478.38
-0.01
573.43
+2.18
8.23
-0.08
+19
Եղանակը Երևանում
Հայ
Եվգենի Պլյուշչենկոն ցանկանում է իր ներդրումն ունենալ հայկական գեղասահքի զարգացման գործում
17:23
16 Դեկտեմբերի 2008

ԵՐԵՎԱՆ, 16 դեկտեմբերի. /Նովոստի-Արմենիա/. Օլիմպիական չեմպիոն Եվգենի Պլյուշչենկոն ցանկանում է իր ներդրումն ունենալ Հայաստանում գեղասահքի զարգացման մեջ։

Դեկտեմբերի 27-28-ին Երևանի ՄՀՀ-ում գործող սահադաշտի նյութատեխնիկական բազայի վրա կբացվի Պլյուշչենկոյի անվան գեղասահքի դպրոց։  

«Ես չեմ ցանկանում պարզապես անուն տալ այդ դպրոցին։ Ես ուզում եմ մասնակցել դրա զարգացմանն ու ներդրում ունենալ Հայաստանում գեղասահքի զարգացման գործում։ Ուզում եմ մնալ այդ դպրոցի հետ մինչև վերջ, մարզել երեխաներին, տարբեր շոուներ ու միջոցառումներ կազմակերպել»,- երեքշաբթի Երևանում մամուլի ասուլիսի ժամանակ ասաց աշխարհի եռակի և Եվրոպայի հնգակի չեմպիոն Եվգենի Պլյուշչենկոն։

Գեղասահորդը հայկական մայրաքաղաք է ժամանել սահադաշտը դիտելու և նրա որակը գնահատելու նպատակով։

Պլյուշչենկոն ՄՀՀ սահադաշտի սառույցի որակը գերազանց է բնութագրել՝ նշելով, որ նման դահլիճում կարելի է նույնիսկ աշխարհի ու Եվրոպայի առաջնություններ անցկացնել։   

«Սառույցը չափավոր կերպով է կոշտ և փափուկ։ Դահլիճը շատ ընդարձակ է... Այստեղ է հանգիստ կարելի է միջազգային մրցույթներ անցկացնել։ Բացի այդ, ես այստեղ հրաշալի մարզադահլիճ եմ տեսնում, ինչը ևս շատ կարևոր է ընդհանուր ֆիզիկական պատրաստվածության պարապմունքներ անցկացնելու համար»,- ասաց նա։   

Հանրահայտ գեղասահորդը նաև նշեց, որ կուզենար նաև գեղասահքի հայկական դպրոցում միջազգային դասընթացներ անցկացնել, ուր հնարավոր կլիներ հրավիրել ճապոնացի, ամերիկացի և ռուս գեղասահորդների։

Իր այցի շրջանակներում Պլյուշչենկոն նաև հանդիպեց հայ պատանի գեղասահորդների հետ, ովքեր օլիմպիական չեմպիոնին ցույց տվեցին, թե մինչ այժմ ինչ են հասցրել սովորել, իսկ նա ի պատասխան մի փոքր վարպետության դաս անցկացրեց։

«Ես տեսա, որ երեխաները ցանկություն ունեն, կա խանդավառություն։ Երբ ես ինքս 4 տարեկանում եկա սահադաշտ և նայեցի սահող երեխաներին, ասացի. «Ես ուզում եմ, ես ուզում եմ սահել»։ Ես խիստ խանդավառված էի, ես իրոք շատ էի ուզում։ Եվ դա շատ կարևոր է»,- նշեց Պլյուշչենկոն։

Գեղասահորդը ուշադրություն հրավիրեց նաև այն բանին, որ գեղասահք սովորող երեխաների մեծ մասը 4-5 տարեկան է, և դա հենց այն տարիքն է, երբ նրանք պետք է կամաց-կամաց սովորել սկսեն։

Այս առնչությամբ գեղասահորդը շատ կարևորեց մարզիչների արհեստավարժությունը, ովքեր պետք է երեխաների հանդեպ ճիշտ մոտեցում գտնեն։ 

«Երեխաները լաց էլ են լինելու, ընկնելու էլ են սառույցի վրա։ Բայց ամեն ինչ լավ կլինի, և շատ կարևոր է, որ մարզիչները երեխաների մեջ չսպանեն սահելու ցանկությունը»,- ասաց Պլյուշչենկոն՝ ավելացնելով, որ կցանկանար դպրոցում լավ, պրոֆեսիոնալ մարզիչներ տեսնել, հատկապես Ռուսաստանից։

Պլյուշչենկոն չբացառեց, որ ապագայում հնարավոր է դպրոցի լավագույն սաներին իր հետ աշխարհով մեկ շրջագայությունների ու շոուների տանի։ «Պրոֆեսիոնալների կողքին սահելու ընթացքում առաջ եկած էներգետիկան ու հուզականությունը նրանց համար մեծ օժանդակություն կլինի»,- ասաց Պլյուշչենկոն։  

Հանրահայտ գեղասահորդը նաև նշեց, որ երեխաներ ընդունելու գործում սահմանափակ մարզադպրոց չպետք է լինի, քանի որ դպրոցի նպատակը գեղասահքը ամբողջ աշխարհում և մասնավորապես Հայաստանում մասսայականացնելն է։

«Ես շատ եմ լսել Երևանի ու Հայաստանի մասին։ Հիմա ես համոզվում են, որ հայերը բարյացակամ ու մեծ ազգ են, և մարդիկ այստեղ լավն են, պատրաստակամ, բարի ու դրական»,- ասաց Պլյուշչենկոն։ --0--

Loading...
Թեմատիկ նյութեր
Բաժնի այլ նյութեր
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին: