478.38
-0.01
573.43
+2.18
8.23
-0.08
+27
Եղանակը Երևանում
Հայ
ՀՀ կառավարությունն ավելի լուրջ է վերաբերվում կոռուպցիայի դեմ պայքարին. ԱՄՆ դեսպան
14:42
15 Դեկտեմբերի 2008

ՀՀ կառավարությունը սկսել է կոռուպցիայի դեմ պայքարին մեծ լրջությամբ վերաբերվել, ընդ որում վերջին ամիսներին նկատելի են այդ ուղղությամբ դրական տեղաշարժեր, ասել է Հայաստանում ԱՄՆ արտակարգ և լիազոր դեսպան Մարի Յովանովիչը (Marie Yovanovich)։

«Վերջին բարեփոխումները, հանրապետության մարզերում Գլխավոր դատախազության աշխատանքը, Հակակոռուպցիոն նոր ռազմավարության վերաբերյալ հանրային լսումները վկայում են հանրապետությունում կոռուպցիայի դեմ պայքարը պատշաճ մակարդակի հասցնելու՝ Հայաստանի իշխանությունների լուրջ մտադրության մասին», - ասաց նա երկուշաբթի՝ «ԶԼՄ-ների, հասարակական կազմակերպությունների և պետական կառավարման մարմինների դերը կոռուպցիայի դեմ պայքարում» ծրագրի իրականացման արդյունքների ամփոփման ընթացքում։

Միաժամանակ Յովանովիչը նշեց, որ այնուամենայնիվ երկրի շատ քաղաքացիներ սպասողական դիրք են զբաղեցրել՝ ցանկանալով հավաստիանալ, թե իսկապե՞ս իշխանություններն ի վիճակի են ձերբակալել և կոռուպցիոն հանցագործության մեղադրանքներ ներկայացնել բարձրաստիճան պաշտոնյաներին կամ ազդեցիկ կապեր ունեցող գործարարներին։

«Հայաստանում յուրաքանչյուրին հետաքրքրում է՝ ուղղված կլինե՞ն, արդյոք, իշխանությունների գործողությունները կոռուպցիայի մեջ իսկապես մեղադրվող անձանց բացահայտմանն ու պատժմանը», - պարզաբանեց նա։

Դեսպանի խոսքերով, անհրաժեշտ է հակակոռուպցիոն տարրեր ներդնել հանրապետության իշխանությունների գործունեության բոլոր ոլորտներում։

«Դա կօգնի ստեղծել համակարգեր, որոնք արմատախիլ կանեն ոչ պաշտոնական վճարումների երևույթները, մասնավորապես, առողջապահության ոլորտում, ինչպես նաև կբարձրացնեն բոլոր պետական կառույցների գործունեության թափանցիկությունը», - ընդգծեց նա։

Խոսելով կոռուպցիայի դեմ պայքարի գործում իշխանությունների և քաղաքացիական հասարակության համատեղ աշխատանքի մասին՝ Յովանովիչն ասաց, որ այդ ուղղությամբ Հայաստանում զգալի առաջընթաց չի նկատվում։

««Transparency International/Armenia»-ի տվյալների համաձայն, կարելի է ասել, որ Հայաստանում կոռուպցիայի հետ կապված իրավիճակը վատթարանում է։ Հայաստանում կոռուպցիայի մակարդակը շարունակում է բարձր մնալ, կան իրական ներքին և արտաքին խոչընդոտներ ներդրումները կրճատելու, տնտեսության աճը դանդաղեցնելու և միգրացիան ավելացնելու համար», - ասաց դեսպանը։

Սեպտեմբերի 23-ին Լոնդոնում «Transparensy International» համաշխարհային հակակոռուպցիոն կոալիցիայի հրապարակած ուսումնասիրության համաձայն, որը անցկացվել է աշխարհի 180 երկրներում՝ միջազգային անկախ աղբյուրների տվյալների հիման վրա, Հայաստանում Կոռուպցիայի ընկալման ինդեքսը 2008 թ.-ին կազմել է տասը բալանոց սանդղակով 2,9 բալ՝ 2007 թ.-ի 3,0 բալի համեմատ։

«ԶԼՄ-ների, հասարակական կազմակերպությունների և պետական կառավարկան մարմինների դերը կոռուպցիայի դեմ պայքարում» երկամյա ծրագիրն իրականացվել է «Եվրասիա-համագործակցություն» հիմնադրամի հայկական գրասենյակի կողմից՝ ՄԱԿ-ի ժողովրդավարական հիմնադրամի (UNDEF) և ԱՄՆ միջազգային զարգացման գործակալության (USAID) ֆինանսական աջակցությամբ։

Ծրագիրը, որի շրջանակներում Հայաստանի ութ մարզերում աջակցություն է տրամադրվել ավելի քան 400 հազ. ԱՄՆ դոլարի չափով, ուղղված էր, մասնավորապես, ԶԼՄ-ների դերի բարձրացմանը կառուպցիայի դեմ պայքարում, պետական կառավարման կառույցների աշխատանքի խթանմանը, ԶԼՄ-ների և հասարակական կազմակերպությունների համագործակցությանը պետական կառավարման կառույցների գործունեության թափանցիկության ապահովման հարցում։-0-

Loading...
Թեմատիկ նյութեր
Բաժնի այլ նյութեր
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը: