482.26
+0.64
516.89
-1.62
7.57
+0.02
-3
Եղանակը Երևանում
Հայ
Ռուսաստանի գործողությունները Ղարաբաղյան հակամարտության կարգավորման հարցում դուրս չեն գալիս ԵԱՀԿ ՄԽ գործունեության շրջանակներից
18:30
18 Նոյեմբերի 2008

Ռուսաստանի գործողությունները Ղարաբաղյան հակամարտության կարգավորման հարցում դուրս չեն գալիս ԵԱՀԿ ՄԽ գործունեության շրջանակներից, կարծում է ՀՀ ԱԺ պատգամավոր, Հանրապետական կուսակցության մամուլի քարտուղար Էդուարդ Շարմազանովը։

«Ռուսաստանը երեք միջնորդ կողմերից մեկն է, և նա անում է այն, ինչ պետք է անի»,- երեքշաբթի մամուլի ասուլիսի ժամանակ հայտարարեց Շարմազանովը՝ խոսելով նոյեմբերի 2-ին Մոսկվայի նախաձեռնած Հայաստանի, Ադրբեջանի և Ռուսաստանի ղեկավարների Մայնդորֆում կայացած հանդիպման մասին, որի արդյունքում հռչակագիր է կնքվել Ղարաբաղյան հակամարտության կարգավորման սկզբունքների մասին։   

Շարմազանովի խոսքերով, ռուսական կողմի միջնորդությունը ղարաբաղյան հակամարտությունում իր մեջ ոչ մի անսպասելի բան չի պարունակում, բացի այդ մյուս երկու համանախագահները (ԱՄՆ-ն և Ֆրանսիան) դրական են վերաբերվել Մայնդորֆյան հռչակագրի ստորագրմանը։  

Խորհրդարանականը նշել է, որ հարյուրամյակների ընթացքում Ռուսական կայսրությունը, հետո՝ Խորհրդային Միությունը, հետո՝ Ռուսաստանի Դաշնությունը հստակ աշխարհաքաղաքական շահեր է ունեցել հարավկովկասյան տարածաշրջանում։ «Տվյալ դեպքում Ռուսաստանը պետք է իր ազգային պետական շահերից բխող սեփական քաղաքականությունն իրականացնի»,- ասաց նա։

Շարմազանովը կարծում է, որ թեև մայնդորֆյան հռչակագիրը հակամարտող կողմերի վրա իրավական պարտավորություններ դնող պայմանագիր չէ, այնուամենայնիվ, կարևոր փաստաթուղթ է, քանի որ հռչակում է այն սկզբունքները, որոնց հիման վրա պետք է ընթանա բանակցային գործընթացը։  

Շարմազանովի կարծիքով, հռչակագրում ամենակարևորը հակամարտության քաղաքական կարգավորմանը կարևորություն տալն է՝ որպես հակակշիռ մինչ դրա կնքումը Ադրբեջանի կողմից հնչեցրած ռազմատենչ հայտարարությունների:

Մյուս կողմից նա կարևորեց այն, որ նախագահ Ալիևն իր ստորագրությունն է դրել հռչակագրի տակ։

Տվյալ համատեքստում Շարմազանովն ընդգծեց, որ ի տարբերություն Ադրբեջանի, հայկական կողմը և պետության ներսում, և դրա սահմաններից դուրս միասնական դիրքորոշում ունի։ «Լեռնային Ղարաբաղը չի կարող գտնվել Ադրբեջանի կազմում, Հայաստանի հետ Լեռնային Ղարաբաղը պետք է ընդհանուր ցամաքային սահման ունենա և միջազգային ուժերի միջնորդությամբ պետք է ապահովվի Լեռնային Ղարաբաղի անվտանգությունը հնարավոր ռազմական գործողություններից»,- ասաց Շարմազանովը՝ հղում անելով ՀՀ նախագահի խոսքերին։   

Նրա խոսքերով, մեկ այլ կարևոր պահ է Ղարաբաղյան հակամարտության կարգավորման գործում որպես միջնորդ հանդես եկող ԵԱՀԿ ՄԽ ձևաչափի պահպանումը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

 

Loading...
Թեմատիկ նյութեր
Բաժնի այլ նյութեր
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր: