486.95
+0.14
513.34
-3.7
8.4
-0.03
-9
Եղանակը Երևանում
Հայ
Freedom House-ի և Human Rights Watch-ի գնահատականները երկակի չափանիշների վրա են հիմնված. փորձագետ
17:44
19 Հունվարի 2009

Այնպիսի միջազգային կազմակերպությունների, ինչպիսիք են Freedom House-ը և Human Rights Watch-ը՝ տարբեր երկրներին իրենց զեկույցներում տված գնահատականները հիմնված են երկակի չափանիշների վրա, կարծում է փորձագետ-քաղաքագետ, Քաղաքացիական հասարակության և տարածաշրջանային առաջընթացի ինստիտուտի ծրագրերի համակարգող Շուշան Խաթլամաջյանը։  

«Այս կազմակերպությունները, իրենց հետազոտություններն անցկացնելիս, բավականին զգալի քաղաքական նպատակ են հետապնդում։ Նրանց հետազոտական բազան և մեթոդաբանությունը բավականին են լավ զարգացած, սակայն քաղաքականությունը էական տեղ է զբաղեցնում նրանց աշխատանքներում։ Սա պայմանավորված է մի շարք պատճառներով, որոնց մի մասը պատմական հարթության վրա է և կապված աշխարհում տիրող քաղաքական իրավիճակի հետ՝ այդ կազմակերպությունների ստեղծման և նրանց մեթոդաբանության մշակման պահին»,- ասաց նա երկուշաբթի «Նովոստի» միջազգային մամուլի կենտրոնում։

Խաթլամաջյանը նշեց, որ Freedom House կազմակերպության կողմից Հայաստանում տիրող իրավիճակի մասին «Ազատությունը աշխարհում - 2009» զեկույցում տրված գնահատականները ուսումնասիրելով՝ կարելի է գալ եզրակացության, որ դրանք համապատասխանում են իրականությանը, սակայն այլ երկրների հետ համեմատական վերլուծության դեպքում սկսում են որոշակի հարցեր ծագել։

193 երկրներից, որտեղ անցկացվել է հետազոտությունը, 89 պետություն (46 տոկոսը) ազատ են ճանաչվել, 62-ը՝ մասամբ ազատ (32%), իսկ 42-ը՝ ոչ ազատ (22%)։ Հայաստանը շարունակում է մնալ «մասամբ ազատ» երկրների շարքում, որոնցում ընդգրկված են նաև Վրաստանն ու Լեռնային Ղարաբաղը։ Ընդ որում, կազմակերպությունը երկրում ժողովրդավարության մակարդակի անկում է գրանցել։ Մասնավորապես, կազմակերպությունում նշում են 2008 թ.-ի ընթացքում Հայաստանում քաղաքական իրավունքների մակարդակի անկում են նշում 4-ից 6-րդ սանդղակ՝ յոթբալանոց աղյուսակով։  

Փորձագետը նշեց, որ քաղաքական ու քաղաքացիական ազատությունների գծով Հայաստանին տրված է 5/4 գնահատականը, ինչպես Հորդանանին, Բանգլադեշին, Ղրղզստանին, Մարոկկոյին, Ուգանդային, Նեպալին և Մավրիտանիաին։

«Ես ոչ մի ընդհանուր բան չեմ տեսնում Հայաստանի և այդ երկրների քաղաքական իրավիճակի և ազատությունների մակարդակի միջև, հատկապես Մավրիտանիայի հետ, որտեղ կանայք ընդհանրապես ընտրական կամ մեքենա վարելու իրավունք չունեն»,- ասաց նա։

Բացի այդ, Խաթլամաջյանի խոսքերով, Հայաստանի վերաբերյալ զեկույցում նշվում է, որ երկրում ապրող էթնիկ փոքրամասնությունները խնդիրներ ունեն կրթության ոլորտում, այդ թվում չունեն դասագրքեր՝ մայրենի լեզվով կրթություն ստանալու համար։   

«Մինչդեռ Վրաստանի մասին զեկույցում ոչ մի նման բան չի նշվում այն դեպքում, երբ այդ երկրի բազմաթիվ էթնիկական խմբերը բավականին լուրջ նմանատիպ խնդիրներ ունեն»,- պարզաբանեց նա։  

Խոսելով ազատ երկրների մասին՝ Խաթլամաջյանը նշեց, որ դրանց թվում են, օրինակ, Արևելյան Թիմորն ու Հյուսիսային Կիպրոսի Թուրքական հանրապետությունը՝ ԱՄՆ-ի կամ Ֆինլանդիայի հետ մեկտեղ։

«Եթե նայենք ազատ երկրների ցանկին, ապա դրանց թվում կան Կենտրոնական Ասիայի երկրներ. Սոմալին և Բիրման, Ռուսաստանն ու Ադրբեջանը նմանատիպ գնահատականներ ունեն Կուբայի, Չինաստանի, Աֆղանստանի և Սիերա-Լեոնեի հետ (6/5), իսկ Բելառուսը՝ Զիմբաբվեի, Էրիթրեայի և Հասարակածային Գվինեայի հետ (7/6)»,- ասաց նա։      

Անդրադառնալով Human Rights Watch կազմակերպության World Report-2009 զեկույցին՝ փորձագետն ընդգծեց, որ աշխատանքում քիչ չեն այն օրինակները, երբ միևնույն խնդրի հանդեպ տարբեր երկրներում տարբեր մոտեցումներ են օգտագործվել։   

«Օրինակ, դիտարկելով տարբեր ազատությունների հարցերը Ուզբեկստանում, Ղազախստանում, Թուրքմենստան, HRW-ը ոչ մի կերպ չի անդրադարձել Բալթյան երկրներում առանց պետական լեզվի իմացության աշխատանքի տեղավորման ազատության հարցին»,- պարզաբանեց նա։  

Human Rights Watch կազմակերպության World Report-2009 զեկույցում ասվում է, որ անկախության ձեռք բերման սկզբից ևեթ Հայաստանը վերապրել է քաղաքական իրավունքների ամենալուրջ ճգնաժամերից մեկը, երբ մարտի 1-ին անվտանգության ուժերը արտակարգ ուժ կիրառեցին 2008 թ.-ի փետրվարին նախագահական ընտրությունների արդյունքների դեմ բողոքող ընդդիմության նկատմամբ։

Ընդ որում Խաթլամաջյանը կարծում է, որ Transparency International միջազգային կազմակերպության հետազոտություններն ու գնահատականները ավելի պակաս քաղաքականացված են։ --0--

Loading...
Թեմատիկ նյութեր
Բաժնի այլ նյութեր
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը: