484.75
-0.5
571.76
+2.32
8.19
+0.01
-2
Եղանակը Երևանում
Հայ
Հայաստանը հաստատակամ է չեզոքացնելու ղարաբաղյան հակամարտության կարգավորման բանակցային գործընթացի ճանապարհի խոչընոտները. ԱԳՆ հաշվետվություն
11:17
22 Հունվարի 2009

ԵՐԵՎԱՆ, 22 հունվարի. /Նովոստի-Արմենիա/. Հայաստանը հաստատակամ է չեզոքացնելու ղարաբաղյան հակամարտության կարգավորման բանակցային գործընթացի ճանապարհին ստեղծվող խոչընոտները, ասվում է ՀՀ ԱԳՆ 2008 թ. տարեկան հաշվետվության մեջ։

Փաստաթղթում նշվում է, որ 2008 թ.-ին Հայաստանի նոր ղեկավարությունը (որը ձևավորվել էր 2008 թ.-ի փետրվարի 19-ին տեղի ունեցած նախագահական ընտրություններից հետո – «Նովոստի-Արմենիա») հավատարիմ մնալով արտաքին քաղաքականության շարունակականությանը՝ հայտարարեց արցախյան հիմնախնդիրը բացառապես խաղաղ ճանապարհով լուծելու, բանակցությունները ԵԱՀԿ Մինսկի խմբի շրջանակներում և Մադրիդյան առաջարկությունների հիման վրա շարունակելու պատրաստակամության մասին` ընդգծելով այդ գործընթացին արցախյան կողմի լիակատար մասնակցության անհրաժեշտությունը:

Միաժամանակ ՀՀ արտգործնախարարությունում հիշեցրել են, որ 2008 թ.-ի  փետրվարին Ադրբեջանը ՄԱԿ-ում ներկայացրեց ԼՂ հիմնախնդրի էությունը խեղաթյուրող և Ադրբեջանի տեսակետները միակողմանիորեն արտահայտող բանաձևի նախագիծ, որը ՄԱԿ ԳԱ քննարկմանը դրվեց մարտին։

«Բանաձևը թեև ընդունվեց 39 կողմ քվեարկած ձայներով, այնուամենայնիվ բանաձևին դեմ քվեարկեցին ԵԱՀԿ Մինսկի խմբի համանախագահ երկրները` ԱՄՆ-ն, Ֆրանսիան և Ռուսաստանի Դաշնությունը։ Ադրբեջանի առաջարկած բանաձևի նախագիծը չպաշտպանեցին ՄԱԿ-ի անդամ պետությունների գերակշիռ մեծամասնությունը, այդ թվում` ԵՄ անդամ բոլոր երկրները», - ասվում է փաստաթղթում։

Հաշվետվության մեջ նշվում է, որ ադրբեջանական կողմը փորձեր կատարեց ներկայացնել ՄԱԿ-ի ԳԱ բանաձևը որպես բանակցությունների հիմք՝ ժխտելով Մադրիդյան առաջարկությունների գոյությունը և ջանաց լուծարել Մինսկի խմբի բանակցային ձևաչափը:

Փաստաթղթում նաև նշվում է, որ 2008թ. տեղի է ունեցել Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի երկու հանդիպում՝ հունիսի 6-ին Սանկտ-Պետերբուրգում ու նոյեմբերի 2-ին Մոսկվայում:

«Մոսկովյան հանդիպումը, որ կազմակերպվել էր Ռուսաստանի նախագահ  Դմիտրի  Մեդվեդևի միջնորդությամբ և նախաձեռնությամբ, կարևոր հանգրվան էր արցախյան հիմնախնդրի կարգավորման գործընթացի համար», - ասվում է հաշվետվության մեջ։

Փաստաթղթում նշվում է, որ Հայաստանի, Ադրբեջանի և Ռուսաստանի նախագահների կողմից հանդիպման արդյունքում ստորագրվեց հռչակագիր, որը նախատեսում է բանակցությունների շարունակումը Մինսկի խմբի շրջանակներում և մադրիդյան առաջարկությունների հիման վրա միջազգային իրավունքի սկզբունքների վրա հիմնված և միջազգային երաշխիքներով  ամրապնդված ԼՂ հիմնախնդրի խաղաղ քաղաքական կարգավորում: Հռչակագրում կարևորվում է նաև վստահության ամրապնդման միջոցների ձեռնարկումը։

Հաշվետվության մեջ նաև ասվում է, որ Հայաստանի և Ադրբեջանի նախագահների հանձնարարությամբ երկու երկրների  արտգործնախարարները ԵԱՀԿ Մինսկի խմբի համանախագահների աջակցությամբ շարունակել են ղարաբաղյան հիմնախնդրի կարգավորման ուղիների շուրջ բանակցությունները: 2008 թ.-ին տեղի է ունեցել արտգործնախարարների 7 հանդիպում: 

«Չնայած շարունակվող ակտիվ բանակցություններին՝ ադրբեջանական կողմը շարունակեց խեղաթյուրել բանակցային գործընթացի ողջ էությունը՝ շարունակաբար շեշտը դնելով միջազգային իրավունքի միայն մեկ՝ տարածքային ամբողջականության սկզբունքի վրա: Ադրբեջանի ղեկավարությունը շարունակում էր հայտարարել ռազմական ճանապարհով հիմնահարցի լուծման հնարավորության մասին», - ասվում է հաշվետվության մեջ։

ՀՀ արտգործնախարարությունում հիշեցրել են, որ 2008 թ.-ի դեկտեմբերի 4-ին ԵԱՀԿ ՄԽ համանախագահ երկրների արտաքին քաղաքական գերատեսչությունների ղեկավարները հանդես եկան  համատեղ հայտարարությամբ, որով ընգծվում է Սանկտ-Պետերբուրգում և Մոսկվայում Հայաստանի և Ադրբեջանի նախագահների հանդիպումների արդյունքում ձևավորված դրական միտման պահպանման կարևորությունը: Հայտարարությունում հատուկ շեշտվում է, որ հիմնախնդրի խաղաղ կարգավորումն այլընտրանք չունի: 

Բացի այդ, դեկտեմբերի 4-5-ը Հելսինկիում կայացած ԵԱՀԿ նախարարական խորհրդի 16-րդ հանդիպումն ընդունեց հայտարարություն ԼՂ հիմնախնդրի խաղաղ կարգավորման վերաբերյալ, որտեղ ողջունելով Մոսկվայի հռչակագիրը՝ ԵԱՀԿ անդամ երկրների արտգործնախարարները կոչ են անում շարունակել բանակցությունները Մինսկի խմբի շրջանակներում ու Մարդիդյան առաջարկությունների հիման վրա: Արտգործնախարարները կոչ են անում ձեռնամուխ լինել խաղաղության համաձայնագրի մշակմանը և կոնկրետ քայլեր ձեռնարկել զինադադարն ամրապնդելու համար:

«Հայաստանը հաստատակամ է չեզոքացնելու բանակցային գործընթացի առաջընթացի ճանապարհին ստեղծվող խոչընոտները և շարունակելու բանակցությունները Մոսկովյան հռչակագրի և Հելսինկիում ընդունված հայտարարությունների ոգուն համապատասխան», - ընդգծվում է ՀՀ ԱԳՆ հաշվետվության մեջ։-0- 

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։