486.21
-0.98
517.62
-1.72
8.15
+0.04
-3
Եղանակը Երևանում
Հայ
ՀՀ նախագահն ամփոփել է պաշտպանական ռազմավարական վերանայման գործընթացի առաջին փուլի արդյունքները
10:23
14 Հունվարի 2009

ՀՀ նախագահ Սերժ Սարգսյանը երեքշաբթի անցկացրել է աշխատանքային խորհրդակցություն, որի ընթացքում քննարկվել են պաշտպանական ռազմավարական վերանայման գործընթացի առաջին փուլի արդյունքները։

Ինչպես «Նովոստի-Արմենիա» գործակալությանը տեղեկացրել են ՀՀ նախագահի մամուլի ծառայությունից, հինգ փուլից բաղկացած այս գործընթացը նախատեսվում է ավարտել մինչև 2010թ. ապրիլը։

«Մեկ անգամ չէ, որ խոսել ենք մեր բանակի դերի ու նշանակության, նրա անընդհատ և առաջանցիկ զարգացման կարևորության մասին: Պարբերաբար լինելով զորամասերում, ես անձամբ եմ հետևում գործընթացին, տարվող աշխատանքներին, կենսապայմաններին, բարոյահոգեբանական մթնոլորտին և, իհարկե, մարտական պատրաստության աշխատանքներին», - ասել է նախագահը։

Նրա խոսքերով, զարգացումն, իհարկե, ակնառու է և ակնհայտ՝ դրված կայուն հիմքերի վրա: Բայց սա խնդրի միայն մի կողմն է և, մենք սրանով չենք կարող բավարարվել:

«Պաշտպանական համակարգը ժամանակակից պայմաններում համալիր մի հաստատություն է, որը ոչ միայն պետք է համահունչ լինի ժամանակի պահանջներին, այլև անընդհատ պետք է ձգտի համաքայլ լինելու առկա լավագույն չափանիշներին», - նշել է ՀՀ նախագահը։

Այս տեսանկյունից նախագահը ընդգծել է, որ «մենք պետք է ի վիճակի լինենք ոչ միայն հետևել և տիրապետել աշխարհում տեղի ունեցող զարգացումներին, այլև ինքներս պետք է առանձին ուղղություններով առաջամարտիկի դեր ստանձնենք»։

«Մենք պարտավոր ենք մի որևէ բնագավառում ասել, որ սա չափանիշ է, և այստեղ մենք հասել ենք լավագույն ցուցանիշների: Ես կատարված աշխատանքը և դրված նպատակները գնահատելու համար համեմատականներն այլևս անցկացնելու եմ լավագույն չափանիշների հարթությունում», - ընդգծել է Սարգսյանը։

Նախագահը նշել է, որ այսօր անհրաժեշտ է մեր առջև առավել բարձր նշաձող դնել և վստահ շարժվել այդ ուղղությամբ:

«Ավելորդ է ասել, որ սա պահանջում է ամենօրյա հետևողական և համակարգված աշխատանք: Ինչպես Զինված ուժերում «հանգստի օրեր» չեն լինում, այդպես էլ բարեփոխումները չեն կարող ունենալ «հանգստի օրեր»։ Բարեփոխումները չեն կարող զարգանալ ընդհատումներով, դրանցով մենք պետք է զբաղվենք անընդհատ», - ավելացրել է նա։

ՀՀ նախագահի խոսքերով, նրա կողմից ձևավորված միջգերատեսչական հանձնաժողովն ըստ սահմանված ժամանակացույցի անց է կացնում պաշտպանական ռազմավարական վերանայման գործընթացը։ Հանձնաժողովի աշխատանքները ղեկավարում են Ազգային անվտանգության խորհրդի քարտուղարը և պաշտպանության նախարարը:

«Սա կարևոր գործընթաց է, որը միտված է համակարգված հիմքերի վրա դնելու մեր Զինված ուժերի պլանավորումն ու զարգացումը: Սա հատկապես կարևոր է Զինված ուժերին տրամադրվող միջոցների առավել արդյունավետ օգտագործման, առկա սպառնալիքներին համաչափ կարողությունների զարգացման և դրանց արձագանքման տեսանկյունից», - ասել է նա։

Պաշտպանության նախարար Սեյրան Օհանյանը զեկուցել է պաշտպանական ռազմավարական աշխատանքները համակարգող միջկառավարական հանձնաժողովի աշխատանքի առաջին փուլի` ՀՀ անվտանգության միջավայրի և սպառնալիքների գնահատման փաստաթղթի նախագծի մշակման մասին։

Նա նաև ընդգծել է, որ այն նպատակ է հետապնդում ապահովել առկա և հավանական սպառնալիքներին համարժեք պաշտպանական ոլորտի հեռանկարային զարգացումը։

Խորհրդակցության մասնակիցները առաջարկվող փաստաթղթի վերաբերյալ ներկայացրել են իրենց նկատառումներն ու տեսակետները:

Ամփոփելով աշխատանքները՝ նախագահ Սարգսյանն ասել է, որ վտանգի գնահատումը չի կարող լինել դոգմատիկ։ Նրա խոսքերով, որոշակի ժամանակահատվածի կտրվածքով այն պետք է վերանայվի ու վերագնահատվի, իսկ գնահատականների հիմք հանդիսացած վերլուծությունները մշտապես պետք է թարմացվեն:

Երկրի ղեկավարի գնահատմամբ, նման մասշտաբի աշխատանք առաջին անգամ է կատարվում, առնվազն գոնե այսպիսի համակարգված հարթության մեջ, և այն կարելի է որպես հիմք ընդունել, իսկ հաջորդ փուլերում հանձանժողովը պետք է ձեռնամուխ լինի պլանավորման ղեկավար փաստաթղթերի մշակմանը:-0- 

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: