484.37
+0.38
564.15
+0.69
8.28
-0.04
+5
Եղանակը Երևանում
Հայ
ՀՀ վարչապետը կառավարական պարգևներ է հանձնել «Լինսի» հիմնադրամի մի շարք ներկայացուցիչների
13:37
10 Դեկտեմբերի 2008

ՀՀ վարչապետ Տիգրան Սարգսյանը նախօրեին ընդունել է «Լինսի» հիմնադրամի շրջանակներում իրականացված  աշխատանքներում աչքի ընկած և ՀՀ նախագահի կողմից պետական բարձր  պարգևների արժանացած մի շարք անձանց՝ շնորհավորելով և նրանց հանձնելով պարգևները:

Այս մասին «Նովոստի-Արմենիա» գործակալությանը տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից։

ՀՀ նախագահի հրամանագրով «Լինսի» հիմնադրամի շրջանակներում իրականացված, ՀՀ տնտեսության զարգացման համար նշանակալի աշխատանքների կազմակերպման գործում ներդրած ծանրակշիռ ավանդի համար «Հայրենիքին մատուցած ծառայությունների համար» 1-ին աստիճանի մեդալի է արժանացել «Լինսի» հիմնադրամի փոխատենապետ Հարություն Սասունյանը:

«Հայրենիքին մատուցած ծառայությունների համար» 2-րդ աստիճանի մեդալի են արժանացել «Ճանապարհաշինություն ծրագրերի իրականացման գրասենյակ» պետական հիմնարկի տնօրեն Էդուարդ Բեզոյանը և «Դպրոցաշինություն ծրագրերի իրականացման գրասենյակ» պետական հիմնարկի տնօրեն Հրայր Սարգսյանը: Մի շարք ընկերությունների ղեկավարներ և շինարարության ոլորտի աշխատողներ պարգևատրվել են Անանիա Շիրակացու մեդալով:

ՀՀ նախագահի կարգադրությամբ «Լինսի» հիմնադրամի շրջանակներում Հայաստանի Հանրապետությունում  իրականացված մեծածավալ աշխատանքները բարեխղճորեն և պատշաճ որակով կատարելու համար շուրջ երկու տասնյակ ընկերությունների ղեկավարներ և շինարարության ոլորտի աշխատողներ պարգևատրվել են ՀՀ նախագահի շնորհակալագրով:

Վարչապետի խոսքերով, բոլոր  պարգևատրվածների աշխատանքը եղել է նպատակային ու արդյունավետ, տեսանելի՝  մեր ժողովրդի համար, այդ պատճառով էլ բարձր է գնահատվել ՀՀ նախագահի  կողմից։

Ընդգծելով, որ  համաշխարհային ֆինանսական և տնտեսական  ճգնաժամի պայմաններում 2009 թվականը բարդ տարի է լինելու,  իսկ շինարարությունը, այդ թվում՝ դպրոցաշինությունը, ճանապարհաշինությունը և այլ ենթակառուցվածքների շինարարությունը, եկող տարվա ընթացքում հանդիսանալու է մեր  երկրի  նախապատվություններից մեկը, վարչապետը հույս է հայտնել, որ այդ ուղղությամբ ակտիվ աշխատանքը կարող է նպաստավոր լինել հակաճգնաժամային միջոցառումների  իրականացման առումով:

Հանդիպման ավարտին վարչապետ Տիգրան Սարգսյանը մեկ անգամ ևս շնորհավորել է հանդիպման մասնակիցներին՝ պետական պարգևների արժանանալու կապակցությամբ  և անձնական ու աշխատանքային նոր հաջողություններ մաղթել նրանց:

Լինսի հիմնադրամը ֆինանսավորվում է հայկական ծագմամբ ամերիկյան գործարար, միլիարդեր Քըրք Քըրքորյանի կողմից։ «Լինսի» հիմնադրամի առաջին ծրագիրը 2001-2003թթ. կազմել է 150 մլն. ԱՄՆ դոլար։

Ներկայումս, իրականացման փուլում է գտնվում հիմնադրամի երկրորդ ծրագիրը, որն արժե 60 մլն ԱՄՆ դոլար։ Այդ միջոցներով իրականացվելու է երեք նախագիծ. ճանապարհաշինություն՝ 20 մլն., Երևանի փողոցների վերականգնում՝ 20 մլն., և դպրոցների բարեկարգում (նույն արժողությամբ)։--0—

Loading...
Թեմատիկ նյութեր
Բաժնի այլ նյութեր
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: