486.78
+0.12
515.5
+2.27
8.41
+0.01
+5
Եղանակը Երևանում
Հայ
Հայաստանում հսկիչ-դրամարկղային մեքենաների կտրոններով վիճակահանության առաջին խաղարկությունը տեղի կունենա ուրբաթ
18:27
06 Փետրվարի 2009

Հայաստանում հսկիչ-դրամարկղային մեքենաների կտրոններով վիճակահանության առաջին խաղարկությունը տեղի կունենա ուրբաթ՝ փետրվարի 6-ին, Երևանում: Խաղարկությունը կանցկացվի Հայաստանի Հանրային հեռուստաընկերության ուղիղ եթերում ժամը 20։30-ին։

«Վիճակահանության անցկացումը լավ առիթ է հսկիչ-դրամարկղային մեքենաներ չունեցող առևտրի-սպասարկման կետերը երևան հանելու և այդ սարքավորումները նրանց տրամադրելու համար։ Ինչպես նաև հայտնաբերել այն կետերը, որոնցում դրամարկղային կտրոններ սպառողներին չեն տրվում, և պայքարել տվյալ երևույթի դեմ»,- կարծում է Պետեկամուտների կոմիտեի պետի տեղակալ Արմեն Ալավերդյանը։

Վիճակահանությունը նպատակ ունի կրճատել ստվերային շրջանառությունը և բնակչությանը սովորեցնել առևտրի-սպասարկման կետերում ՀԴՄ կտրոնները պահանջելու կուլտուրան։ Այդ կտրոնների վրա տպված է ութանիշ չկրկնվող թվերի պատահական համադրություն, ինչպես նաև հայկական այբուբենից կազմված սերիաներ։  

Կտրոնների՝ վաղուց գովազդվող խաղարկությանը մեծ խանդավառությամբ սպասում է ամբողջ երկիրը։ Եթե նախկինում բնակչության հիմնական մասն անտարբեր էր  խանութներում գնումներ կատարելու դիմաց դրամարկղային կտրոններ ստանալուն, ապա անցկացվող վիճակահանության մասին պետության կողմից արված հայտարարությունից հետո գնորդները բաղձալի կտրոնը ստանալու նախանձելի պահանջկոտություն են դրսևորում։

Եվ դա պատահական չէ. չէ՞ որ ՀԴՄ կտրոններով վիճակահանության մրցանակային ֆոնդը 115 մլն դրամ (376,7 հազար դոլար) է կազմում, որոնք կստանան 10 հազար հաղթողները։  

Սակայն 5 մլն դրամ (16,4 հազար դոլար)  բաղձալի առավելագույն շահումի երջանիկ ստացող կարող է լինել միայն մեկ մարդ, նա, ում դրամարկղային կտրոնի վրա կհամընկնեն բոլոր 8 թվերը։ 

Ում մոտ կհամընկնի 7 թիվը, կստանա 500 հազար դրամ (1,6 հազար դոլար), 4-6 թիվ՝ 5- 50 հազար դրամ՝ համապատասխանաբար (16,3 դոլար և 163,8 դոլար).

Սակայն այս միջոցներից զատ նախատեսվում են բոնուսներ, որոնք կհաշվվեն՝ ելնելով կտրոնի վրա նշված գումարից։ Մասնավորապես, բոնուսը նախատեսում է հազար դրամից ավելի ցանկացած գնման դեպքում լրացուցիչ միջոցների տրամադրում՝ շահած գումարի 1 տոկոսի չափով։

Կխաղարկվեն միայն այն կտրոնները, որոնք տրվել են ՀԴՄ-ների կողմից 2009 թ.-ի հունվարին։

Օբյեկտիվություն ապահովելու և մարդկային գործոնի հնարավոր ազդեցությունը  նվազեցնելու համար Պետեկամուտների կոմիտեում ձևավորվել է Վիճակահանության կազմակերպչական հանձնաժողով։ 

Իսկ բնակչության՝ շահումը ստանալու հնարավորությունը հեշտացնելու համար կառավարությունը զգալիորեն պարզեցրել է վճարման կարգը։ Այսպես, վիճակահության հաղթողները, որոնց շահումը չի գերազանցի 500 հազար դրամը, իրենց գումարը կարող են ստանալ կոմերցիոն բանկերի բաժանմունքներում, որոնց հետ կկնքվեն համապատասխան պայմանագրեր։ Արդյունքում, միջոցները կոմերցիոն բանկերին կվերադարձվեն գանձապետարանից։

Այն անձինք, որոնց մրցանակը 500 հազար դրամ (1,6 հազար դոլար)  և 5 մլն դրամ (16,4 հազար դոլար) կկազմի, իրենց շահումը կստանան համապատասխան ստուգումներ անցկացնելուց հետո։

Ընդ որում առաջին հաղթողները կկարողանան ստանալ շահած գումարներն արդեն փետրվարի 8-ին։

Ներկայումս Հայաստանի առևտրային կետերում տեղադրվել է շուրջ 45 հազար ՀԴՄ, որոնցից ավելի քան 7,2 հազարը՝ տոնավաճառներում։        

Լուծելով քանակական խնդիրը՝ կառավարությունը ձեռնամուխ եղավ որակականին, քանի որ միշտ չէ, որ խանութների աշխատողներն ու տերերը օգտագործում էին տեղադրված ՀԴՄ-ները։ 

Երբեմն ճարպիկ խանութպանները մի քանի հազար դրամի գնման գումարի փոխարեն կտրոնների վրա տպում էին ավելի փոքր թիվ։ Ավելին, որոշ խանութներ տալիս էին զրո դրամի գնումների ընդհանուր գումարով կտրոններ և, փաստացիորեն, տվյալ կտրոնը դառնում էր անվավեր։ 

Մեքենայությունները կասեցնելու համար Պետեկամուտների կոմիտեն բացել է «թեժ գիծ» և քաղաքացիների օպերատիվ զանգերի միջոցով ստուգումներ անցկացրել ու վերահսկել գնումները խանութներում։ Նման ստուգումների արդյունքում Երևանում ավելի քան 35 խանութ է փակվել 5-10 օրով և տուգանվել։  

Թեև խանութների սեփականատերերի հավաստմամբ՝ իրենց ավելի հեշտ է կամավոր «հանգստի» անցնել, քան իսկական կտրոններ տալ ու հարկեր վճարել։

Այդուհանդերձ, ՀԴՄ կտրոններով առաջին խաղարկությանը հանրապետությունում սպասում են անհամբերությամբ, և դրա արդյունքներից է կախված, թե ինչ արդյունավետությամբ բնակչության գիտակցության մեջ կմտնի սպառողի իրավունքներին համապատասխան սպասարկվելը, իսկ խանութների ու սուպերմարկետների տերերի մոտ թափանցիկ աշխատելու և հարկերը վճարելու ցանկություն ի հայտ կգա։ --0--

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։