487.29
-0.01
568.08
+2.76
8.23
+0.01
+4
Եղանակը Երևանում
Հայ
Քաղաքական ուժերի հետ ՀՀ նախագահի հանդիպման հիմնական նպատակը հասարակության շրջանում ղարաբաղյան հարցի վերաբերյալ անհանգստության վերացումն էր. նախկին արտգործնախարար
12:42
21 Նոյեմբերի 2008

Հանրապետության քաղաքական ուժերի հետ ՀՀ նախագահ Սերժ Սարգսյանի հանդիպման հիմնական նպատակը ղարաբաղյան խնդրի կարգավորման հարցում հասարակությանը հանգստացնելու և անհանգստությունը վերացնելու ցանկությունն էր, կարծում է ՀՀ նախկին արտգործնախարար Վարդան Օսկանյանը։

Հինշգաբթի Կարեն Դեմիրճյանի անվան Մարզահամերգային համալիրում կայացավ Հայաստանի 50 քաղաքական կուսակցությունների առաջնորդների հետ ՀՀ նախագահ Սերժ Սարգսյանի առաջին հանդիպումը։ Հանդիպման թեման էր ղարաբաղյան հակամարտության կարգավորման ներկա փուլը։

«Կարծում եմ, որ նախագահի հիմնական նպատակը մեր հասարակությունը հանգստացնելն էր, ասել, որ ամեն ինչ կարգին է և անհանգստանալու առիթ չկա, որ Ղարաբաղը ոչ ոք չի հանձնում, և ես կարծում եմ, որ դա պետության ղեկավարի կողմից ճիշտ քայլ էր», - ասել է Օսկանյանը նախօրեին՝ «Շանթ» հեռուսատեսությանը տված հարցազրույցի ժամանակ։

Նա նշել է, որ եթե ավելի վաղ նման հանդիպումներն անցկացվում էին առանձին կուսակցությունների հետ, ապա այս խորհրդակցությանը մասնակցում էին աննախադեպ մեծ քանակությամբ մասնակիցներ, և «այս նախաձեռնությունը կարող է դրական տեղաշարժերի հանգեցնել»։

Նշելով, որ չի կարող մեկնաբանել այդ հանդիպման մանրամասները, քանի որ չի մասնակցել դրան՝ Օսկանյանը կարծիք է հայտնել, որ դեռևս ժամանակը չի եկել բանակցությունների սեղանին գտնվող փաստաթուղթը քաղաքական կուսակցությունների հետ քննարկելու համար, քանի որ այն բավականին շատ այլընթերցումներ է պարունակում։

«Գործադիր իշխանությանը, նախագահին և ԱԳ նախարարին դեռևս շատ բան կա անելու, այդ պատճառով դեռևս շատ վաղ է քննարկման հանել փաստաթուղթը և բացել դրա պարունակությունը քաղաքական ուժերի առջև», - պարզաբանել է նա։

ՀՀ նախկին արտգործնախարարի խոսքերով, քանի որ փաստաթղթի մանրամասները հայտնի չեն, ապա լուրջ անհանգստության առիթ չկա։

«Նախագահն իսկապես ցանկանում է կարգավորել ղարաբաղյան հարցը, նա եղել է պատերազմի մասնակից և լավ է պատկերացնում հնարավորինի սահմանները։ Ինձ չի անհանգստացնում այն փաստը, թե նախագահը կարող է այնպիսի քայլերի գնալ, որոնք կհակասեն ազգային շահերին», - ընդգծել է նա։

Այս առնչությամբ Օսկանյանը նշել է, որ ղարաբաղյան հակամարտության հարցի կարգավորման ցանկություն միշտ եղել է, ուղղակի նախկին ղեկավարության մոտ դա չի ստացվել, «քանի որ մենք չէինք ցանկանում իջեցնել նշաձողը, որը մեզ համար սահմանել էինք, իսկ Ադրբեջանը վերջին տարիների ընթացքում այդ նշաձողի սահմաններում տարբեր սկզբունքների շուրջ որևէ համաձայնության գալու պատրաստակամություն չէր դրսևորում»։

«Այսօր իրավիճակը որոշ չափով փոխվել է։ Ռուս-վրացական հակամարտությունը, նոր աշխարհաքաղաքական իրավիճակը, Ադրբեջանի նախագահի վերընտրումը, այս ամենը, հնարավոր է՝ ավելի շատ հնարավորություն ստեղծի Բաքվի կողմից զիջումների համար՝ Հայաստանի կողմից սահմանված նշաձողին մոտենալու և մեզ հետ որևէ համաձայնության գալու նպատակով», - ասել է նա՝ ավելացնելով, որ չի կարծում, թե ՀՀ նախագահը մտադիր է իջեցնել այդ նշաձողը։

Միաժամանակ Օսկանյանն ասել է, որ չի կարող ոչ մեկին մեղադրել, ճիշտ է համարում, որ մարդիկ անհանգստություն են արտահայտում և այս տեսակետից ճիշտ կլիներ հավաքել բոլորին, պարզաբանումներ ներկայացնել և նման կերպով հանգստացնել և քաղաքական ուժերին, և հասակարությանը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։