486.67
+0.35
520.49
+1.39
8.22
+0.01
-3
Եղանակը Երևանում
Հայ
Հայաստանի վերլուծաբանները կոչ են անում վրացական կողմին հրաժարվել հակահայկական ծրագրերից
14:29
17 Դեկտեմբերի 2008

«Միտք» վերլուծական կենտրոնը տարածել է հայտարարություն, որտեղ կոչ է անում վրացական կողմին հրաժարվել հակահայկական ծրագրերի իրականացումից, որոնք կապված են հայկական Սամցխե-Ջավախք-Ծալկա տարածաշրջանում թուրք-մեսխեթցիների վերաբնակեցման հետ։

«Նովոստի-Արմենիա» գործակալություն ստացված հայտարարության մեջ նշվում է, որ պատմական հայկական Սամցխե-Ջավախք-Ծալկա տարածաշրջանը, որը ներկայում գտնվում է Վրաստանի իրավաբանական տարածքում, իր ռազմավարական դիրքով և պարունակող խնդիրներով անդրկովկասյան տարածաշրջանի քաղաքական զարգացումներում ունի հսկայական ազդեցություն:

«Հայտնի է նաև, որ մինչ 1944 թվականը այս տարածաշրջանում ապրել և նույն թվականին այստեղից տեղափոխվել են շուրջ 90.000 «թուրք-մեսխեթցիներ» համարվող հանրության ներկայացուցիչներ: Հետխորհրդային շրջանում և հատկապես` Եվրոպայի Խորհրդին անդամակցելուց հետո (1999թ.), Վրաստանն իր վրա պարտավորություն է վերցրել՝ կազմակերպելու այս մարդկանց վերադարձը իրենց նախկին բնակավայրեր: Իրենց տեղափոխումից` 1944թ., մինչ այսօր թուրք-մեսխեթցիների թվաքանակը կտրուկ ավելացել է՝ հասնելով 400-500 հազարի», - նշվում է հայտարարության մեջ։

Հայ վերլուծաբանները կարծում են, որ այս ամենին զուգահեռ` գնալով ակտիվանում են նաև այն երկրները, որտեղ ապրում են մեծ թվով թուրք-մեսխեթցիներ: «Այդպիսի նախաձեռնություններով պարբերաբար հանդես են գալիս Թուրքիան ու Ադրբեջանը, վերջին շրջանում նաև՝ Ռուսաստանն ու վերջինիս հարավային ինքնավար հանրապետությունները: Այդպիսի նախաձեռնությամբ բոլորովին վերջերս հանդես եկավ, օրինակ, Ինգուշեթիան, որտեղ ստեղծվել է այդ հանրապետության տարածքում բնակվող շուրջ 10 հազար թուրք-մեսխերի՝ Վրաստանում կամավոր վերաբնակեցմանն օժանդակություն ցուցաբերելու հարցերով միջգերատեսչական աշխատանքային խումբ», - նշվում է հայտարարության մեջ։

«Մենք՝ «Միտք» վերլուծական կենտրոնի, ինչպես նաև ՀՀ մի շարք երիտասարդական և քաղաքական հասարակական կազմակերպությունների ներկայացուցիչներս, դեմ լինելով մարդկանց պարտադրաբար հայրենազրկմանը, միաժամանակ անթույլատրելի ենք համարում ներկա պայմաններում գեթ մի թուրք-մեսխեթցու վերադարձը Սամցխե-Ջավախք-Ծալկայի տարածաշրջան», - ընդգծվում է փաստաթղթում։

Մասնավորապես, հայ վերլուծաբանները կարծում են, որ 1944 թվականին լինելով 90 հազար՝ թուրք մեսխեթցիների թիվը ներկայում հասել է 500 հազարի, որը ինքնին արդեն տեխնիկական և մի շարք այլ առումներով անհնարին է դարձնում վերջիններիս տեղավորումը Սամցխե-Ջավախք-Ծալկայում:

Բացի այդ, փաստաթղթում նշվում է, որ Սամցխե-Ջավախք-Ծալկան վրացականացնելու Վրաստանի ակտիվ քաղաքականությունը այս տարիներին արհեստական վերաբնակեցման միջոցով անհամեմատ ավելացրել է այս տարածաշրջանում վրացական տարրը, որը ևս տեխնիկական խոչընդոտ է վերաբնակեցման համար:

«Սամցխե-Ջավախք-Ծալկան, լինելով պատմական հայկական և ներկայումս 70 տոկոսով հայերով բնակեցված տարածաշրջան, ներկայումս փաստացի Հայսատան է, թեև չի գտնվում Հայաստանի Հանրապետության իրավաբանական սահմաններում: Սամցխե-Ջավախք-Ծալկայում հայկական գործոնի առկայության պայմաններում անթույլատրելի է թուրք-մուսուլմանական զանգվածի բնակեցումը այստեղ, որը բերելու է հայ-թուրքական լայնածավալ առճակատմանը և Անդրկովկասում լարվածության վերարթնացմանը», - ընդգծվում է հայտարարության մեջ։ 

Փաստաթղթի հեղինակները կարծում են, որ թուրք-մեսխեթցիների գործոնը որոշ երկրների, և հատկապես՝ Թուրքիայի և Ադրբեջանի համար, իրականում ոչ թե «մարդու իրավունքների վերականգնման խնդիր է», այլ՝ Սամցխե-Ջավախք-Ծալկան վերջնականորեն մուսուլմանականացնելու, դրանով թուրք-ադրբեջանական ցամաքային կապ ստեղծելու, միաժամանակ նաև՝ Հայաստանը վերջնականորեն շրջափակելու միջոց։ Այս ամենը խոշոր հաշվով նաև նպատակ ունի ընթացք տալու այն պանթուրքիստական և թուրանական ծրագրերին, որոնց իրականացումը, թեև լինելով մշտական օրակարգային հարց, այնուամենայնիվ մինչ օրս տեղի չի ունեցել:

«Ելնելով այս ամենից՝ կոչ ենք անում Վրաստանի իշխանություններին սթափվել և գիտակցել, որ Թուրքիայի և Ադրբեջանի կողմից թելադրված ցանկացած հակահայկական ծրագրի իրականացում առաջնահերթորեն ուղղված է հենց իր դեմ: Նույնպես և ներկայումս, երբ իր թույլտվությամբ և աջակցությամբ Թուրքիայի և Ադրբեջանի կողմից լայնորեն իրականանում է ՀՀ շրջափակումը, Վրաստանը պետք է գիտակցի հետևյալը. ՀՀ-ի շրջափակումը, դրանով նաև պանթուրանական ծրագրերի իրագործման խթանումը իրականանալու է Վրաստանի դիակի վրայով», - ասվում է հայտարարության մեջ։

«Կոչ ենք անում Վրաստանին, Թուրքիային, Ադրբեջանին և Ռուսաստանին` դադարեցնելու թուրք-մեսխեթցիներին վերադարձնելուն ուղղված քաղաքականության իրագործումը: Հակառակ դեպքում` ինչպես «Միտք»  վերլուծական կենտրոնը, այնպես էլ Հայաստանի և Սամցխե-Ջավախք-Ծալկայի մի շարք հասարակական-քաղաքական ներկայացուցիչներ, կսատարեն տարածաշրջանի հայության կողմից արթնացող զանգվածային բողոքի ալիքներին, որը հղի է ինչպես տարածաշրջանի, այնպես էլ Վրաստանի համար անցանկալի և անկանխատեսելի հետևանքներով», - ասվում է փաստաթղթում։-0-

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։