+1
Եղանակը Երևանում
Հայ
ԵԱՀԿ ՄԽ համանախագահ երկրների ԱԳՆ ղեկավարները բացառում են Ղարաբաղյան հակամարտության ռազմական լուծումը
18:38
04 Դեկտեմբերի 2008

Լեռնային Ղարաբաղի կարգավորման հարցով ԵԱՀԿ Մինսկի Խմբի համանախագահ երկրների արտաքին քաղաքական գերատեսչությունների ղեկավարները հինգշաբթի Հելսինկիում համատեղ հայտարարություն են ընդունել, որում նշվում է, որ Լեռնային Ղարաբաղի հակամարտությունը ռազմական լուծում չունի։

«Մենք՝ ԵԱՀԿ ՄԽ երեք համանախագահ երկրների՝ Ֆրանսիայի, Ռուսաստանի և ԱՄՆ-ի արտգործնախարարներն ու փոխարտգործնախարարը, կոչ ենք անում Լեռնային Ղարաբաղի հակամարտության կողմերին օգտագործել 2008 թ.-ի նոյեմբերի 2-ին Մոսկվայում Ադրբեջանի, Հայաստանի և Ռուսաստանի նախագահների հանդիպման արդյունքում առաջ եկած կառուցողական ու դրական խթանը»,- ասվում է ՀՀ ԱԳՆ մամուլի ծառայության կողմից «Նովոստի-Արմենիա» գործակալությանը տրամադրված հայտարարության մեջ։

Փաստաթղթում նշվում է, որ այդ նույն օրը կնքված Մոսկովյան հռչակագիրը նոր և խոստումնալից փուլ բացեց Հարավային Կովկասում խաղաղություն հաստատելու ընդհանուր ձգտման մեջ։

«Այդ հռչակագրում նախագահները հաստատում են ՄԽ համանախագահների միջնորդական ջանքերի շրջանակներում Լեռնային Ղարաբաղի հակամարտության խաղաղ կարգավորման հասնելու իրենց հաստատակամությունը՝ հիմնվելով Ադրբեջանի և Հայաստանի ղեկավարների հետ համագործակցության արդյունքում համանախագահների կողմից մշակված հիմնարար սկզբունքների վրա, որոնք փոխանցվել են անցած տարի Մադրիդում»,- նշվում է հայտարարության մեջ։    

Արտաքին քաղաքական գերատեսչությունների ղեկավարները կոչ արեցին կողմերին ԵԱՀԿ ՄԽ համանախագահների հետ համատեղ ջանքեր գործադրել առաջիկա ամիսների ընթացքում կարգավորման հիմնարար սկզբունքների համաձայնեցումն ավարտելու նպատակով, և հետո այդ համաձայնության հիման վրա սկսել համապարփակ խաղաղ համաձայնագրի նախագծի կազմումը։

«Մոսկովյան հռչակագրի դրույթների համաձայն, մենք նաև կոչ ենք անում կողմերին Համանախագահների հետ միասին սկսել վստահության ամրապնդման միջոցների իրականացումը՝ սկսած հակամարտության կողմերի առաջնային դիրքերից դիպուկահարների հեռացումը քաղաքացիական անձանց ու զինծառայողների կյանքերի պահպանման նպատակով, ինչպես դա արդեն մեր միջնորդների կողմից առաջարկվել էր կողմերի ղեկավարներին 2008 թ.-ի նոյեմբերի կեսին տարածաշրջան կատարած նրանց վերջին այցի ընթացքում»,- ընդգծվում է հայտարարության մեջ։  

Փաստաթղթում նշվում է, որ կողմերի համար ծայրաստիճան անհրաժեշտ է աշխատել միմյանց, համանախագահների և ԵԱՀԿ գործող նախագահի անձնական ներկայացուցչի հետ հրադադարի ռեժիմի կայունացման նպատակով վստահության ամրապնդման այս և այլ ուղիներ միջոցով։

«Մենք նորից հաստատում ենք մեր վստահ կարծիքը, որ Լեռնային Ղարաբաղի հակամարտությունը ռազմական լուծում չունի և կոչ ենք անում կողմերին հաստատել խաղաղ կարգավորման իրենց հակվածությունը»,- ասվում է հայտարարության մեջ։ --0--

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։