482.13
-0.46
538.83
-4.47
8.55
+0.02
+9
Եղանակը Երևանում
Հայ
ՀՀ նախագահն առաջարկել է տարածքային կառավարման մարմինների աշխատանքի արդյունավետության գնահատման հստակ չափանիշներ ներդնել
10:26
16 Փետրվարի 2009

հանձնարարել է աշխատանքներ տանել տարածքային կառավարման մարմինների ու դրանց ղեկավարների աշխատանքի արդյունավետության գնահատման հստակ չափանիշներ ներդնելու ուղղությամբ, հաղորդում է ՀՀ նախագահի մամուլի ծառայությունը։

Հանձնարարականը տրվել է ՀՀ նախագահի հրավիրած խորհրդակցության ժամանակ, որը նվիրված էր Հայաստանի մարզերի նախորդ տարվա սոցիալ-տնտեսական զարգացման ու իրականացված ծրագրերի ամփոփմանը, առկա խնդիրների վերհանմանը և առաջիկա ամիսների ընթացքում կատարվելիք աշխատանքների համակարգմանն ու դրանց արդյունավետության բարձրացման հետ կապված հարցերի քննարկմանը։

Խորհրդակցությանը մասնակցել են Ազգային ժողովի նախագահ Հովիկ Աբրահամյանը, հանրապետության վարչապետ Տիգրան Սարգսյանը, փոխվարչապետ, տարածքային կառավարման նախարար Արմեն Գևորգյանը, էներգետիկայի և բնական պաշարների նախարար Արմեն Մովսիսյանը, գյուղատնտեսության նախարար Արամայիս Գրիգորյանը, քաղաքաշինության նախարարներ Արա Վարդանյանը, ինչպես նաև Հայաստանի մարզպետները:

Նախագահը մի շարք դիտարկումներ է կատարել՝ կառավարության և տարածքային կառավարման մարմինների ղեկավարների ուշադրությունը հրավիրելով նախանշված աշխատանքները պատշաճ ժամկետում կատարելու վրա։

Նախագահն անթույլատրելի է համարել ինչպես մայրաքաղաքում, այնպես էլ մարզկենտրոններում ու հանրապետության այլ համայնքներում ձնահեռացման աշխատանքների հետ կապված արձանագրված հապաղումներն ու դանդաղկոտությունը։

«Պետական կառավարման որոշ օղակներում մի գործելաոճ կա, որն ինձ բնավ դուր չի գալիս, և մենք պետք է այս գործելաոճին մեկընդմիշտ վերջ տանք: Դա այն է, երբ մենք խնդիրներին անդրադառնում ենք դրանց ի հայտ գալուց հետո՝ դեպքերի հետևից ենք գնում», - նշել է ՀՀ նախագահը։

Որպես օրինակ Սարգսյանը նաև նշել է վերջերս որոշ դպրոցներում աշխատավարձերի արձանագրված ուշացումները։

ՀՀ նախագահն անթույլատրելի և տարօրինակ է համարել, որ չնայած պետական բյուջեից նախանշված ժամկետում աշխատավարձային բոլոր վճարումների կատարված լինելուն, առանձին կրթօջախների ղեկավարների ու միջին օղակի պաշտոնյաների կողմից իրենց վերապահված պարտականությունները` համապատասխան պայմանագրերի ստորագրումը և թղթաբանության հետ կապված աշխատանքները պատշաճ ժամանակին չկատարելու պատճառով, առանձին կոլեկտիվներ իրենց աշխատավարձը ստացել են ուշացումով։ Նախագահը հանձնարարել է բացառել նման երևույթները:

Սերժ Սարգսյանը մարզպետներին հանձնարարել է լինել ակտիվ և կամուրջի դեր ստանձնել Կառավարության կողմից ֆինանսավորվող փոքր և միջին ձեռներեցության զարգացմանն ուղղված ծրագրերի ու մյուս կողմից՝ տեղական գործարար նախաձեռնությունների և ծրագրերի միջև՝ նոր աշխատատեղերի ստեղծումը դիտարկելով որպես գերակա նպատակ:

Հանրապետության նախագահը, անդրադառնալով Շիրակի և Լոռու մարզերում այս տարի նախատեսված շինարարական մեծածավալ աշխատանքներին, հանձնարարել է ուսումնասիրել տվյալ մարզերում առկա աշխատուժի հնարավորությունների համապատասխանությունը նախատեսված շինարարարական աշխատանքների ծավալներին և անհրաժեշտության դեպքում այդ աշխատանքներում ներգրավել նաև այլ մարզերի քաղաքացիներին:

ՀՀ նախագահն անդրադարձել է նաև գարնանային գյուղատնտեսական նախապատրաստական աշխատանքների ընթացքին։ «Մենք այս տարի պարտավոր ենք տասնապատկել ուշադրությունը գյուղի, մեր գյուղացիների, արտադրանք և հումք ստեղծողների նկատմամբ: Այս պարագայում և իմ, և կառավարության ուշադրությունը շատ մեծ է լինելու և պետք է կարողանանք, ինչո՞ւ չէ, նաև այս աշխատանքով, մեղմել տնտեսական ճգնաժամի հետևանքները մեր տնտեսության վրա», - ասել է ՀՀ նախագահը:

 

Աշխատանքային խորհրդակցության ընթացքում նախագահին զեկուցվել են գարնանային գյուղատնտեսական նախապատրաստական աշխատանքների ընթացքի, մարզերի սոցիալ-տնտեսական զարգացման, տեղական գործարար նախաձեռնությունների խթանման և օժանդակության, համայնքների կողմից եկամուտների հավաքագրման հարցում առկա բացթողումների վերացման, ինչպես նաև այս տարվա կտրվածքով նախատեսված ծրագրերի իրականացման ուղղությամբ տարվող աշխատանքների մասին:-0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։