487.19
+0.52
519.34
-1.15
8.11
-0.11
-8
Եղանակը Երևանում
Հայ
Թուրք կինոգործիչները շահագրգռված են հայ գործընկերների հետ համագործակցությամբ. փորձագետ
18:00
05 Դեկտեմբերի 2008

ԵՐԵՎԱՆ, 5 դեկտեմբերի. /Նովոստի-Արմենիա/. Թուրք կինոգործիչները շահագրգռված են հայ գործընկերների հետ համագործակցությամբ, հայտարարեց «Ոսկե ծիրան» միջազգային կինոփառատոնի գեղարվեստական ղեկավար Սուսաննա Հարությունյանը։

«Որպես շարունակություն այս տարվա ապրիլին Ստամբուլում կայացած «Կինո և պատմություն» թեմայով առաջին հայ-թուրքական սեմինարի ընթացքում մեր թուրք գործընկերների հետ բանավեճի, մենք կազմակերպեցինք երկրորդ կինոսեմինարը, առանց որի անհնար կլիներ հայ-թուրքական համատեղ կինոարտադրության ստեղծման հնարավորությունների քննարկումը»,- հայտնեց Սուսաննա Հարությունյանը մամուլի ասուլիսում, որը նվիրված էր դեկտեմբերի 4-8-ը Երևանում անցկացվող «Կինոն որպես երկխոսության և փոխըմբռնման միջոց» թեմայով հայ-թուրքական երկրորդ կինոսեմինարին։

Սեմինարին մասնակցում են 10 կինոգործիչներ Թուրքիայից։ Կազմակերպիչների խոսքերով, սեմինարի նպատակը համատեղ կինոարտադրության հնարավորությունների ուսումնասիրումն է՝ կողմերի միջև մշակույթի ոլորտում համագործակցության անբավարարության պայմաններում՝ Հայաստանի և Թուրքիայի միջև դիվանագիտական հարաբերությունների բացակայության պատճառով։ 

«Ոսկե ծիրան» կինոփառատոնը միշտ կարևորել է տարածաշրջանային համագործակցության գաղափարը և աջակցել դրա իրագործմանը։

Հարությունյանի խոսքերով, հայ և թուրք կինոգործիչների միջև համագործակցությունը սկզբնավորվել է 2005թ., երբ թուրքական կինոարվեստի ներկայացուցիչները մասնակցեցին «Ոսկե ծիրան» միջազգային կինոփառատոնին։

Սկսած 2005թ.-ից Թուրքիայից կինոգործիչներ, ժյուրիի անդամներ և այլ ներկայացուցիչներ են եղել «Ոսկե ծիրան» միջազգային կինոփառատոնի հյուրերը, իսկ հաջորդ տարիներին ակտիվորեն ընդգրկվել են, հատկապես, «Ռեժիսորներ առանց սահմանների» նախագծի աշխատանքներում։

«Թեկուզ մեկ համատեղ հայ-թուրքական ֆիլմի ստեղծումը մեծ աղմուկ կբարձրացներ Թուրքիայում»,- ասաց թուրք կինոռեժիսոր Էզել Աքայը (Ezel Akay), հավելելով, որ դրան կնպաստեր նաև կինոթատրոնների մեծ թիվն իր երկրում, ի տարբերություն Հայաստանի։

Միաժամանակ թուրքական «Anadolu Kultur» ասոցիացիայի ծրագրերի համակարգող Քիգդեմ Մատեր Ուտկուն (Cigdem Mater Utku) ասաց, որ հավատում է արվեստի խաղաղապահ և միավորիչ ուժին։

«Մենք մեկ տարածաշրջանի զավակներ ենք, և մեզ պետք չեն սահմաններ»,- ասաց Քիգդեմ Մատերը։

Իր կողմից ՀՀ գրողների միության նախագահ Լևոն Անանյանը նշեց, որ այսօր երկխոսությունը Հայաստանի և Թուրքիայի միջև նոր է սկսվում պետական մակարդակով, սակայն «արվեստը, թեկուզև ուշացումով, փորձում է թեթևացնել այդ ուղին»։

Հայ-թուրքական երկրորդ սեմինարը կազմակերպվել է «Ոսկե ծիրանի» կողմից՝ Բաց հասարակության օժանդակության հիմնադրամի, ՀՀ-ում Մեծ Բրիտանիայի դեսպանության և «Եվրասիա-Համագործակցություն» հիմնադրամի ֆինանսական աջակցությամբ։ Հայ-թուրքական երկրորդ սեմինարի գործընկերներն են ՀՀ գրողների միությունը և թուրքական «Anadolu Kultur» ասոցիացիան։ -0-

Loading...
Թեմատիկ նյութեր
Բաժնի այլ նյութեր
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին: