485.33
+0.37
572.16
-1.31
8.2
-0.02
+2
Եղանակը Երևանում
Հայ
Մոսկովյան հռչակագիրն ունի բացառիկ դրական նշանակություն ղարաբաղյան հակամարտության կարգավորման հարցում. ՀՀ ազգային անվտանգության խորհրդի քարտուղար
11:48
19 Նոյեմբերի 2008

Մոսկովյան հռչակագիրն ունի բացառիկ դրական և կարևոր քաղաքական նշանակություն ղարաբաղյան հակամարտության կարգավորման հարցում, ասել է ՀՀ ազգային անվտանգության խորհրդի քարտուղար Արթուր Բաղդասարյանը։

Հայաստանի, Ռուսաստանի և Ադրբեջանի նախագահներ Սերժ Սարգսյանը, Դմիտրի Մեդվեդևը և Իլհամ Ալիևը նոյեմբերի 2-ին ստորագրել են հռչակագիր, որտեղ կողմերը պատրաստակամություն են հայտնում նպաստել Հարավային Կովկասում իրավիճակի առողջացմանը և տարածաշրջանում կայունության ու անվտանգության մթնոլորտի հաստատման ապահովմանը՝ Լեռնային Ղարաբաղի հակամարտության քաղաքական կարգավորման ճանապարհով:

«Սա վերջին 14 տարիների ընթացքում առաջին փաստաթուղթն է, որի տակ իրենց ստորագրություններն են դրել Հայաստանի, Ադրբեջանի և Ռուսաստանի նախագահները», - ասել է Բաղդասարյանը նախօրեին Հայաստանի հանրային հեռուստաընկերությանը տված հարցազրույցում։

Բացի այդ, նրա խոսքերով, այս փաստաթուղթը հաստատում է ԵԱՀԿ Մինսկի խմբի ձևաչափի անփոփոխությունը։

«Սա հատկապես կարևոր է, հատկապես այն լույսի ներքո, որ Ադրբեջանը վերջին մի քանի տարվա ընթացքում պարբերաբար փորձում է ղարաբաղյան հարցի կարգավորումը տեղափոխել միջազգայի այլ ատյաններ, այդ թվում նաև ՄԱԿ և Եվրամիություն», - պարզաբանել է նա։

Բաղդասարյանը նաև ասել է, որ հռչակագիրն ամրագրել է ղարաբաղյան հարցի խաղաղ ճանապարհով լուծման քաղաքական անհրաժեշտությունը։

«Վրաց-օսեթական հակամարտությունը ցույց տվեց, որ խնդրի ռազմական լուծումը դատապարված է, և 21-րդ դարում չափազանց կարևոր է լուծել գոյություն ունեցող հակամարտությունները փոխադարձ զիջումների միջոցով, խաղաղ ճանապարհով», - ասել է նա՝ ավելացնելով, որ փաստաթղթի կարևոր առանձնահատկություններից մեկն այն է, որ երեք երկրների առաջնորդներն, ըստ էության, հրաժարվում են թշնամանքի քաղաքականության քարոզչությունից։

Այս առնչությամբ Ազգային անվտանգության խորհրդի քարտուղարն ընդգծել է, որ «խոսք անգամ չի կարող լինել որևէ միակողմանի զիջման մասին, այդ մասին չի խոսել Հայաստանի և ոչ մի բարձրաստիճան ներկայացուցիչ և չարժե հասարակության մեջ լրացուցիչ անհանգստություն տարածել»։

«Ղարաբաղյան հակամարտության կարգավորման հարցի շուրջ Հայաստանում կկազմակերպվեն հասարակական լայն քննարկումներ, քանի որ հայ ժողովուրդը պետք է իր խոսքն ասի այս հարցի մասին», - ասել է Բաղդասարյանը։

Միաժամանակ նա նշել է, որ Լեռնային Ղարաբաղի կարգավիճակը հակամարտության կարգավորման հարցում առուծախի ենթակա չէ ոչ Հայաստանի, ոչ էլ Ղարաբաղի համար։

«Այս համատեքստում ես կարևորում եմ մոսկովյան հռչակագրում միջազգային սկզբունքների ամրագրումը», - ասել է նա՝ պարզաբանելով, որ հենց այդ սկզբունքները վաղը կարող են հիմք դառնալ հակամարտության կարգավորման իրավական փաստաթղթի մշակման համար։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: