487.29
-0.01
568.08
+2.76
8.23
+0.01
+13
Եղանակը Երևանում
Հայ
Իշխող կոալիցիայի հայ պատգամավորները դրական են գնահատում Ղարաբաղի հարցով ԵԱՀԿ ՄԽ համանախագահների հայտարարությունը
18:26
05 Դեկտեմբերի 2008

ՀՀ իշխող կոալիցիայում ընդգրկված կուսակցությունների խորհրդարանական խմբակցությունների ներկայացուցիչները ԵԱՀԿ ՄԽ համանախագահ երկրների հելսինկյան հայտարարությունը դրական փաստաթուղթ են համարում, իսկ ընդդիմությունը դրա հետ համաձայն չէ։

Ինչպես ուրբաթ խորհրդարանական ճեպազրույցի ընթացքում հայտնեց «Բարգավաճ Հայաստան» կուսակցության խորհրդարանական խմբակցության անդամ Ավետ Ադոնցը, ԵԱՀԿ ՄԽ երկրների արտգործնախարարների նախօրեին ընդունած հելսինկյան հայտարարությունը դրական ազդեցություն կունենա Լեռնային Ղարաբաղի հակամարտության կարգավորման գործընթացի վրա։

Համանախագահների հայտարարության մեջ նշվում է, որ նոյեմբերի 2-ին Հայաստանի, Ադրբեջանի և Ռուսաստանի նախագահների ստորագրած Մոսկովյան հռչակագիրը նոր և խոստումնալից փուլ բացեց Հարավային Կովկասում խաղաղություն հաստատելու ընդհանուր ձգտման առումով։ Այդ հռչակագրում նախագահները վերահաստատում են իրենց հավատարմությունը՝ հասնելու Լեռնային Ղարաբաղի հակամարտության խաղաղ կարգավորմանը Մինսկի խմբի համանախագահների միջնորդական ջանքերի շրջանակներում և այն հիմնարար սկզբունքների հիման վրա, որ համանախագահները մշակել են համագործակցելով Հայաստանի և Ադրբեջանի նախագահների հետ՝ հիմնվելով անցյալ տարի Մադրիդում ներկայացված իրենց առաջարկների վրա:

ՀՀ Հանրապետական կուսակցության խորհրդարանական խմբակցության անդամ Էդուարդ Շարմազանովը նշեց, որ փաստաթուղթը մոսկովյան հռչակագրի շարունակությունն է և բացառում է Լեռնային Ղարաբաղի խնդրի լուծման ռազմական ուղին։  

«Հելսինկյան հայտարարությունը հիմնականում պահպանում է մոսկովյան հռչակագրի սկզբունքները և համապատասխանում ավելի վաղ ՀՀ նախագահ Սերժ Սարգսյանի կողմից հռչակված կարգավորման սկզբունքներին»,- ասաց նա։

Շարմազանովը հիշեցրեց, որ ՀՀ նախագահի հայտարարության համաձայն, հակամարտության կարգավորման դեպքում հայկական կողմի առաջնահերթություններն են ժողովրդի ինքնորոշման իրավունքը, Հայաստանի և Լեռնային Ղարաբաղի միջև ցամաքային սահմանի առկայությունը, ԼՂՀ-ին անվտանգության երաշխիքների տրամադրումը։

Խորհրդարանականը նշեց, որ հայկական կողմը միակողմանի զիջումների չի գնա Լեռնային Ղարաբաղի հակամարտության կարգավորման հարցում, ինչի մասին բազմիցս խոսել է հանրապետության նախագահը։
 
«Ղարաբաղյան հակամարտությունը կարգավորելիս ՀՀ իշխանությունները առաջնորդվում են հայ ժողովրդի շահերով։ Բացի այդ մենք արդեն հաղթել ենք Ղարաբաղյան պատերազմում, և ադրբեջանական կողմը պետք է հիշի դա»,- ընդգծեց նա։ 

Հայկական խորհրդարանի փոխխոսնակ, ՀՅԴ անդամ Հրայր Կարապետյանը համաձայնեց, որ հելսինկյան  հայտարարությունը մոսկովյան հռչակագրի շարունակությունն է։

«Անհրաժեշտ է վերջ դնել որոշ քաղաքական գործիչների անպատասխանատու հայտարարություններին այն մասին, որ ՀՀ իշխանությունները ապագա սերունդների հաշվին կգնան զիջումների ԼՂՀ կարգավիճակի հարցում։ Ղարաբաղյան հակամարտությունը քաղաքական բանակցությունների առարկա է և կլուծվի փոխզիջումային ճանապարհով։ Մենք պատերազմ չենք ուզում, մենք մեկում արդեն հաղթել ենք»,- ընդգծեց նա։  
 
Սակայն «Ժառանգություն» ընդդիմադիր խորհրդարանական խմբակցության քարտուղար Ստեփան Սաֆարյանը չկիսեց գործընկերների լավատեսությունը՝ համարելով, որ հռչակագրի միակ «լուսավոր կետը» Ղարաբաղյան հակամարտությունը ռազմական ճանապարհով լուծելն անհնարին լինելու մասին դրույթն է։ Ինչպես կարծում է Սաֆարյանը, հելսինկյան հայտարարությունը մոսկովյան հռչակագրից հետո հերթական փաստաթուղթն է, որը Հայաստանում արժանի է քննադատության։

«Հայտարարության մեջ ԼՂՀ-ն չի դիտարկվում որպես բանակցային կողմ և հակամարտությունը նորից տեղափոխվում է հայ-ադրբեջանական հարթություն, ինչը չի կարող անհանգստություն չառաջացնել»,- ավելացրեց նա։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։