477.88
-0.42
573.6
-0.5
8.31
+0.05
+17
Եղանակը Երևանում
Հայ
Սևանա լճի խնդիրներն են քննարկվել ՀՀ նախագահի մոտ տեղի ունեցած խորհրդակցության ժամանակ
19:48
26 Դեկտեմբերի 2008

ԵՐԵՎԱՆ, 26 դեկտեմբերի. /Նովոստի-Արմենիա/.  Նախագահ Սերժ Սարգսյանը ուրբաթ աշխատանքային խորհրդակցություն է անցկացրել Սևանա լճի հիմնահարցերի հանձնաժողովի անդամների հետ, «Նովոստի-Արմենիա» գործակալությանը հայտնեցին հայկական պետության ղեկավարի մամուլի ծառայությունից:

Հանձնաժողովը ստեղծվել է երեկ՝ ՀՀ նախագահի կարգադրությամբ։ Հանձնաժողովի նախագահն է ՀՀ անտառների վերականգնման և զարգացման հիմնադրամի գործադիր տնօրեն Վլադիմիր Մովսիսյանը։ Դրա կազմում են խորհրդարանական հանձնաժողովների ղեկավարներ, կառավարության անդամներ, փոխնախարարներ, պետական գերատեսչությունների ղեկավարներ, հասարակական կազմակերպությունների ղեկավարներ։

Երկրի ղեկավարը նշել է, որ խորհրդակցությունը նպատակ ունի սկիզբ դնել  հանձնաժողովի աշխատանքներին և պայմանավորվել գործունեության սկզբունքների, ժամանակացույցի ու ակնկալվող արդյունքների մասին։

«Չեմ կարծում, թե հարկ կա կանգ առնել Հայաստանի համար Սևանա լճի կարևորության հարցին: Սևանի և նրա հետ կապված խնդիրների լուծումը մեզ համար ունի կենսական նշանակություն։ Այն ուղղակիորեն կամ միջնորդավորված կերպով կապված է բազմաթիվ ոլորտների հետ՝ բնապահպանություն, գյուղատնտեսություն, էներգետիկա, ձկնարդյունաբերություն, խմելու ջուր այլն։ Ավելի հեշտ է ասել, թե ինչի հետ չի կապված»,- նշել է նախագահը։

Նրա խոսքերով, Սևանն, առանց չափազանցության, Հայաստանի ամենաթանկ ռեսուրսներից մեկն է, որն առաջիկա տասնամյակներում էլ ավելի է թանկանալու, և նրա նշանակությունը գնալով միայն ու միայն ավելանալու է։ «Բնության այս պարգևը մենք պետք է կարողանանք հավուր պատշաճի պահպանել, զարգացնել, և մյուս կողմից՝ անկասկած, խելամտորեն ու լիարժեքորեն օգտագործել։ Դա մեր պարտքն է»,- նշել է նախագահը:

Երկրի ղեկավարը մեծ գոհունակությամբ նշեց նաև, որ Սևանի պահպանման գործում վերջին տասը տարիների ընթացքում զգալի աշխատանք է կատարվել: Այդ ժամանակահատվածում է շահագործման հանձնվել Որոտանի հիդրոհանգույցը, Սևան-Հրազդան կասկադի բոլոր ՀԷԿ-երը փոխադրվել են իրիգացիոն ռեժիմի, սա նշանակում է, որ ոռոգման սեզոնից դուրս միայն էլեկտրաէներգիա արտադրելու նպատակով Սևանից ջուր բաց չի թողնվել։

Նախագահն ավելացրել ե, որ որոշ չափով կարգավորվել է լճից ոռոգման նպատակով ջուր բաց թողնելու չափաքանակների խնդիրը: Դրա շնորհիվ 2008թվականին 2002թ. համեմատությամբ լճի մակարդակը բարձրացել է մոտ 2,5 մետրով: «Կարծում եմ, չափազանց կարևոր էր նաև Սևանի մասին ՀՀ օրենքի ընդունումը»,- ասել է նախագահը:

«Այսօր մենք պետք է կարողանանք առավել մեծ ջանքեր ուղղել Սևանի խնդիրների լուծմանը: Կարծում եմ, հանձնաժողովը դառնալու է այս գործընթացի հզոր շարժիչը: Ես հենց այդպիսի ակնկալիքներ ունեմ: Այս ուղղությամբ մենք էական արդյունքներ պետք է կարողանանք արձանագրել արդեն 2009 թվականի ընթացքում»,- ավելացրել է նա:

Պարզաբանելով, թե ինչու է հենց այս պահին հանդես եկել հանձնաժողով ստեղծելու նախաձեռնությամբ, Սերժ Սարգսյանն ասել է. «Մենք, չգիտես ինչու, շատ խնդիրների մասին սկսում ենք խոսել, մտածել, քննարկել, երբ հարցն իր ողջ հասակով  հառնում է, խնդիրները սկսվում են, և մենք փորձում ենք հրշեջի դեր կատարել: Կարծում եմ, սա այն դեպքն է, որ մենք հենց հիմա պետք է հանձնաժողով ստեղծենք, որպեսզի մինչև ոռոգման սեզոնի սկսելը կարողանանք շատ խնդիրներ լուծել»,- ասել է նա:

Նախագահի խոսքերով, որոշակի աշխատանք կատարելուց հետո, երեք-չորս ամիսից հանձնաժողովի հերթական նիստերից մեկը կանցկացվի Սևանի ափին կատարված և ծրագրվող աշխատանքները քննարկելու նպատակով։ --0--

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: