478.57
+0.37
561.79
+1.96
8.05
+0.02
+23
Եղանակը Երևանում
Հայ
Ղարաբաղյան կարգավորման խնդրով Մոսկվայում համաձայնագիր ստորագրելը միանգամայն նոր ֆենոմեն է. Կազիմիրով
16:28
18 Նոյեմբերի 2008

ԵՐԵՎԱՆ, 18 նոյեմբերի. /Նովոստի-Արմենիա/.  Ղարաբաղյան կարգավորման խնդրով Ռուսաստանի, Հայաստանի և Ադրբեջանի նախագահների կողմից Մոսկվայում համաձայնագիր ստորագրելը միանգամայն նոր երևույթ է, ասաց ԵԱՀԿ ՄԽ նախկին համանախագահ, Ռուս դիվանագետների ասոցիացիայի փոխնախագահ Վլադիմիր Կազիմիրովը։

Հայաստանի, Ռուսաստանի և Ադրբեջանի նախագահներ Սերժ Սարգսյանը, Դմիտրի Մեդվեդևը և Իլհամ Ալիևը նոյեմբերի 2-ին ստորագրել են հռչակագիր, որտեղ կողմերը պատրաստակամություն են հայտնում նպաստել Հարավային Կովկասում իրավիճակի առողջացմանը և տարածաշրջանում կայունության ու անվտանգության մթնոլորտի հաստատման ապահովմանը՝ Լեռնային Ղարաբաղի հակամարտության քաղաքական կարգավորման ճանապարհով:

«Այս երևույթը միանգամայն նոր է Ղարաբաղյան կարգավորման ողջ գործընթացի համար. երեք նախագահները ստորագրել են հենց հակամարտության քաղաքական ու խաղաղ կարգավորմանը, տարածաշրջանում կայունության ամրապնդմանն ուղղված փաստաթուղթ»,- երեքշաբթի ասաց Կազիմիրովը «Նովոստի» միջազգային մամուլի կենտրոնում։

Նա նշեց, որ Ղարաբաղյան կարգավորման ողջ ընթացքում ընդամենը մեկ դեպք է եղել, երբ կողմերը փաստաթուղթ են ստորագրել՝ Թեհրանում 1992 թ.-ի մայիսի 7-ին։  
 
«Սակայն այդ փաստաթուղթը նշանակություն չունեցավ, քանի որ դրանով նախատեսվում էր միայն բանակցել ռազմական գործողությունների դադարի մասին, այնինչ անմիջապես ընկավ Շուշին, Լաչինը, և փաստաթուղթը գործնականորեն արժեզրկվեց»,- ասաց Կազիմիրովը։

Նախկին համանախագահի խոսքերով, կնքված հռչակագրի վերաբերյալ բազմազան արձագանքներ են հնչում՝ ինչպես դրական, այնպես էլ բացասական, որոնք միշտ չէ, որ կշռադատված են, քանի որ Ղարաբաղյան կարգավորման գործընթացի ողջ ընթացքում այսպիսի բարձր մակարդակով կնքված փաստաթղթթեր գրեթե չեն եղել։ 

Միևնույն ժամանակ նա նշեց, որ կողմերի միջև վստահություն հաստատելը հնարավոր է և միանգամայն անհրաժեշտ, թեև տվյալ առումով, նրա խոսքերով, գոյություն ունի տարօրինակ ձևակերպում, «որտեղ վստահության միջոցների իրականացման համար նախապատրաստական պայմանների մասին է հարց դրվում, այն դեպքում, երբ կողմերի իրականացրած վստահության միջոցները պետք է տեղաշարժեր նախապատրաստեն կարգավորման գործընթացում»։

«Փաստաթղթի նշանակությունը ոչ մի կերպ չի կարելի նվազեցնել, ցավոք, վերջին 15 տարում հակամարտության կողմերից մեկի վստահության միջոցների թերագնահատում է տեղի ունեցել»,- ասաց Կազիմիրովը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: