478.82
+0.2
557.59
+7.08
8.14
+0.04
+22
Եղանակը Երևանում
Հայ
ՀՀ խորհրդարանը մեծապես շահագրգված է Եվրամիության հետ փոխշահավետ կապերի խորացմամբ. խոսնակ
10:28
01 Դեկտեմբերի 2008

ՀՀ Ազգային ժողովը մեծապես շահագրգված է Եվրամիության հետ փոխշահավետ կապերի խորացմամբ, որը կնպաստի նաև երկրում իրականացվող բարեփոխումների հաջող ընթացքին, ասել է ՀՀ խորհրդարանի նախագահ Հովիկ Աբրահամյանը։

Ինչպես ուրբաթ «Նովոստի-Արմենիա» գործակալությանը տեղեկացրել են ՀՀ ԱԺ հասարակայնության հետ կապերի վարչությունից, Հայաստանում Եվրահանձնաժողովի պատվիրակության ղեկավար, դեսպան Ռաուլ դե Լյուցենբերգերի հետ հանդիպման ընթացքում Աբրահամյանը կարևորել է Եվրամիություն-ԱԺ համագործակցությունը։

Աժ նախագահը բարձր է գնահատել եվրոպական կառույցների` Եվրամիության, Եվրախորհրդի, ՄԱԿ-ի, ԵԱՀԿ-ի, ՆԱՏՕ-ի հետ համագործակցությունը, որը իր նպաստն է բերում բարեփոխումների իրականացմանը և եվրոպական կառույցներում Հայաստանի ինտեգրմանը։

Աբրահամյանը հավաստել է ՀՀ իշխանությունների քաղաքական կամքն ու ցանկությունը Հայաստանը ժողովրդավարական երկրների շարքում տեսնելու համար:

Նա անդրադարձել է նաև արտաքին քաղաքականության ասպարեզում ձեռնարկված քայլերին` նշելով, որ Հայաստանը մշտապես կողմ է եղել հարևանների հետ նորմալ հարաբերություններին ու այդ շրջագծում պատրաստ է առանց նախապայմանների դիվանագիտական հարաբերություններ հաստատել Թուրքիայի հետ:

Լեռնային Ղարաբաղի հարցի լուծման առնչությամբ Աբրահամյանը կարևորել է Մայնդոր‎ֆյան հռչակագրի ընդունումն ու ԵԱՀԿ Մինսկի խմբի շրջանակներում հարցի խաղաղ կարգավորման համար բանակցությունների շարունակումը։

«Ազգային ժողովը պաշտպանում է ՀՀ նախագահի արտաքին քաղաքականությունը և գործադրած ջանքերը՝ տարածաշրջանային խնդիրների լուծման ուղղությամբ», - ասել է Աբրահամյանը։

Նա նաև ափսոսանք է հայտնել, որ նոյեմբերի 25-26-ին նախատեսված ԵՄ-Հայաստան խորհրդարանական համագործակցության հանձնաժողովի նիստը չկայացավ, քանի որ այդ օրերին ՀՀ իշխանության ներկայացուցիչների և հանձնաժողովի անդամների մեծ մասը երկրից բացակայում էր, ուստի ելնելով քննարկումների կարևորությունից,  ԱԺ-ն ստիպված էր հետաձգել նիստը: 

Ռաուլ դե Լյուցենբերգերը նշել է, որ Եվրոպական խորհրդարանի հանձնաժողովի անդամները բարձր են գնահատում Հայաստանի և Ազգային ժողովի հետ փոխհարաբերությունները և ըմբռնումով են ընդունել նիստի հետաձգումը:

Նա ԱԺ նախագահին իրազեկել է, որ ՀՀ արտաքին գործերի նախարարի և ԵՄ արտաքին կապերի հանձնակատարի ստորագրած համաձայնագրով` բարեփոխումներին աջակցելու նպատակով Հայաստան են ուղարկվելու խորհրդատուներ, այդ թվում` նաև խորհրդարան։

Դեսպանը հույս ունի, որ դա կլինի լավ համագործակցության սկիզբ և փորձագետ-խորհրդատուն կկարողանա աջակցել ԱԺ-ին։

Լյուցենբերգերի գնահատականով` Ազգային ժողովը մեծ դերակատարություն ունի երկրում բարեփոխումների իրականացման հաջաղության համար:

Նշելով, որ ԵՄ-ն ողջունում է ղարաբաղյան հակամարտության լուծմանն ուղղված քայլերն ու ԵԱՀԿ Մինսկի շրջանակներում է տեսնում խնդրի խաղաղ կարգավորումը՝ դեսպանը նաև կարևորել է հայ-թուրքական հարաբերությունների կարգավորումը, որը տարածաշրջանային զարգացման նոր հնարավորություններ կստեղծի: -0-  

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: