478.62
+0.08
550.51
-1.2
8.1
+0.01
+23
Եղանակը Երևանում
Հայ
«Հայաստան» համահայկական հիմնադրամը «Հեռախոսամարաթոն-2008»-ի շրջանակներում նախնական տվյալներով հավաքել է 1,2 եվրո
19:38
18 Նոյեմբերի 2008

«Հայաստան» համահայկական հիմնադրամի Ֆրանսիայի տեղական մարմինը նոյեմբերի 13-16 անցկացված համաեվրոպական հեռախոսամարաթոնի արդյունքում հայտարարել է 1 200 000 եվրո (շուրջ 1,5 միլիոն ԱՄՆ դոլար) նվիրատվության մասին:

Ինչպես «Նովոստի-Արմենիա» գործակալությանը հայտնեցին «Հայաստան» համահայկական հիմնադրամի գործադիր վարչությունից, չնայած միջազգային ֆինանսական ճգնաժամին` այս տարվա ցուցանիշը մոտ 80 000 եվրոյով կամ 10 տոկոսով գերազանցում է նախորդ տարվանը:

Գումարի մեծ մասը` 1 100 000 եվրո, հայտարարվել է Ֆրանսիայի մոտ 13 հազար նվիրատուների կողմից` այդ թվում անհատներ, ընտանիքներ, գործարար կառույցներ և հայկական միություններ:

Շուրջ 65 հազար եվրո է կազմել Գերմանիայից 1 100 նվիրատուների հայտարարած գումարը, իսկ Շվեյցարիայից այս անգամ ստացվել է 25 հազար եվրո նվիրատվության խոստում:

Հեռախոսամարաթոնին մասնակցել են նաև այլ եվոպական երկրներից նվիրատուներ: 

«2008-ի հեռախոսամարաթոնը նշանակալի է ոչ միայն նվիրատուների, այլև ավելի քան 600 կամավորականների ակտիվ մասնակցությամբ, ովքեր միջոցառման ողջ ընթացքում կապ էին ապահովում նվիրատուների հետ 156 հեռախոսներից և համակարգիչներից ֆրանսիայի տարբեր քաղաքներից` այդ թվում Լիոն, Մարսել, Թուլուզ, Նիցցա և Փարիզ»,- ասվում է Հիմնադրամի հաղորդագրության մեջ: 

«Առանձնակի հիշատակման է արժանի հեռախոսամարաթոնի փակման հանդիսավոր արարողությունը, որի ընթացքում «Հայաստան» համահայկական հիմնադրամի Ֆրանսիայի տեղական մարմնի պատվավոր անդամի տիտղոս շնորհվեց Ֆրանսիայում Հայ Առաքելական եկեղեցու հոգևոր առաջնորդ, արքեպիսկոպոս Նորվան Զաքարյանին, ով նաև Հիմնադրամի տեղական մարմնի հիմնադիրներից է»,- նշվում է հաղորդագրության մեջ:

Ամփոփելով համաեվրոպական հեռախոսամարաթոնի արդյունքները՝ Հիմնադրամի Ֆրանսիայի տեղական մարմնի նախագահ Պետրոս Թերզյանը համոզմունք է հայտնել, որ հեռախոսամարաթոնները դրամահավաքի արդյունավետ միջոց են և կատարվում են աշխատանքներ 9 տարիների ձեռք բերված փորձը Հիմնադրամի այլ տեղական մարմինների հետ կիսելու ուղղությամբ:

«Մեր օժանդակությամբ այս տարի առաջին անգամ կազմակերպվում է նաև հեռախոսամարաթոն Նյու-Յորքի հայ համայնքի հետ: Այդ նպատակով Ֆրանսիա է ժամանել Հիմնադրամի ԱՄՆ Արևելյան ափի տեղական մարմնի պատվիրակությունը, և մոտ օրերս կհայտարարվի այս դրամահավաք միջոցառման պաշտոնական արդյունքը նույնպես»,-նշել է նա: 

Առաջիկայում կանցկացվեն հեռախոսամարաթոններ Արգենտինայում, Ավստրալիայում և Հոլանդիայում, ինչպես նաև արդեն ավանդական դարձած ռադիոմարաթոնը Լիբանանում։

«Հիմնադրամը տարբեր միջոցներ և գործիքներ է օգտագործում ամենամյա դրամահավաքը կազմակերպելու համար. թե հեռախոսամարաթոնները, թե ռադիոմարաթոնը, թե դրամահավաք-ճաշկերույթներն և ի վերջո հեռուստամարաթոնը հաջողությամբ է պսակվում հատկապես այն պատճառով, որ մենք մշտապես հավատարիմ ենք մեր առաքելությանը, այն է` համախմբել աշխարհասփյուռ հայությանը հայրենիքի շենացման գերնպատակի շուրջ»,- ասաց Հիմնադրամի գործադիր տնօրենի պաշտոնակատար Արա Վարդանյանը։

Հիշեցնենք, որ բոլոր դրամահավաք միջոցառումները նախորդում են Հիմնադրամի ամենամյա հեռուստամարաթոնին, որը տեղի կունենա նոյեմբերի 27-ին, ինչպես միշտ Լոս Անջելեսում: Հիմնադրամին նվիրաբերված գումարները հիմնականում կուղղվեն Հայաստանի և Արցախի գյուղերի զարգացմանը: --0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: