478.82
+0.2
557.59
+7.08
8.14
+0.04
+30
Եղանակը Երևանում
Հայ
ՀՀ նախագահը շնորհավորել է հայ շախմատիստներին՝ Շախմատի համաշխարհային օլիմպիադայում հաղթանակի կապակցությամբ
10:55
27 Նոյեմբերի 2008

ՀՀ նախագահ Սերժ Սարգսյանը շնորհավորել է հայ շախմատիստներին՝ Դրեզդենում կայացած Շախմատի համաշխարհային օլիմպիադայում հաղթանակ տանելու կապակցությամբ։

«Մենք տասնհինգ օր, շունչներս պահած, հետևում էինք խաղատախտակների վրա ծավալվող ճակատամարտերին։ Մեր աչքերի առջև գրվում էր հայկական շախմատի պատմության ևս մի անմոռանալի էջ», - ասել է ՀՀ նախագահը հայ շախմատիստների հաղթանակին նվիրված հանդիսավոր միջոցառման ընթացքում։

ՀՀ նախագահի խոսքերով, ազգային միասնականության զգացումը հայ ժողովրդի ամենամեծ հաղթանակն է:

«Չեմպիոնի կոչումը նվաճելը դժվար է, իսկ չեմպիոնական տիտղոս պաշտպանելը կրկնակի դժվար է», - նշել է Սարգսյանը։

Նրա խոսքերով, հայ մարզիկներն իրենց հրաշալի խաղով և վարպետությամբ կրկին ապացուցեցին, որ Հայաստանը շախմատային գերհզոր տերություն է։

«Այսօր ես հիշում եմ այն խանդավառությունը, որով դուք դիմավորեցիք երկու տարի առաջ Թուրինի շախմատային օլիմպիադայի հաղթողներին։ Հիշում եմ, ինչպես էին իրար խառնվել երկրպագուների ուրախությունն ու արցունքները, երբ հարթակ բարձրացան ոսկե հավաքականի հերոսները: Նրանց թվում էր նաև Կարեն Ասրյանը, ում տեղն այսօր, այս բեմում պետք է լիներ: Եվ այս հաղթանակը նաև Կարեն Ասրյանի հաղթանակն է», - նշել է նախագահը։

Հայ գրոսմայստեր Կարեն Ասրյանը մահացել է հունիսի 9-ին 28 տարեկան հասակում՝ սրտի կաթվածից։ Նա Հայաստանի շախմատի եռակի չեմպիոն էր, Հայաստանի հավաքականի կազմում 2006 թ. Թուրինի Օլիմպիադայի հաղթող:

Նրա խոսքերով, այդ օրը մենք ձեզ խոստացանք նոր հաղթանակներ, և այդ խոստումը լիովին կատարվեց։

«Մենք վկան ենք նոր հաղթանակի, որն ապացուցեց, որ նախկին հաջողությունը օրինաչափ էր, ապացուցեց մեր շախմատի կայացած դպրոցի հիրավի ոսկե հարգը», - ասել է Սարգսյանը։

Նրա խոսքերով, բոլոր օտարերկրյա մեկնաբանները միաբերան ընդգծում էին մեր հավաքականի միասնական, թիմային ոգին։

«Մեր ոսկե հավաքականի անդամներից յուրաքանչյուրը բացառիկ անհատականություն է, բայց բոլորը միասին թիմ են.

մեկ կամք, մեկ նպատակ, մեկ դրոշ։ Դրոշ, որ ծածանվում էր Դրեզդենում ի պատիվ գործող չեմպիոնների և  ծածանվելու է նաև հաջորդ օլիմպիադայում», - ասել է Սարգսյանը։

Նրա խոսքերով, «մենք կարող ենք ու պետք է թիմային հաղթանակներ ունենանք»։

Դիմելով շախմատիստներին՝ նախագահը նշել է, որ նրանք արդեն կատարել են մեծ քայլ և կոտրել են այն կարծրատիպը, թե հայ ժողովուրդը, իբրև թե, սոսկ անհատների ազգ է ու կարողանում է հաղթել միայն անհատապես:

«Դուք անգամ անհատական սպորտում կարողացաք թիմային հաղթանակ տանել: Մենք կրկին միասնական ենք, միասնական մեր հաղթանակով ու մեր ուրախությամբ։ Հաղթանակ ու միասնականություն, սրանք երբևէ չեն կարող արժեզրկվել», - ընդգծել է նախագահը։-0- 

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: