482.89
-0.16
541.32
+2.38
8.54
+0.08
+18
Եղանակը Երևանում
Հայ
Մոսկովյան հռչակագիրը Ռուսաստանի դիվանագիտական հաղթանակն է և հայկական դիվանագիտության միջանկյալ հաջողությունը. պատգամավոր
15:40
17 Նոյեմբերի 2008

ԵՐԵՎԱՆ, 17 նոյեմբերի. /Նովոստի-Արմենիա/.  Մոսկովյան հռչակագիրը Ռուսաստանի Դաշնության դիվանագիտական հաղթանակն է և հայկական դիվանագիտության միջանկյալ հաջողությունը, երկուշաբթի հայտարարեց   գիտության, կրթության, մշակույթի, երիտասարդության և սպորտի հարցերի  խորհրդարանական  մշտական հանձնաժողովի նախագահ Արմեն Աշոտյանը։

Հայաստանի, Ռուսաստանի և Ադրբեջանի նախագահներ Սերժ Սարգսյանի, Դմիտրի Մեդվեդևի և Իլհամ Ալիևի կիրակնօրյա հանդիպումից հետո երեք երկրների առաջնորդները ստորագրել են հռչակագիր, որտեղ կողմերը պատրաստակամություն են հայտնում նպաստել Հարավային Կովկասում իրավիճակի առողջացմանը և տարածաշրջանում կայունության ու անվտանգության մթնոլորտի հաստատման ապահովմանը՝ Լեռնային Ղարաբաղի հակամարտության քաղաքական կարգավորման ճանապարհով:

«Դիվանագիտության վերջնական հաղթանակը ձեռք կբերվի այն ժամանակ, երբ Լեռնային Ղարաբաղի ինքնորոշված պետությունը կլուծի նաև միջազգային լեգիտիմության խնդիրը»,- ասաց Աշոտյանը Երևանում Մոսկվայի տանն անցկացվող «Անդրկովկաս. նոր իրականություններ, հեռանկարներ, չափումներ» կոնֆերանսի ընթացքում։

Ըստ նրա, հռչակագիրը լավ հիմք է տալիս 15 տարիների ընթացքում կուտակած դիվանագիտական ներուժը չկորցնելու և ապագային չափավոր լավատեսությամբ նայելու համար։

«Չափավոր լավատեսությամբ, քանի որ անկայուն քաղաքական և ռազմական իրավիճակի պայմաններում չի կարելի համոզված լինել, որ այդ ստորագրությունները կունենան ոչ միայն բարոյական, այլև իրավաբանական հատևանքներ»,- պարզաբանեց նա։

Աշոտյանը նշեց, որ Հայաստանի և Ադրբեջանի դիրքորոշումներն այդ հարցում այնքան հեռու են իրարից, որ երկար ժամանակ որևէ փաստաթղթի ստորագրումը գործնականորեն անհնար էր թվում, վերաբերում էր քաղաքական ֆանտաստիկայի բնագավառին, առավել ևս, որ փաստաթղթի պատրաստման ընթացքը բավականին շղարշված էր, և մինչ Մոսկվայի բուն հանդիպումը չկար գործնականորեն ոչ մի տեղեկություն։

«Հռչակագիրն ինքնին ոչ թե հասարակական-քաղաքական քննարկումների առարկա դարձավ, այլ դրանց ելակետը, հենց դրանով է բացատրվում տեքստի նկատմամբ հասարակական և քաղաքական հետաքրքրության բռնկումը»,- ասաց նա։

Պատգամավորը հույս հայտնեց, որ լուրջ քաղաքական գործիչների կողմից վավերացված տվյալ փաստաթուղթը, չնայած իր ողջ դեկլարատիվ ձևին, որոշակի հետևանքներ կունենա իրական քաղաքականությունում։

«Այդ փաստաթղթում ֆիքսված են հայկական կոմի համար երեք կարևոր մոտեցումներից երկուսը՝ ԵԱՀԿ Մինսկի խմբի ձևաչափը և հակամարտության խաղաղ կարգավորումը»,- ասաց նա։

Աշոտյանի խոսքերով, երրորդ մոտեցումը, որ պնդում է հայկական կողմը՝ Լեռնային Ղարաբաղի ժողովրդի ինքնորոշման իրավունքը, շղարշված է «միջազգային իրավունք» ձևակերպումով։

«Այսպիսով, փաստորեն, կարելի է ասել, որ 80-85 տոկոսով այդ փաստաթուղթն արտահայտում է Հայաստանի գործող վերնախավի և հասարակության քաղաքական տրամադրվածությունը»,- ընդգծեց նա։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո, հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ. մարդ և մոտ  մեկ միլիոնը ստիպված եղավ լքել բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-  

Loading...
Թեմատիկ նյութեր
Բաժնի այլ նյութեր
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ: