486.78
+0.12
515.5
+2.27
8.41
+0.01
+2
Եղանակը Երևանում
Հայ
Ղարաբաղը դուրս չի մնա բանակցային գործընթացից. ՀՀ ԱԺ պատգամավոր
16:10
14 Նոյեմբերի 2008

Ղարաբաղը դուրս չի մնա խնդրի կարգավորման հետագա բանակցային գործընթացից, կարծում է ՀՀ Հանրապետական կուսակցությունից խորհրդարանի պատգամավոր Գագիկ Մելիքյանը։

«Երբ բանը հասնի նրան, որ Ղարանաղի մասնակցությունն անհրաժեշտ լինի վերջնական փաստաթղթի ստորագրման համար, ապա դա միանշանակ տեղի կունենա»,- ուրբաթ նա ասաց լրագրողներին։

Մելիքյանն ընդգծեց, որ ՀՀ նախագահը բազմիցս ասել է, որ Ղարաբաղի վերաբերյալ ոչ մի որոշում առանց այդ երկրի ժողովրդի մասնակցության չի ընդունվի, և որ Հայաստանի համար ամենակարևոր կետերից են Լեռնային Ղարաբաղի անվտանգության ապահովումը, Ղարաբաղի ժողովրդի ինքնորոշման ճանաչումը և Հայաստանի հետ ցամաքային սահմանի առկայությունը։

«Երբ բոլոր այդ կետերը կյանքի կոչվեն, մենք, իհարկե, կհամաձայնենք համաձայնագիր կնքել, սակայն եթե այդ կետերից թեկուզ մեկը չիրականցվի, ողջ հայ ժողովուրդը դեմ կլինի ցանկացած փաստաթղթի ստորագրմանը»,- ընդգծեց Մելիքյանը։

Անդրադառնալով եռակողմ հռչակագրին՝ ստորագրված նոյեմբերի 2-ին Մոսկվայում Հայաստանի, Ադրբեջանի և Ռուսաստանի ղեկավարների կողմից, պատգամավորը նշեց, որ դրա կարևորագույն կետերից մեկը ղարաբաղի խնդրի ռազմական ճանապարհով լուծման անընդունելիությունն է։

Հայաստանի, Ռուսաստանի և Ադրբեջանի նախագահներ Սերժ Սարգսյանի, Դմիտրի Մեդվեդևի և Իլհամ Ալիևի կիրակնօրյա հանդիպումից հետո երեք երկրների առաջնորդները ստորագրել են հռչակագիր, որտեղ կողմերը պատրաստակամություն են հայտնում նպաստել Հարավային Կովկասում իրավիճակի առողջացմանը և տարածաշրջանում կայունության ու անվտանգության մթնոլորտի հաստատման ապահովմանը՝ Լեռնային Ղարաբաղի հակամարտության քաղաքական կարգավորման ճանապարհով:

«Այս փաստաթուղթը հակամարտության կողմերից երկուսին էլ դրական լիցքեր է տալիս»,- կարծում է Մելիքյանը։

Իր հերթին «Ժառանգություն» ընդդիմադիր խմբակցության պատգամավոր Վարդան Խաչատրյանը կարծում է, որ մոսկովյան հռչակագիրը մտահոգության տեղիք է տալիս, մասնավորապես, այն պատճառով, որ ադրբեջանական կողմը որպես իր դիվանագիտական հաղթանակ մատնանշում է բանակցային գործընթացից Ղարաբաղի վերջնական բացառումը։

Խաչատրյանը նաև կարծում է, որ Մադրիդյան սկզբունքները, որոնց շրջանակներում, հռչակագրի համաձայն, պետք է շարունակվի կարգավորման գործընթացը, այնպիսի կետեր է ներառում, որոնք վկայում են լուրջ անհամաչափության մասին։    

«Խոսքն, առաջին հերթին, փախստականների վերադարձի մասին է իրենց նախկին բնակավայրեր, ընդ որում խոսվում է միայն ադրբեջանական ազգության պատկանող անձանց մասին, որոնք ժամանակավոր տեղահանված անձինք են և, միջազգային իրավունքի միևնույն նորմերով, չպետք է հանդես գան փախստականի  կարգավիճակում»,- պարզաբանեց նա։

Միևնույն ժամանակ, Խաչատրյանի խոսքերով, հայկական կողմի նմանատիպ խնդիրը չի դիտարկվում որպես կարգավորման գործընթացի անքակտելի բաղկացուցիչ։ 

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո, հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ. մարդ և մոտ  մեկ միլիոնը ստիպված եղավ լքել բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-  

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։