484.51
-0.37
518.72
-3.16
8.61
-0.05
+24
Եղանակը Երևանում
Հայ
ՀՀ նախագահը ավագ դպրոցի համակարգի ներդրման հետ ծանոթացել է գործնականում
16:58
23 Հունվարի 2009

ՀՀ նախագահ Սերժ Սարգսյանը ուրբաթ այցելել է Երևանի N 112 փորձնական ավագ դպրոց։

2008-2009 ուստարում ավագ դպրոցի համակարգի ներդրման փորձնական ծրագիրն արդեն գործում է Երևանի, Շիրակի, Գեղարքունիքի և Արագածոտնի մարզերի 10 դպրոցներում։ Փորձնական ծրագրերի ընդհանուր բյուջեն 2 մլրդ. 617 մլն դրամ է  (շուրջ 8,6 մլն. դոլար)։

Պետության ղեկավարը ծանոթացել է կրթական գործընթացին և դպրոցի հագեցվածությանը, աշակերտների հետ զրուցել ավագ դպրոցի համակարգի ներդրման առնչությամբ նրանց կարծիքի վերաբերյալ, ինչից հետո խորհրդակցություն անցկացրել ուսուցիչների և ծնողների հետ։  

«Գաղտնիք չէ, որ հայ հասարակությունը հատուկ տեղ ու դեր է հատկացնում կրթությանը, որը հայ ժողովրդի համեմատական առավելությունն է»,- ասաց Սարգսյանը։

Ինչպես նշեց նախագահը, կրթությունն ու գիտելիքը միշտ պետք է մեր ազգային զարգացման հիմք լինեն և ոչ միայն Գիտության ու կրթության նախարարության և կառավարության խնդիրը լինեն, այլև ողջ հասարակության կարևորագույն առաջադրանքը։

Նրա խոսքերով, կրթությունը պետք է ինչպես պետական կառույցների և տեղական ինքնակառավարման մարմինների, այնպես էլ այլ կազմակերպությունների ուշադրության կենտրոնում լինի։ 

Խորհրդակցության ընթացքում քննարկվել են ավագ դպրոցի ներմուծման հարցերը և համեմատական առավելությունները։

Նախագահը ծանոթացել է նաև դպրոցականների նկարների ցուցահանդեսի, և մեկ նկար նվեր ստացել։

Ինչպես լրագրողներին հայտնեց ՀՀ կրթության և գիտության նախարար Սպարտակ Սեյրանյանը, այցը պայմանավորված է ավագ դպրոցում կրթական գործընթացին ավելի մոտիկից ծանոթանալու նախագահի ցանկությամբ։  

«Քննարկումների ընթացքում անդրադարձ է կատարվել երեք թեմաների. ուսուցիչների կարծիքը ավագ դպրոցի համակարգի ներմուծման փորձնական ծրագրի վերաբերյալ, ծնողների գնահատականները ավագ դպրոցում իրենց երեխաների առաջադիմության առնչությամբ և կրթության ու գիտության նախարարության նոր քայլերը, որոնք ծրագրվում է ձեռնարկել համակարգի զարգացման ու թարմացման ուղղությամբ»,- ասաց Սեյրանյանը։  

Նա նշեց, որ ծնողները երեխաների առաջադիմության մեջ առաջընթաց են նկատում, իսկ ուսուցիչները դրական են արտահայտվել լավ հաճախելիության, խորացված գիտելիքների և նոր կրթական համակարգի մասին։  

Ինչ վերաբերում է երեխաներին, ապա, ինչպես նշեց նախարարը, իրենց կարծիքով նրանք ավելի խորացված գիտելիքներ են ստանում, որոնք իրենց թույլ կտան առանց մասնավոր պարապմունքների և լուրջ ծանրաբեռնվածության մասնակցել ընդունելության քննություններին։ 

Ավագ դպրոցը ավագ դասարանների աշակերտների ավելի խորացված կրթության թեքում ունի՝ նրանց ընտրած ապագա մասնագիտության համաձայն։

Դպրոցում չորս հոսք է գործում՝ հումանիտար, բնագիտական, ֆիզիկա-մաթամատիկական և տնտեսագիտական։ Դպրոցում սովորում է 563 աշակերտ, որոնցից 124-ը՝ ավագ դասարաններում, նրանցից 52-ը՝ ավարտական դասարաններում։  

Հայաստանի կառավարությունն ավագ դպրոցի ստեղծման ռազմավարական ծրագրին հավանություն է տվել 2008 թվականի մարտի 27-ին: Ավագ դպրոցի բարեփոխման քաղաքականության վերջնական տարբերակը ծրագրվում է գործադիր մարմնին ներկայացնել 2009 թ.-ի մարտին։

Ամբողջ ռազմավարական ծրագրով նախատեսվում է հանրապետությունում ստեղծել 150 ավագ դպրոց՝ 11 ուղղություններով, մասնավորապես, ֆիզիկամաթեմատիկական, բնագիտական, հումանիտար, արհեստագործական։

ՀՀ 1450 հանրակրթական դպրոցներում 2008-2009 ուստարում սովորում է շուրջ 435,5 հազար աշակերտ։ --0--

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: