483.55
-0.56
568.22
-2.21
8.18
-0.05
+2
Եղանակը Երևանում
Հայ
Ընդդիմությունը կարծում է, որ Հայաստանի իշխանությունները կհամաձայնեն ղարաբաղյան հարցում զիջումների գնալ ԵԽԽՎ-ում ձայնից չզրկելու դիմաց
18:00
21 Հունվարի 2009

ԵՐԵՎԱՆ, 21 հունվարի. /Նովոստի-Արմենիա/. Հայաստանի իշխանությունները կարող են զիջումների գնալ ղարաբաղյան հարցում, եթե ԵԽԽՎ-ն չզրկի հայ պատվիրակությանը ձայնի իրավունքից Խորհրդարանական Վեհաժողովում, կարծում է ընդդիմադիր Հայ ազգային կոնգրեսի համակարգող Լևոն Զուրաբյանը։

«Իշխանությունները պատրաստ են գնալ ցանկացած քայլի, միայն թե չազատեն «քաղբանտարկյալներին»»,- ասաց նա չորեքշաբթի մամուլի ասուլիսում։

ԵԽԽՎ մոնիտորինգային հանձնաժողովը մարտի 1-2-ի դեպքերի հետաքննության կապակցությամբ դեկտեմբերի 17-ին առաջարկել է ութ հոգուց բաղկացած հայկական պատվիրակությանը զրկել ձայնի իրավունքից։ Որոշումն ընդունվել է Ժորժ Կոլոմբյեի ու Ջոն Պրեսկոտի՝ Հայաստանի կողմից ԵԽԽՎ 1609 և 1620 բանաձևերի պահանջների իրականացման վերաբերյալ զեկույցի հիման վրա: Վերջնական որոշումը տվյալ հարցով ԵԽԽՎ-ն կընդունի հունվարի 29-ի նիստում։

Զուրաբյանի կարծիքով, Ղարաբաղի հարցում զիջումների գնալու պատրաստակամության մասին վկայում է ՀՀ Ազգային Ժողովի խոսնակ Հովիկ Աբրահամյանի նամակը ԵԽԽՎ անդամ-երկրների խորհրդարանների նախագահներին։ Աբրահամյանի հայտարարությունը, որ ԵԽԽՎ-ում ձայնից զրկելը կարող է հարված հասցնել Հայաստանի՝ տարածաշրջանում խաղաղության և կայունության հաստատմանն ուղղված վճռականությանն ու ջանքերին, Զուրաբյանը գնահատում է որպես միջազգային հանրությանն արված առաջարկ՝ ղարաբաղյան հարցում զիջումների գնալու վերաբերյալ։

ՀԱԿ համակարգողը նշում է, որ «քաղբանտարկյալների» առկայությունը Հայաստանում թուլացնում է նրա դիրքերը ղարաբաղյան կարգավորման բանակցային գործընթացում, ի տարբերություն Ադրբեջանի, որն իր նավթի պաշարների շնորհիվ կարող է չանհանգստանալ բազմաթիվ քաղբանտարկյալների առկայության համար։

ՀՀ նախագահ Սերժ Սարգսյանը բազմիցս հայտարարել է, որ Հայաստանում չկան և չեն կարող քաղբանտարկյալներ լինել։ ՀՀ արդարադատության նախարար Գևորգ Դանիելյանի խոսքերով, Երևանի մարտի 1-2-ի զանգվածային անկարգությունների ժամանակ ձերբակալված պատգամավորներին և քաղաքական գործիչներին չի կարելի քաղբանտարկյալներ համարել, «այդ անձինք քրեորեն պատժելի հանցագործություն են կատարել»։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։ Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։-0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: