485.33
+0.37
572.16
-1.31
8.2
-0.02
-3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
ՀՀ առաջին նախագահն անհնար է համարում Հայաստանում ղարաբաղյան հարցի շուրջ համաժողովրդական ընդվզման ալիքի առաջացումը
15:59
22 Դեկտեմբերի 2008

ՀՀ առաջին նախագահ Լևոն Տեր-Պետրոսյանը նախօրեին Հայ Ազգային Կոնգրեսի (ՀԱԿ) համաժողովի ժամանակ հայտարարել է, որ Հայաստանի իշխանական համակարգի և տնտեսական վերնախավի միակամությունը, միջազգային հանրության վերաբերմունքը և մանավանդ Լեռնային Ղարաբաղի ղեկավարության կրավորական դիրքորոշումը անհնար են դարձնում Հա­յաս­տանում Ղարաբաղի հարցի շուրջ ժողովրդական ընդվզման հզոր ալիք բարձրաց­նելու խնդիրը։

«Եթե դա անգամ հնարավոր լիներ, պետք է նկատի ունենալ, որ ժողովրդական ընդվզման ալիքը կարող է երկար տևել և մանավանդ՝ ուղեկցված տնտե­սական ճգնաժամի բարդություններով, տակնուվրա անել երկիրը, որից չի հապա­ղի օգտվել Ադրբեջանը՝ Ղարաբաղի հարցը պատերազմի միջոցով լուծելու համար», - ասվում է երկուշաբթի ՀԱԿ-ից «Նովոստի-Արմենիա» գործակալություն ստացված Տեր-Պետրոսյանի ելույթում։

Նա նշել է, որ Հայաստանի ողջ իշխանական համակարգը, տնտեսական վերնախավը, իշխող կոալիցիան, ԱԺ պատգամավորները և նոմենկլատուրային մտավորականությունը միահամուռ աջակցելու են ՀՀ նախագահ Սերժ Սարգսյանի՝ Ղարաբաղյան հարցի լուծմանն ուղղված յուրաքանչյուր առաջարկին, «որովհետև նրանց հետաքրքրում է ոչ թե արցախահայության ճակատագիրը, այլ բացառապես սեփական ճղճիմ շահերը»։

«Դա նշանակում է, որ Համաժողովրդական շարժումը, Ղարաբաղի խնդրի կապակցությամբ հասարակա­կան բողոքի ալիք բարձրացնելու պարագայում, բախվելու է միաձույլ մի հակառակորդի, որը որևէ բանի առջև չի կանգնելու այդ ալիքը դիմագրավելու համար։ Սրանով այսօր­վա վիճակը տարբերվում է 1988 թվականի վիճակից, երբ Հայաստանի պետական պաշտոնեության և տնտեսական բնագավառի ղեկավարության մեծ մասը բացահայտո­րեն կամ գաղտնաբար համակրում և աջակցում էր Ղարաբաղյան շարժ­մանը», - ասել է նա։

Բացի այդ, Տեր-Պետրոսյանի խոսքերով, Արևմուտքն այսօր ոչ միայն որևէ կերպ չի աջակցում Հայաստանում ձևավորված հզոր ժողովրդավարական շարժմանը, այլև անում է ամեն ինչ այդ շարժումը ոչնչացնելու համար՝ «հանդուրժելով թե՛ կեղծված ընտրությունները, թե՛ մարտի 1‑ի սպանդը, թե՛ ընդդիմության դեմ սանձազերծված հալածանքն ու բռնու­թյունները և թե՛ քաղբանտարկյալների գոյության փաստը»։

«Դրանով Արևմուտքը ցույց է տալիս, որ պատրաստ է աչք փակել Սերժ Սարգսյանի ցանկացած ան­օրի­նա­կանության վրա, միայն թե նա զիջումների գնա Ղարաբաղյան հակամարտության և հայ–թուրքական հարաբերությունների կարգավորման հարցում», - կարծում է նա։

Տեր-Պետրոսյանը նաև ասել է, որ Սերժ Սարգսյանն ապահովել է նաև Լեռնային Ղարաբա­ղի ղեկավարության անվերապահ աջակցությունը, որը, բազմաթիվ պարտավորություններով կապված լինելով Հայաստանի ավազակապետա­կան վարչախմբի պարագլուխների հետ, համարձակություն չի ունենալու հակադրվել նրանց կամքին։ Այդ պարագայում անհնար է պատկերացնել, որ Լեռնային Ղարաբաղում զանգվածային շարժում սկսվի հակամարտության կարգավորման Սերժ Սարգսյանի առաջարկած ծրագրի դեմ։

«Մյուս կողմն այն է, որ գուցե Ղարաբաղի ղեկավարությունը համաձայն է հակամարտության կարգավորման Սերժ Սարգսյանի պաշտպանած ծրագրին։ Դա, կար­ծես թե, կողմնակիորեն հաստատվում է այն իրողությամբ, որ Ղարաբաղի պաշտոնա­կան ներկայացուցիչները, դժգոհելով Մոսկովյան հռչակագրի տակ իրենց ստորագրու­թյան բացակայության առթիվ, բոլորովին չեն վիճարկում այդ հռչակագրի բուն բովան­դակությունը», - ասել է նա։

Միաժամանակ նախկին նախագահը ընդգծել է, որ Շարժման մարտավարության մեջ փոփոխություններ կատարելու անհրաժեշտություն չի տեսնում, սակայն չի կարծում, որ այն դոգման է և, ընդհանրապես, փոփոխությունների ենթակա չէ։

«Նայած իրադրության՝ մեր մարտավորությունը ցանկացած պահի կարող է փոխվել, մանավանդ նկատի ունենալով, որ Հայաստանին առաջիկայում սպասում են լուրջ ցնցումներ՝ կապված տնտեսական ճգնաժամի խորացման հետ», - եզրափակել է Տեր-Պետրոսյանը։-0-

Loading...
Թեմատիկ նյութեր
Բաժնի այլ նյութեր
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։