482.25
+0.32
566.07
-3.09
8.39
+0.02
+9
Եղանակը Երևանում
Հայ
Հայկական կողմին հանձնված ադրբեջանցի զինծառայողն ուզում է Հայաստանի քաղաքացիություն ստանալ
20:17
19 Դեկտեմբերի 2008

Կամավոր կերպով հայկական կողմին հանձնված ադրբեջանցի զինծառայող Ռաֆիկ Ռահման Օղլի Հասանովը ցանկանում է Հայաստանի քաղաքացիություն ստանալ։

Ադրբեջանի  Հանրապետության զինված ուժերի 3-րդ բանակային կորպուսի 707 մոտոհրաձգային բրիգադի 1-ին գումարտակի 19-ամյա զինծառայող, շարքային Ռաֆիկ Ռահման Օղլի Հասանովը հոկտեմբերի 8-ին խախտել էր հայ-ադրբեջանական սահմանը և կամավոր հայկական կողմին գերի հանձնվել։

ՀՀ պաշտպանության նախարարության մամուլի ծառայության տարածած հարցազրույցում Հասանովը հայտարարել է, որ Ադրբեջանի ԶՈՒ-ում ծառայելու ընթացքում կտտանքների է ենթարկվել։

Նրա խոսքերով, իրեն ստորացնում էին 707 բրիգադի 5-րդ գումարտակում, որը տեղակայված է Ղազախում։

Զինծառայողի խոսքերով, այնտեղ ծառայել է երեք ամիս, այնուհետև ուրախացել, որ տեղափոխում են հենակետ` մտածելով, թե ինը զինվոր է լինելու և մեկ սպա, ուստի ավելի հեշտ կլինի ծառայությունը:

«Սակայն միևնույնն էր` ինձ Բազահլի հենակետում էլ էին ծեծում և կտտանքների ենթարկում, ինչին չդիմանալով` ես ինքս ինքնաձիգից կրակել եմ իմ ձախ ոտնաթաթին, որից հետո տեղափոխվել եմ հոսպիտալ, ապաքինվել, ապա նորից վերադարձել հենակետ: Սակայն հրամանատարությունը շարունակում էր ինձ ծաղրել` համեմատելով  ավանակի հետ»,- ասաց Հասանովը:

Նա դիմել է Ադրբեջանի պաշտպանության նախարար Սաֆար Աբիևին` խնդրելով ստուգումներ իրականացնել Ղազախի 707 բրիգադում, մասնավորապես, 5-րդ գումարտակում և Ասլան Բեյլի, Գայ Մախլի, Քյամարլի 1-ին գումարտակի բոլոր հենակետերում:

«Թող ստուգեն և տեսնեն, թե ինչու են այսպիսի երևույթներ տեղի ունենում: Հրամանատարությունը ծեծի է ենթարկում չունևորների երեխաներին, ովքեր ծառայում են հենակետերում, իսկ ունևորներն իրենց զինգրքույկները ստանում են իրենց իսկ տներում: Իհարկե, հասկանում եմ, որ բոլորն էլ պետք է ծառայեն բանակում, բայց այդ դեպքում ինչո՞ւ հարուստների երեխաները չեն ծառայում»,- նշեց Հասանովը։

Նա թվարկեց ադրբեջանական բանակում կաշառակերության, զինվորների նկատմամբ ծաղրի, սպաների կազմակերպած հարբեցողության բազմաթիվ դեպքեր։

Հասանովը, մասնավորապես, նշեց, որ ադրբեջանական բանակում ծառայելիս իրեն փորձել են խեղդել, գրեթե ամեն օր ծեծի են ենթարկել:

Նրա խոսքերով, Ադրբեջանի Զինված Ուժերում աղքատ ընտանիքների երեխաներն անընդհատ ծեծի են ենթարկվում, նրանց նույնիսկ սպանում են, իսկ հետո սպանությունը ներկայացնում որպես հայկական կողմից եկած կրակոցների արդյունք։

«Ես Հայաստան եմ եկել սեփական կամքով և կդառնամ Հայաստանի քաղաքացի, իսկ Ադրբեջան այլևս երբեք չեմ վերադառնա, քանի որ այնտեղ ինձ ծեծում և ստորացնում են»,- նշեց նա։

Հասանովի խոսքերով, Հայաստանում իրեն շատ լավ են վերաբերվում և տրամադրում բոլոր անհրաժեշտ բժշկական ծառայությունները։ 

Շնորհակալություն հայտնելով բժշկական անձնակազմին՝ նա նշեց, որ հայ բժիշկները պատրաստ են իրեն անվճար վիրահատել, այն դեպքում, երբ Ադրբեջանում իր ծնողներն այդ վիրահատության համար միջոցներ չունեին։

«Ես ողջունում եմ Հայաստանի և Ադրբեջանին նախագահներին և հայտարարում, որ 19 տարի ես Ադրբեջանի քաղաքացի եմ եղել, իսկ այսուհետ ուզում եմ Հայաստանի քաղաքացի լինել, և Ադրբեջան այլևս չեմ գնա։ Սա իմ վերջնական որոշումն է»։ --0--

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: