481.77
-0.24
540.26
-0.7
8.5
-0.06
+14
Եղանակը Երևանում
Հայ
Ոստիկանության սպան նռնակի պայթյունից չի զոհվել. Հայաստանի ընդդիմություն
18:18
08 Հունվարի 2009

ՀՀ ոստիկանության սպա Համլետ Թադևոսյանը ձեռքի նռնակի պայթյունից չի զոհվել, կարծում է ընդդիմադիր Հայ ազգային կոնգրեսի (ՀԱԿ) հասարակական հանձնաժողովի համակարգող, Ներքին գործերի նախկին նախարար (1999թ. հունիս-հոկտեմբեր) Սուրեն Աբրահամյանը։

Մայոր Համլետ Թադևոսյանը զոհվել է մարտի երկուսի գիշերը՝ նախագահական ընտրությունների արդյունքների դեմ բողոքող ընդդիմության կազմակերպպած բողոքի ակցիաների արդյունքում։ Թադևոսյանը հետմահու պարգևատրվել է երկրորդ աստիճանի «Մարտական խաչ» շքանշանով արիության և անձնազոհության համար, որ դրսևորել է հասարակական կարգը պահպանելիս։

«Մարտի 1-ի դեպքերը չէին հանգեցնի ողբերգական հետևանքների, եթե չլիներ մեր ուժային կառույցների մասնագիտական անգրագիտությունը»,- կարծում է Աբրահամյանը։ Ըստ նրա, Թադևոսյանի մահվան պատճառը կարող էին լինել մարտի 1-ին ոստիկանության կիրառած հատուկ միջոցները։

Քննչական մարմնի ներկայացուցիչները բազմիցս կտրականապես հերքել են նման պնդումները։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։

Աբրահամյանի կարծիքով, իշխանությունները փորձում են Ոստիկանության աշխատակցի մահվան մեղքը գցել ընդդիմության վրա, այդ պատճառով էլ թաքցնում են ապացույցները և հերքում ակնհայտ փաստերը։

Որպես իր խոսքերի հաստատում՝ Աբրահամյանը լրագրողներին ցույց տվեց զոհված Թադևոսյանի լուսանկարները՝ բազմաթիվ վնասվածքներով և մարտի 1-ի դեպքերի տեսագրության հատված, որտեղ, ըստ նրա, «նռնակի պայթյուն է նկարահանված»։

Նրա կարծիքով, տարօրինակ է այն հանգամանքը, որ դատաբժշկական փորձագիտության ժամանակ Թադևոսյանի մարմնից դուրս են բերվել ձեռքի նռնակի ՈՒԶՌԳՄ պայթուցիչի մի քանի բեկորներ, բայց նռնակի որևէ բեկոր չի հայտնաբերվել։

Նա լրագրողների ուշադրությունը հրավիրեց նաև ձեռքի նռնակների մարտավարատեխնիկական բնութագրերին, որոնց խոցելիության նվազագույն շառավիղը կազմում է 25 մետր։ «Եթե ցուցարարների կողմից իսկապես օգտագործված լիներ ձեռքի նռնակ, ապա դա կհանգեցներ տասնյակ մարդկանց և ոչ թե մեկ մարդու մահվան»,- հավելեց նա։

Աբրահամյանի խոսքերով, իրենց հանձնաժողովի կողմից հավաքած բոլոր ապացույցները կփոխանցվեն մարտի դեպքերի փաստահավաք խմբին։ -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։