485.74
+0.58
561.81
-1.12
8.27
+0.04
+10
Եղանակը Երևանում
Հայ
Հայաստանը ակտիվ աշխատանք է տանում ձեռնարկությունների եվրոպական ցանցի շրջանակներում
11:03
08 Դեկտեմբերի 2008

Հայաստանը ակտիվ աշխատանք է տանում Ձեռնարկությունների եվրոպական ցանցի (Enterprise Europe Network - EEN) շրջանակներում։

Ինչպես հայտարարել է Փոքր և միջին բիզնեսի զարգացման ազգային կենտրոնի (ՓՄԲԶԱԿ) գործադիր տնօրեն Իշխան Կարապետյանը, 2008 թ.-ի նոյեմբերի 1-ի դրությամբ EEN-ում շրջանառվել է ավելի քան 500 բիզնես-առաջարկ, հիմնականում, կոմերցիոն միջնորդների, գործընկերների և արտահանողների որոնման գծով։

«Եվրոպական երկրների ձեռներեցների կողմից ներկայացված մոտ 60 բիզնես-առաջարկներն ուղղվել են Հայաստան, որոնք ներքին խողովակների միջոցով ներկայացվել են հայ գործարարներին և ՓՄՁ սուբյեկտներին», - ասել է նա՝ ներկայացնելով իր զեկույցը ուրբաթ Իջևանում տեղի ունեցած «ՀՀ Տավուշի մարզի ներդրումային միջավայրը և ՓՄՁ զարգացման ուղղությամբ կատարված աշխատանքները» խորագրով համաժողովի ընթացքում։

Հայաստանում ցանցը սկսել է պաշտոնապես գործել 2008 թ.-ի մայիսից, իսկ հունիսի 20-ից երկիրը, ի դեմս ՓՄԲԶԱԿ-ի, EEN անդամ է։

Կարապետյանի խոսքերով, EEN-ի գործունեության շրջանակներում ձեռնարկություններին կտրամադրվի անվճար աջակցություն, մասնավորապես, Եվրամիության քաղաքականության, օրենսդրության և չափանիշների, բիզնես-հնարավորությունների, տեղեկատվություն ստանալու, շուկաների հետազոտման, պոտենցիալ հաճախորդների բացահայտման հարցերում։

«Անհրաժեշտության դեպքում հնարավոր է  նաև երկկողմ այցերի և բազմաբնույթ միջոցառումների կազմակերպում, ինչի միջոցով ձեռներեցները կկարողանան բարձրացնել իրենց գործարար գիտելիքների մակարդակը, ճշտել համագործակցության պայմաններն ու անձնական կապեր հաստատել գործընկերների հետ», - պարզաբանել է նա։

ՓՄԲԶԱԿ ղեկավարի խոսքերով, 2008 թ.-ի օգոստոսին Հայաստանը միացել է եվրոպական ներքին ցանցին՝ Ինտրանետին, ինչի շնորհիվ հնարավորություն է ստացել կիրառել վերջինիս տեղեկատվական տեխնոլոգիաների գործիքները՝ բիզնես-համագործակցության և տեխնոլոգիական առաջարկությունների հայտերի շրջանառությունն ապահովելու համար։

«Ինտրանետում արդեն ներկայացված են 14 կազմակերպություների բիզնես-համագործակցության նկարագրություններ, որոնք, հիմնականում, վերաբերում են շինանյութի արտադրության, ինչպես նաև գինեգործական արտադրանքի և կոնյակի արտահանման ոլորտներում գործընկեր ընկերություններ և կոմերցիոն գործակալներ փնտրելուն», - ասել է նա՝ ավելացնելով, որ ևս 20 առաջարկներ մշակման փուլում են։

Կարապետյանը նաև տեղեկացրել է, որ EEN-ը հնարավորություն է ընձեռում բազմաթիվ ուղղություններով հարցումներ անցկացնել և տարբեր հարցերի վերաբերյալ մարքեթինգային տվյալներ ստանալ 44 երկրների կտրվածքով։

«EEN-ի գործունեության արդյունավետությունը բարձրացնելու նպատակով մենք մտադիր ենք ընդյալնել և խորացնել մեր համագործակցությունը տարբեր ասոցիացիաների և միությունների հետ՝ նրանց անդամներին տրամադրելով ցանցի հնարավորությունները», - ասել է նա։

Կարապետյանը նաև նշել է, որ Հայաստանը հարավկովկասյան տարածաշրջանում միակ երկիրն է, որտեղ ներկայացված է EEN-ը։

Ձեռնարկությունների եվրոպական ցանցը ստեղծվել է 2008 թ.-ի փետրվարի 8-ին Բրյուսելում։ Այսօրվա դրությամբ EEN-ը գործում է աշխարհի 44 երկրներում։ EEN-ի կազմում են 600 կազմակերպություններ, մասնավորապես, առևտրա-արտադրական  պալատներ, զարգացման տարածաշրջանային գործակալություններ, համալսարաններ, տեխնոլոգիական կենտրոններ, ինչպես նաև ՓՄՁ-ի 23 մլն սուբյեկտներ և 4 հազ. փորձագետներ։-0- 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։