483.06
+0.19
562.04
+0.46
8.3
-0.05
+11
Եղանակը Երևանում
Հայ
Հայրենական Մեծ պատերազմի վետերանը Երևանում պարգևատրվել է «Մոսկվայի պաշտպանության համար» մեդալով
22:17
02 Դեկտեմբերի 2008

Հայրենական Մեծ Պատերազմի վետերան Սարգիս Մարգարի Մովսիսյանը երեքշաբթի պարգևատրվել է «Մոսկվայի պաշտպանության համար» մեդալով։

«Ինձ պատիվ է վիճակվել հանձնել պարգևը, որն իր տիրոջն էր փնտրում ավելի քան 60 տարի», - վետերանի պարգևատրման հանդիսավոր արարողության ժամանակ ասաց Հայաստանում Ռուսաստանի դեսպանատան ռազմական և ռազմաօդային կցորդ Ալեքսանդր Ֆրոլովը։

1941 թ.-ին 19-ամյա Սարգիս Մովսիսյանը ղեկավարել է 82-րդ հրաձգային դիվիզիայի 601-րդ մոտոհրաձգային գնդի 4-րդ հրաձգային վաշտի կազմում գտնվող դասակը։ ԽՍՀՄ Գերագույն խորհրդի նախագահության 1944 թ.-ի որոշմամբ, նա պարգևատրվել է «Մոսկվայի պաշտպանության համար» մեդալով, սակայն այն ժամանակ իր մեդալը չի կարողացել ստանալ։

«Վաթսուներեք տարի է մեզ բաժանում պատմության ամենասարսափելի պատերազմի ավարտից։ Խորհրդային միության բանակի դեմ էր դուրս եկել 103 գերմանական դիվիզիա, որոնք մի քանի անգամ գերազանցում էին մեր զորքերին։ Ավելի քան 5000 ինքնաթիռներ և ավելի քան 5000 տանկեր հարձակվեցին ԽՍՀՄ-ի վրա», - ասաց Ֆրոլովը։

Նրա խոսքերով, պատերազմից հետո հայտնաբերվել են փաստաթղթեր, որոնք բացահայտում են Ֆաշիստական Գերմանիայի ծրագրերը, որոնց համաձայն ԽՍՀՄ-ն ու Լեհաստանը պետք է դադարեին գոյություն ունենալ։ Բացի այդ, այս զարհուրելի ծրագրերի համաձայն, ոչնչացման էին ենթակա ողջ ժողովուրդներ։

«Սակայն այս ծրագրերը չպետք է իրականանային, քանի որ գերմանական բանակի ճանապարհին կանգնեցին խորհրդային միության զորքերը, որոնց թվում էին նաև հերոսական մարտիկները Հայաստանից», - ասաց ռազմական կցորդն ու ավելացրեց, որ սա բազմաթիվ ժողովուրդների ընդհանուր հաղթանակն էր, քանի որ ուս ուսի  մարտնչում էին ռուսներ, հայեր, ադրբեջանցիներ, վրացիներ ու այլ ազգության ներկայացուցիչներ։

Վետերանն իր հերթին ասաց, որ պատերազմի ժամանակ ընդամենը իր պարտքն էր կատարում՝ «Խորհրդային Միության յուրաքանչյուր քաղաքացու պարտքը»։

«Սա հասարակ հաղթանակ չէր, այլ մեծ հաղթանակ, քանի որ մենք ազատագրեցինք ողջ քաղաքակիրթ աշխարհը», - համընդհանուր ծափողջույնների ներքո բացականչեց Մովսիսյանը։

Մովսիսյանին հանձնվեց նաև «Ռուսաստանի բանակը» ֆոլիանտը, որը հանձնվում է միայն ինչպես Ռուսաստանի, այնպես էլ բարեկամ ժողովուրդների ամենաարժանի քաղաքացիներին։

Սա նման գրքով հայ ժողովրդի ներկայացուցչին պարգևատրելու առաջին դեպքն է։

1941թ. հունիսից մինչև 1945թ. մայիս խորհրդային բանակ է զորակոչվել ավելի քան 500 հազ. հայ։ Ռազմական գործողությունների ընթացքում զոհվել է շուրջ 175 հազ. հայորդի։ Պատերազմի տարիներին հայ ժողովուրդը տվել է Խորհրդային միության 106 հերոս։ Երկրորդ համաշխարհային պատերազմի խոշոր զորավարներից են Խորհրդային միության կրկնակի հերոս, մարշալ Իվան (Հովհաննես) Բաղրամյանը, զրահատանկայն զորքերի գլխավոր մարշալ Համազասպ Բաբաջանյանը, ավիացիայի մարշալ Սերգեյ Խուդյակովը (Արմենակ Խամփերյանց), ԽՍՀՄ նավատորմի ծովակալ Իվան Իսահակովը։ Պատերազմի տարիներին կազմավորվել է 6 հայկական դիվիզիա։--0—

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: