478.51
-0.06
560.91
-1.27
8.03
+0.05
+27
Եղանակը Երևանում
Հայ
Հայաստանը հատուկ կարևորում է ՉԺՀ-ի հետ բարեկամության և համագործակցության զարգացումը. խոսնակ
10:44
16 Դեկտեմբերի 2008
ԵՐԵՎԱՆ, 16 դեկտեմբերի. /Նովոստի-Արմենիա/. Հայաստանը հատուկ կարևորում է ՉԺՀ-ի հետ բարեկամության և համագործակցության զարգացումը, երկուշաբթի Պեկինում ասել է ՀՀ ԱԺ նախագահ Հովիկ Աբրահամյանը Չինաստանի Ժողովրդական Հանրապետության Համաչինական ժողովի մշտական կոմիտեի նախագահ Ու Բանգոյի հետ հանդիպման ընթացքում։

«Հայ և չին ժողովուրդների պատմական անցյալից սկսված ավանդական բարեկամական կապերը մեր օրերում շարունակվում են։ Այդ են վկայում քաղաքական երկխոսությունն ու բարձր մակարդակով փոխադարձ այցելությունները, փոխշահավետ համագործակցության հետևողական ընդլայնումը և խորացումը հասարակական-քաղաքական, տնտեսական, գիտամշակութային ոլորտներում», - մեջբերեցին Աբրահամյանի խոսքերը ՀՀ ԱԺ հասարակայնության հետ կապերի վարչությունից։

ՀՀ խորհրդարանի խոսնակի խոսքերով, համագործակցությունը և փոխադարձ աջակցությունը միջազգային մակարդակում խորացրել են կողմերի վստահությունը։

Աբրահամյանը կարևորել է քիմիայի, էներգետիկայի, գյուղատնտեսության, գիտության ու տեխնիկայի, պաշտպանական, մշակույթի ու գիտության ոլորտներում իրականացվող համատեղ նախագծերը։

«Նշելով, որ անցած տարիներին Չինաստանը մշտապես աջակցել է մեր երկրի տնտեսական զարգացմանը և ՉԺՀ կառավարության ամենամյա անհատույց օգնությունը Հայաստանի կառավարությանը նպաստում է երկրի սոցիալ-տնտեսական զարգացմանը՝ Աժ նախագահը երախտագիտություն է հայտնել Չինաստանի ղեկավարությանը», - նշվում է տեղեկատվության մեջ։

Անդրադառնալով միջխորհրդարանական հարաբերություններին՝ Աբրահամյանը կարևորել է, որ երկու խորհրդարաններում էլ գործում են պատգամավորական բարեկամության խմբեր և իր աջակցությունն է հայտնել նրանց գործունեության ակտիվացման առումով։

«Հայաստանը հատուկ կարևորում է ՉԺՀ-ի հետ բարեկամության և համագործակցության հետևողական զարգացումը, որը մեծ ներուժ ունի դեռ՝ հաշվի առնելով երկու երկրների հնարավորությունները», - ասել է Աբրահամյանը։

Համաշխարհային ‎ֆինանսական ճգնաժամի պայմաններում նա կարևորել է համագործակցության նոր հնարավորությունների բացահայտումը, որը կնպաստի ճգնաժամի ազդեցությունը մեղմելուն։

Բարձր գնահատելով նաև երկու երկրների դեսպանների արդյունավետ աշխատանքը՝ ՀՀ ԱԺ նախագահը հայ-չինական միջխորհրդարանական հարաբերությունների զարգացմանը նպաստելու պատրաստակամություն է հայտնել՝ հավաստելով, որ խորհրդարանների միջև հարաբերությունները ժողովուրդներին միմյանց ավելի ճանաչելի ու հասկանալի են դարձնում:

Հանդիպման ընթացքում Աբրահամյանը շնորհակալություն է հայտենլ Ու Բանգոյին՝ հրավերի և ջերմ ընդունելության համար։

Նա նշել է, որ 2008 թ.-ի մայիսին ՉԺՀ խորհրդարանի նախագահին սպասում էին Երևանում, սակայն աղետալի երկրաշարժը Չինաստանում հնարավորություն չտվեց, որ պարոն Ու Բանգոն մեկնի երկրից:

Աբրահամյանը հույս է հայտնել, որ երկրաշարժի հետևանքները հաղթահարվում են, քանի որ Չինաստանի կառավարությունը մեծ ջանքեր է գործադրեցլ աղետյալներին օգնելու համար։

Աժ նախագահը նշել է, որ Հայաստանում տարերային աղետի հետևանքները լավ են պատկերացնում, քանի որ 1988-ի երկրաշարժը, որի 20-ամյա տարելիցը նշվեց դեկտեմբերի 7-ին, հազարավոր մարդկանց կյանք խլեց ու բազում ավերածություններ գործեց:

Այս կապակցությամբ Աբրահամյանը շնորհակալություն է հայտնել՝ այն ժամանակ Չինաստանի կողմից Հայաստանին ցուցաբերված աջակցության համար։ Նա նաև Ու Բանգոյին պաշտոնական այցով հրավիրել է Հայաստան:

Անդրադառնալով 2008-ի իրադարձություններին` Աժ նախագահը նշել է, որ Պեկինյան օլիմպիական խաղերը դեռ երկար կմնան բոլոր մարզասերների հիշողության մեջ։

«Օլիմպիական խաղերն անցկացվեցին բարձր մակարդակով`լավագույնս արտացոլելով օլիմպիական ոգին», - ասել է ՀՀ խորհրդարանի խոսնակը՝ Չինաստանի հավաքականի աննախադեպ հաջողությունը համարելով օրինաչափ։

Հաղորդելով ՀՀ նախագահ Սերժ Սարգսյանի ողջույններն ու հաջողության բարեմաղթանքները ՉԺՀ նախագահ Հու Ձինթաոյին` Աժ նախագահը խնդրել է նրան փոխանցել նաև Հայաստան պաշտոնական այցի հրավերը:-0- 

Loading...
Թեմատիկ նյութեր
Բաժնի այլ նյութեր
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել: