարճ ժամկետներում համաձայնագրից օգուտներ քաղել: ԵՄ հանձնառել է շարունակական օժանդակություն ցուցաբերել Հայաստանին բարեփոխումային իր ծրագրերում, ներառյալ տեխնիկական օժանդակության տրամադրման միջոցով:

ԵՄ և Հայաստանի միջև ազատ առևտրի վերաբերյալ հնարավոր համաձայնագիրը, որն Արևելյան գործընկերության կարևոր բաղադրիչներից մեկն է հանդիսանում, կտանի դեպի առևտրի և տնտեսության ոլորտում Հայաստանի իրական ինտեգրում ԵՄ հետ, որն էլ իր հերթին ոչ շատ հեռու ապագայում հայաստանյան ընկերություններին և սպառողներին կբերի տնտեսական օգուտներ:

Համաձայնագիրը ոչ միայն աստիճանաբար կվերացնի ապրանքային երկկողմ առևտրում դեռևս առկա սակագների կիրառումը, այլ նաև կապահովի ծառայությունների մատուցման ազատականացում, ներդրումների հոսք, ինչպես նաև ԵՄ օրենքների և ընթացակարգերի հետ Հայաստանի օրենսդրության աստիճանական  համապատասխանեցման միջոցով կամրապնդի համակարգային բարեփոխումները:

Այդ կապակցությամբ Հայաստանի կառավարությանն առաջարկվել է կենտրոնացնել իր ջանքերը ընդունված օրենքների պատշաճ իրականացման և կիրարկման, ինչպես նաև գերատեսչական ունակությունների ամրապնդման ուղղությամբ: Արդյունքում այն խթան կհանդիսանա տնտեսական աճի, տնտեսության բազմակողմ զարգացման և աշխատատեղերի ստեղծման համար:

2008 մայիսին ավարտված ԵՄ և Հայաստանի միջև ազատ առևտրի համաձայնագրի հնարավորության մասին անկախ ուսումնասիրությունը փաստել է, որ Հայաստանը որոշակի առաջընթաց է արձանագրել նշված պայմանների ստեղծման ուղղությամբ, սակայն հավելյալ գործողությունների անհրաժեշտություն դեռևս կա:

Այդ իսկ պատճառով այս փուլում ԵՄ և Հայաստանը դեռևս չեն բանակցում համաձայնագրի շուրջ, այլ սահմանում են մի գործընթաց, որը միտված է երկկողմ բանակցային մանդատների համար պայմանների ստեղծմանը և ապագայում նման բանակցությունների ձեռնարկմանը: Նախապատրաստական այս գործընթացն արագացնելու նպատակով Եվրոպական հանձնաժողովը որոշել է մեծածավալ փաստահավաք առաքելություն իրականացնել դեպի Հայաստան: Այս առաքելությունը  հիմնված կլինի անցյալ տարվա հուլիսին Եվրահանձնաժողովի Հայաստան կատարած մաքսային հարցերով առաքելության դրական արդյունքների վրա:

Հարկ է նշել, որ ԵՄ նոր անդամ երկրներում կանոնակարգային համապատասխանեցման հարցերում իրենց ունակությունն ապացուցած Թվիննինգ, TAIEX և Սիգմա գործիքները հասանելի են նաև Հայաստանին: Հայաստանյան տարբեր հաստատություններում տեղակայվելիք Խորհրդատվական խմբի շրջանակներում ՀՀ Էկոնոմիկայի նախարարին ԵՄ-ն նաև կտրամադրի բարձրակարգ խորհրդատուներ, ովքեր ազատ առևտրի ապագա համաձայնագրի նախապատրաստական գործընթացի վերաբերյալ խորհրդատվություն կտրամադրեն: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: