487.19
+0.52
519.34
-1.15
8.11
-0.11
-3
Եղանակը Երևանում
Հայ
Հայ-չինական հարաբերությունները զարգացման մեծ ներուժ ունեն. խոսնակ
20:12
16 Դեկտեմբերի 2008

Հայ-չինական հարաբերությունները զարգացման մեծ ներուժ ունեն, և երկու երկրների խորհրդարանների միջև ակտիվ կապերը դրական ազդեցություն կունենան միջպետական կապերի զարգացման վրա, երեքշաբթի ասաց ՀՀ խորհրդարանի խոսնակ Հովիկ Աբրահամյանը Չինաստանի փոխվարչապետ Լի Ցզյանգոյի հետ հանդիպման ժամանակ։   

Ինչպես հայտնեցին ՀՀ ԱԺ հասարակայնության հետ կապերի վարչությունից, հանդիպմանը ներկա են եղել երկու երկրների դեսպանները` Հայաստանում ՉԺՀ դեսպան Խուն Ցզյուինը և Չինաստանում ՀՀ դեսպանը Արմեն Սարգսյանը, կողմերը քննարկել են տնտեսական կապերի խորացմանը վերաբերող հարցեր։

Աժ նախագահ Հովիկ Աբրահամյանը նշեց, որ երկու երկրների միջև դիվանագիտական հարաբերությունների հաստատման օրից մեծ աշխատանք է կատարվել բարեկամության ու գործընկերային հարաբերությունների զարգացման ուղղությամբ: Աժ նախագահը վստահություն հայտնեց, որ ՉԺՀ Համաչինական Ժողովի Ժողովրդական Ներկայացուցիչների Մշտական Կոմիտեի նախագահ Ու Բանգոյի հետ ստորագրած միջխորհրդարանական համագործակցության հուշագիրը ևս խթան կդառնա կապերի խորացման համար:

Կարևորվեց, որ արագ տեմպերով աճում են երկկողմ առևտրաշրջանառության ծավալները, որոնց պահպանումը երկու տարուց Չինաստանին հնարավորություն կտա Հայաստանի հիմնական առևտրական գործընկերներից մեկը դառնալու: Պարոն Աբրահամյանը նշեց, որ ՀՀ արտաքին գործերի փոխնախարար Գեղամ Ղարիբջանյանի և ՉԺՀ արտաքին գործերի փոխնախարար Լի Հուեյի հանդիպման ընթացքում քննարկվել են երկու երկրների միջև արտաքին քաղաքական համագործակցության և տնտեսության ոլորտում նոր ծրագրերի իրականացման հարցերը:

Աժ նախագահը նշեց, որ Չինաստանին է փոխանցվել Հայաստանը Իրանին միացնող երկաթուղագծի շինարարության տեխնիկատնտեսական զեկույցը, որպեսզի ՉԺՀ կառավարությունն ուսումնասիրի իր մասնակցության հնարավորությունը նախագծին: Աժ նախագահը կարևոր է համարում Հայաստանի և Չինաստանի միջև օդային կապի ստեղծումը, որը մեծապես կնպաստի տնտեսական հարաբերությունների զարգացմանը:

Աբրահամյանը կարևորեց չինական ZTE ընկերության գործունեությունը Հայաստանում և չինական էներգետիկ ընկերությունների մասնակցությունը մեր երկրի էներգետիկայի ոլորտի զարգացմանը: Կարևորվեց նաև համագործակցությունը քիմիական արդյունաբերության ոլորտում` մասնավորապես «Շանսի-Նաիրիտ» համատեղ ձեռնարկության գործունեությունը, որը հնարավորություն է ստեղծում համատեղ գիտաարտադրական հաստատություն հիմնել Հայաստանում:

Աժ նախագահն անդրադարձավ նաև հայ-չինական միջկառավարական հանձնաժողովի գործունեությանը, որը կարևոր դեր ունի երկկողմ հարաբերությունների զարգացման, համատեղ տնտեսական ծրագրերի իրականացման առումով:

Աբրահամյանը շնորհակալություն հայտնեց ՉԺՀ պետական խորհրդի փոխնախագահ Լի Կեցյանին` Չինաստանի կառավարության կողմից ամենամյա անհատույց օգնության համար Հայաստանին:

Հանդիպման ընթացքում պարոն Աբրահամյանն անդրադարձավ նաև համաշխարհային ‎ֆինանսական ճգնաժամի հետևանքների հաղթահարմանը` կարևոր համարելով համագործակցությունը նաև այդ հարցերում: --0--

Loading...
Թեմատիկ նյութեր
Բաժնի այլ նյութեր
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին: