485.25
-0.08
569.44
-2.72
8.18
-0.02
-2
Եղանակը Երևանում
Հայ
ՀՀ կառավարությունը 250 մլն դոլար կուղղի աղետի գոտու շինարարությանը և ուշադրության կենտրոնում կպահի երկրի շինարարական ոլորտի խնդիրները
10:33
02 Փետրվարի 2009

ՀՀ կառավարությունը ծրագրում է 250 մլն ԱՄՆ դոլարի շինարարական աշխատանքներ իրականացնել աղետի գոտում (1988 թ.-ի Սպիտակի երկրաշարժի գոտում – «Նովոստի-Արմենիա»), շաբաթ օրը երկրում շինարարության ոլորտի խնդիրներին և զարգացման հեռանկարներին նվիրված խորհրդակցության ժամանակ տեղեկացրել է ՀՀ վարչապետ Տիգրան Սարգսյանը։

Խորհրդակցությանը մասնակցել են շահագրգիռ նախարարությունների և գերատեսչությունների ղեկավարներ, Երևանի ճարտարապետության և շինարարության պետական համալսարանի ռեկտորը, շինարարական ոլորտի այլ մասնագետներ ու մասնավոր հատվածի կազմակերպությունների ղեկավարներ։

«Դա բավականին մեծ ծավալ է և ենթադրում է, որ շինարարական հզորությունները կօգտագործվեն աղետի գոտու վերականգնման աշխատանքներում», - շաբաթ օրը մեջբերել են Սարգսյանի խոսքերը ՀՀ կառավարության մամուլի ծառայությունից։

Այնուամենայնիվ, վարչապետի կարծիքով, դա դեռ բավարար չէ, անհրաժեշտ է նաև ուշադրություն դարձնել մասնավոր ներդրումների հնարավորություններին։

Վարչապետը նշել է, որ վերջին տարիների ընթացքում շինարարությունը եղել է հանրապետության տնտեսական աճի կարևորագույն շարժիչներից մեկը, որի ծավալն ու աճի տեմպերն էապես խթանել են նաև տնտեսության այլ ճյուղերի զարգացումը։

Սակայն վերջին շրջանում ոլորտում անկում է նկատվում, ինչը, ըստ Տիգրան Սարգսյանի, պայմանավորված է ներդրումների ծավալների կրճատմամբ, որն, իր հերթին, Հայաստանի տնտեսական գործընթացների վրա համաշխարհային տնտեսական ճգնաժամի ազդեցության հետևանքն է։

Ստեղծված պայմաններում վարչապետը կարևորել է պետության դերը, պետության վարած քաղաքականությունը՝ տնտեսական աճը խթանելու, նոր աշխատատեղեր ստեղծելու ուղղությամբ։

Նա նշել է, որ շինարարության ոլորտն այսօր էլ գտնվում է կառավարության ուշադրության կենտրոնում և անհրաժեշտ է առավելագույնս օգտագործել այդ ոլորտի կարողությունները։

«Մեր ռազմավարությունն այս իրավիճակում բավականին պարզ և հասկանալի է. պետությունը պետք ավելացնի իր ծախսերը՝ նպատակ ունենալով ստեղծել նոր աշխատատեղեր։ Այս ծախսերը, որ մենք ավելացնում ենք, պետք է արդարացնեն իրենց, որովհետև պետությունն իրավունք չունի ներդրումներ կատարել ռիսկային ոլորտներում», - նշել է վարչապետը։

Նրա խոսքերով,  համաշխարհային փորձը ցույց է տալիս, որ ամենաարդյունավետ և իրեն արդարացնող ծախսեր համարվում են ենթակառուցվածքների վրա կատարվող ծախսերը։

«Դա ճանապարհաշինությունն է, ոռոգման համակարգը, խմելու ջուրը, գյուղատնտեսության ոլորտում ենթակառուցվածքների ձևավորումը և շինարարությունը», - ասել է ՀՀ կառավարության ղեկավարը։

«Ձեզանից լավ ոչ ոք չի կարող գնահատել, թե ինչպիսին են սպասումներն այս ոլորտում, ինչ գնահատականներ, ինչ կանխատեսումներ ունեք։ Միևնույն ժամանակ, մեզ հետաքրքիր է ձեր կարծիքը, թե ինչ համատեղ միջոցառումներ պետք է իրականացնենք՝ մեղմելու այն բացասական հետևանքները, որ բերում է համաշխարհային տնտեսական ճգնաժամը», - ասել է վարչապետը՝ դիմելով շինարարության ոլորտի մասնագետներին և մասնավոր հատվածի ներկայացուցիչներին։

Խորհրդակցության ընթացքում ՀՀ քաղաքաշինության նախարարը և էկոնոմիկայի նախարարության արդյունաբերության վարչության պետը ներկայացրել են շինարարության ոլորտի խնդիրների և զարգացման հնարավորությունների վերաբերյալ իրենց վերլուծությունն ու առաջարկությունները։

Այնուհետև լսել են մասնավոր հատվածի ներկայացուցիչների դիտարկումներն ու առաջարկությունները։ Նրանք հատկապես առանձնացրել են շինարարության նախագծման, փորձագիտության, լիցենզավորման փուլերում առկա խնդիրները։

արձ է կատարվել նաև որակյալ կադրերի նվազմանը, շինարարական նոր տեխնիկայի ձեռքբերման կամ եղած պարկի վերազինմանը, վարկավորման գործում հանդիպող դժվարություններին առնչվող հարցերին։ Հարց է բարձրացվել նաև օրենսդրության կատարելագործման անհրաժեշտության մասին։

Խորհրդակցության ավարտին վարչապետը մի շարք հանձնարարականներ է տվել։ Նա, մասնավորապես, նշել է, թե ներկայացված վիճակը վկայում է այն մասին, որ շինարարության ոլորտի զարգացման ծրագիր, որը պարունակեր նշված բոլոր հիմնախնդիրների պատասխանները, գոյություն չունի։ Նրա խոսքերով, ոլորտի մասնագիտական կարողություններն անբավարար են, վերապատրաստման ծրագրերի իրականացման խնդիր կա, որը հնարավոր է լուծել միջազգային համապատասխան կազմակերպությունների կողմից տրամադրվող տեխնիկական օժանդակության ծրագրերի միջոցով։

Վարչապետը հանձնարարել է ՀՀ քաղաքաշինության և էկոնոմիկայի նախարարներին՝ ամփոփ ներկայացնել, թե ինչպիսի տեխնիկական օժանդակություն է անհրաժեշտ ոլորտի զարգացումը խթանելու համար, որը հիմք կդառնա նաև շահագրգիռ միջազգային կազմակերպությունների հետ այդ հարցի շուրջ բանակցությունների համար։

Մեկ այլ հանձնարարականի համաձայն, ՀՀ քաղաքաշինության և էկոնոմիկայի նախարարները՝ խորհրդակցության մասնակից մասնագետների, շինարարական կազմակերպությունների ներկայացուցիչների հետ համագործակցությամբ, պետք է մշակեն և ներկայացնեն շինարարության ոլորտի զարգացման ծրագիր։

Վարչապետը մասնավոր հատվածի ներկայացուցիչներին խնդրել է ակտիվ մասնակցել այդ աշխատանքին և դառնալ կառավարության գործընկերը՝ ոլորտում առկա խնդիրներին արդյունավետ լուծումներ տալու նպատակով։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։