487.57
+0.28
567.63
-0.45
8.2
-0.03
+7
Եղանակը Երևանում
Հայ
Թուրքիայի կառավարող օղակները պետք է փոխեն իրենց դիրքորոշումը Հայաստանի հանդեպ. փորձագետ
18:43
22 Դեկտեմբերի 2008

Մինչև Թուրքիայի կառավարող օղակները չփոխեն Հայաստանի հանդեպ իրենց վերաբերմունքը, ոչ մի երկխոսության մասին խոսք անգամ չի կարող լինել, երկուշաբթի մամուլի ասուլիսի ժամանակ ասաց ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը։   

«Հայ-թուրքական մերձեցման գործընթացը անցնող տարում ավելի շուտ կարելի է «հարաբերությունների բարձրացում» համարել, քան քաղաքական երկխոսություն։ Եթե այդ հարաբերությունները համեմատենք նախորդ տարվա հետ, ապա կարելի է հաստատել, որ եթե 2007 թ.-ին հնարավոր չէր խոսել պաշտոնական մակարդակում դիվանագիտական հարաբերությունների մասին, ապա այս տարի արդեն նման գործընթաց նկատվում է»,- ասաց Սաֆրաստյանը։  
 
Նրա խոսքերով, երկու երկրների ղեկավարները պաշտոնական մակարդակում բանակցային ճանապարհով առկա խնդիրների լուծման պատրաստակամություն են դրսևորում։ 

«Առայժմ վաղ է այս առնչությամբ կանխատեսումներ անել, մնում է միայն հետևել իրադարձությունների զարգացմանը»,- նշեց նա։

Սաֆրաստյանի խոսքերով, 1991 թ.-ին Երրորդ հանրապետության հռչակման օրվանից, Հայաստանը Թուրքիայի նկատմամբ «եվրոպայնացված» քաղաքականություն է վարում, այսինքն՝ հայտարարում է առանց նախապայմանների հարաբերություններ հաստատելու պատրաստակամության մասին։ 

«Նման պայմաններում անհնարին է խոսել մեր կողմից որևէ այլ հետագա զիջումների մասին։ Հիմա պատասխան քայլ անելու Թուրքիայի հերթն է»,- ընդգծեց նա։  

Փորձագետը կարծում է, որ ժամանակակից Թուրքիայում հայերի Ցեղասպանության հերքման քաղաքականությունն այլևս պայմանավորված չէ այն բանով, որ Թուրքիայի ներկա ղեկավարությունը չի ցանկանում իր վրա վերցնել դարասկզբին Օսմանյան Թուրքիայի կողմից իրագործված ոճրագործության պատասխանատվությունը, նրանք ավելի շատ վախենում են, որ Հայաստանը կարող է որևէ տարածքային պահանջներով հանդես գալ։ 

«Թուրքիան պարզապես չի ուզում ցեղասպանություն գործած երկրների թվին դասվել»,- ասաց նա։ Միևնույն ժամանակ, փորձագետի խոսքերով, Ցեղասպանությունը ճանաչելու հարցում աճում է միջազգային հանրության ճնշումը Թուրքիայի վրա, և ԱՄՆ-ում և Եվրոպայում այս հարցի շուրջ դիրքորոշումները վերանայվում են։

«Զարգացած երկրների մտավորականների շրջանում հիմա Ցեղասպանության ճանաչման կողմնակիցներն ավելի շատ են , քան մի քանի տարի առաջ»,- ավելացրեց նա։

Խոսելով Թուրքիայի՝ ԵՄ մտնելու գործընթացի մասին՝ փորձագետը նշեց, որ ԵՄ մտնելու Թուրքիայի իշխող վերնախավի ձգտումը վերջին շրջանում թուլանում է։ Նա դա բացատրեց նրանով, որ Թուրքիայում վերանայում են արտաքին քաղաքականության առաջնահերթությունները։ Մասնավորապես, Թուրքիայի ղեկավար օղակները սկսում են Եվրոպայից դեպի Մերձավոր Արևելք թեքվել՝ կարծելով, որ այնտեղ Թուրքիան գերտերություն դառնալու ավելի շատ հնարավորություններ ունի, քան Եվրոպայում։    
  
Բացի այդ, Սաֆրաստյանի խոսքերով, ներկայում Թուրքիայում մարդու իրավունքների պաշտպանության, մասնավորապես, կրոնական հողի վրա հանդուրժողականության մակարդակի իջեցման հետ կապված խնդիրներ կան։ «Թուրքիան նաև չի հրաժարվում Կիպրոսի հարցում իր ոչ կառուցողական դիրքորոշումից։ Այս հանգամանքները ևս բարդացնում են Թուրքիայի՝ ԵՄ մտնելու գործընթացը»,- ասաց Սաֆրաստյանը։   

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակ է 1993 թ.-ից՝ պաշտոնական Անկարայի նախաձեռնությամբ։ 

Թուրքիան առաջ է քաշում մի շարք նախապայմաններ՝ երկկողմ հարաբերությունների հաստատման համար, մասնավորապես, Հայաստանի կողմից Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարվելը, երբ սրի էր քաշվել շուրջ մեկուկես միլիոն հայ, Հայաստանի կողմից Թուրքիայի սահմանների ճանաչումը։-0-


 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։