478.23
-0.15
574.4
+0.97
8.26
+0.03
+22
Եղանակը Երևանում
Հայ
Լեռնային Ղարաբաղը միշտ գտնվել է ղարաբաղյան հիմնախնդրի բանակցային գործընթացի շրջանակներում. փորձագետ
17:28
21 Հունվարի 2009

ԵՐԵՎԱՆ, 21 հունվարի. /Նովոստի-Արմենիա/. Լեռնային Ղարաբաղը երբեք չի եղել  ղարաբաղյան հիմնախնդրի բանակցային գործընթացի շրջանակներից դուրս, կարծում է «Քրիստոնեա-Դեմոկրատական Միություն» կուսակցության նախագահ Խոսրով Հարությունյանը։

«Իհարկե, մենք չենք տեսել բանակցային սեղանի շուրջ Լեռնային Ղարաբաղի Հանրապետության ներկայացուցչին, սակայն մենք միշտ նկատել ենք միջնորդների և հայկական պետության ղեկավարների անուղղակի շփումները ԼՂՀ քաղաքական ղեկավարության հետ»,- ասաց Հարությունյանը չորեքշաբթի մամուլի ասուլիսում։

Միաժամանակ, Հարությունյանի խոսքերով, Լեռնային Ղարաբաղի ներկայացուցիչների բաց մասնակցությունը բանակցային գործընթացում, անկասկած, դրական կլինի։

Բացի այդ, ՔԴՄ առաջնորդը նշեց, որ չի կարող լինել ղարաբաղյան հիմնախնդրի որևէ լուծում՝ առանց հաշվի առնելու ԼՂՀ ղեկավարության և ժողովրդի կամքը։

Հարությունյանը կարծում է, որ իրականում կան համգամանքներ, որոնք ուղղակի կամ անուղղակի ազդում են ղարաբաղյան հակամարտության բանակցային գործընթացի արդյունքների վրա՝ խոչընդոտելով դրա լուծմանը։

Առաջին հերթին, ըստ նրա, ադրբեջանական կողմը չի կամենում հաշվի նստել 20 տարի առաջ ստեղծված ռեալ իրավիճակի հետ, այն է՝ արցախցիների ինքնորոշման իրավունքի հետ։

«Ադրբեջանը պատրաստ չէ ընդունել, որ կա անկախ Ղարաբաղ, որ կա Արցախի ազատ ինքնորոշման իրավունք, և այդ իրավունքի իրականացման խնդիրը, ուզած թե չուզած, պետք է համաձայնեցնել»,- պարզաբանեց Հարությունյանը։

Որպես երկրորդ հանգամանք Հարությունյանը նշեց երկու երկրների քաղաքական առաջնորդների, գործիչների և ժողովուրդների վստահության պակասը։ Ընդ որում, տվյալ խնդիրը, նրա կարծիքով, պետք է լուծեն, առաջին հերթին, երկրների ղեկավարները։

«Դժբախտաբար, այս ուղղությամբ որևէ քայլ չի ձեռնարկվում։ Մենք տեսնում ենք, որ Ադրբեջանում առանց թաքցնելու խոսում են ռազմական ճանապարհով և ամեն գնով խնդրի լուծման մասին՝ սեփական քաղաքական նպատակներին հասնելու համար»,- նշեց նա։

Ավելին, ըստ նրա, նման հարցադրումը դիտարկվում է գրեթե որպես ազգային գաղափարախոսություն։

Այսպիսով Հարությունյանը եզրահանգում է, որ որևէ առաջխաղացում ԵԱՀԿ ՄԽ համանախագահների գործունեությունում չի նկատվում։

«Միևնույն ժամանակ դրական է այն, որ միջազգային հանրությունը վերջապես հասկացավ, որ հնարավոր չէ ղարաբաղյան հիմնախնդրի որևէ լուծում, եթե այն հաշվի չի առնում արցախցիների ինքնորոշման իրավունքը»,- ասաց նա։

Քաղաքական գործիչը նշում է նաև, որ խոշոր խաղացողներին ավելի շատ   հետաքրքրում է ոչ այնքան ղարաբաղյան հակամարտության լուծումը, որքան կարգավորման գործընթացը, քանի որ դա հնարավորություն է տալիս մշտապես գտնվել Հարավային Կովկասում՝ մի տարածաշրջան, որի աշխարհաքաղաքական դերը չի կարելի թերագնահատել։  

Հարությունյանը գտնում է, որ «հայկական կողմի մոտեցումները հակամարտության կարգավորման գործընթացում պետք է պարունակեն հետևյալ պահերը. ինքնորոշում հանրաքվեի միջոցով՝ Ղարաբաղի Սահմանադրությամբ հաստատված տարածքներում, ԼՂՀ անվտանգության երաշխավորում ոչ միայն միջազգային կառույցների, այլև Հայաստանի կողմից, ցամաքային սահմանի առկայություն Հայաստանի և Ղարաբաղի միջև, ինչը հնարավորություն կտա իրավիճակին համապատասխան պաշտոնական աջակցություն  ցուցաբերել Լեռնային Ղարաբաղին»։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: