487.29
-0.01
568.08
+2.76
8.23
+0.01
+13
Եղանակը Երևանում
Հայ
Հայաստանի հասարակական կազմակերպությունները կոչ են անում երկրի հեռուստաընկերություններին ներկայացնել Լեռնային Ղարաբաղի իրական քարտեզը
14:31
25 Դեկտեմբերի 2008

ԵՐԵՎԱՆ, 25 դեկտեմբերի. /Նովոստի-Արմենիա/. Հայաստանի հասարակական կազմակերպությունները կոչ են անում երկրի հեռուստաընկերություններին հեռարձակումների ժամանակ ներկայացնել Լեռնային Ղարաբաղի իրական քարտեզը՝ Լեռնային Ղարբաղի նախկին ինքնավար մարզի քարտեզի փոխարեն, ասվում է «Նովոստի-Արմենիա» գործակալություն ստացված հայտարարությունում։

Հայտարարության հեղինակները հիշեցնում են, որ Արցախի երիտասարդական կազմակերպությունները դեկտեմբերի 9-ին բաց նամակով դիմել էին ՀՀ նախագահ Սերժ Սարգսյանին՝ կոչ անելով հայկական հեռուստաալիքներով եղանակի տեսության հեռարձակման ժամանակ պատկերվող քարտեզներից հանել վաղուց պատմություն դարձած ԼՂԻՄ-ի պատկերը՝ փոխարինելով այն Հայաստանի և Լեռնային Ղարաբաղի Հանրապետության քարտեզով։

«Ղարաբաղյան պատերազմի զինադադարի մասին պայմանագրի ստորագրումից 14 տարի անց անհեթեթ իրավիճակ է ստեղծվել. մի կողմից օբյեկտիվ իրականություն է այն, որ նախկին Ադրբեջանի ԽՍՀ մի շարք շրջաններ այժմ գտնվում են ԼՂՀ կազմում, այնտեղ ապրում են մեր հազարավոր հայրենակիցները: Մյուս կողմից՝ այդ իրողությունը չի արտացոլվում ՀՀ ԶԼՄ-ների կողմից. հոդվածներում, հեռուստահաղորդումներում, եղանակի տեսությունում կամ պարզապես գովազդում Լեռնային Ղարաբաղի Հանրապետությունը կամ չի պատկերվում, կամ, լավագույն դեպքում, պատկերվում է խորհրդային ժամանակաշրջանի ԼՂԻՄ-ի տեսքով»,- ասվում է հայտարարությունում։

Հայտարարության հեղինակները նշում են նաև, որ նման քարտեզները խախտում են ԼՂՀ Սահմանադրության 142 հոդվածը, համաձայն որի «Մինչև Լեռնային Ղարաբաղի Հանրապետության պետական ամբողջականության վերականգնումը և սահմանների հստակեցումը հրապարակային իշխանությունն իրականացվում է ԼՂՀ  ենթակայության տակ փաստացի գտնվող տարածքում»։

Ավելին, հայտարարության հեղինակների կարծիքով, Ադրբեջանի ղեկավարությունը և այդ երկրի ԶԼՄ-ները ոչ միայն չեն ճանաչում այդ հին սահմանները, այլ բացեիբաց հավակնում են նույնիսկ Հայաստանի Հանրապետության տարածքին։

Այսպես, այս տարվա հոկտեմբերի 31-ին ադրբեջանական լրատվական day.az կայքը, հայտնելով տնտեսական զարգացման նոր նախարարի նշանակման մասին, հատուկ ընդգծել է, որ Շահին Մուսթաֆաևը ծնվել է «Արևմտյան Ադրբեջանի Նոյեմբերյանի շրջանում»։

«Այդ տերմինը հանդիպում է նաև Ադրբեջանի մշակույթի և տուրիզմի նախարարության պաշտոնական կայքում, Հեյդար Ալիևի պետական հիմնադրամի կայքում»,- ընդգծվում է հայտարարությունում։

«Ստեղծվել է տարօրինակ իրավիճակ. հայկական ԶԼՄ-ները կտրված են իրականությունից և համառորեն չեն ցանկանում նկատել ազատագրված տարածքներում բնակվող մեր հայրենակիցների իրավունքները՝ դրանով իսկ ակամա օգնելով ադրբեջանական քարոզչական մեքենային տեղեկատվական պատերազմում, որը տարվում է հայերի դեմ։ Փաստորեն, մեր հայրենակիցները նույնիսկ զուրկ են իրենց բնակության վայրի եղանակի տեսության մասին տեղեկատվություն ստանալու իրավունքից։ Ավելին, Հայաստանի ԶԼՄ-ների կողմից գործնականորեն չի լուսաբանվում այն, ինչ տեղի է ունենում ազատագրված տարածքներում, այնտեղ ապրող մարդկանց կյանքն ու կենցաղը»,- ասվում է հայտարարությունում։

«Հաշվի առնելով խնդրի լրջությունը, խնդրում ենք բոլոր ԶԼՄ-ներին, անկախ կուսակցական և քաղաքական շահերից, զերծ մնալ ներքաղաքական պայքարում այս հարցն օգտագործելուց՝ հանուն համաժողովրդական շահի»,- ասվում է հայտարարությունում։

Հայտարարության տակ ստրագրել են շուրջ 100 հասարակական կազմակերպություններ և անհատներ։ -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։