484.68
+0.06
530.14
+2.1
8.5
-0.03
+16
Եղանակը Երևանում
Հայ
Նոյեմբերի 15-ից դեկտեմբերի 15-ը Հայաստանում Հաշմանդամների իրավունքների պաշտպանության միամսյակ կանցկացվի
14:17
14 Նոյեմբերի 2008

ԵՐԵՎԱՆ, 14 նոյեմբերի. /Նովոստի-Արմենիա/. Նոյեմբերի 15-ից դեկտեմբերի 15-ը Հայաստանում կանցկացվի հաշմանդամների իրավունքների պաշտպանության ավանդական դարձած միամսյակը, հայտարարեց ՀՀ աշխատանքի և սոցիալական հարցերի նախարարության Հաշմանդամների և տարեցների խնդիրների վարչության պետ Ջեմա Բաղդասարյանը։

«Արդեն երեք տարի շարունակ Հայաստանում հայտարարվում է հաշմանդամների իրավունքների միամսյակ։ Այս տարի միջացառումը տարբերվում է նրանով, որ դրան մասնակցում են ոչ միայն նախարարությունը և հասարակական կազմակերպությունները, այլ նաև Ազգային հանձնաժողովը, որը նույնպես զբաղվում է հաշմանդամների խնդիրներով»,- ուրբաթ «Նովոստի» միջազգային մամուլի ակումբում լրագրողներին հայտնեց Բաղդասարյանը։

Հաշմանդամների խնդիրներով զբաղվող Ազգային հանձնաժողովը ստեղծվել է 2008թ. փետրվարին ՀՀ վարչապետ Տիգրան Սարգսյանի հրամանագրով։

«Միամսյակի անցկացման հիմնական նպատակը հասարակության մեջ հաշմանդամների խնդիրներին վերաբերող իրազեկվածության մակարդակի բարձրացումն է»,- ասաց Բաղդասարյանը։

Վարչության պետը հայտնեց, որ միամսյակի շրջանակներում նախատեսված է մի շարք միջոցառումների անցկացում։

Այսպես, հասարակությունում իրազեկվածության մակարդակի բարձրացման համար կկազմակերպվեն քննարկումներ, կլոր սեղաններ այդ թեմայով, ինչպես նաև ֆիլմերի ցուցադրումներ հայկական հեռուստաալիքներով։

Բացի այդ, միջոցառումների շրջանակներում կանցկացվի ցուցահանդես, որին կմասնակցեն հաշմանդամների խնդիրներով զբազվող բոլոր հասարակական կազմակերպություններն ու Աշխատանքի և սոցիալական հարցերի նախարարությունը։

«Ցուցահանդեսի ընթացքում մենք կփորձենք հասարակությանը ներկայացնել մեր ձեռքբերումները, ինչպես նաև հետագա քայլերն այդ ոլորտում»,- ավելացրեց նա։

Այդ համատեքստում Բաղդասարյանը հավելեց, որ 2009թ.-ին կընդունվի հաշմանդամների խնդիրներին վերաբերող նոր օրենք։

Նա նշեց, որ 2008թ.-ին կվավերացվի Հաշմանդամների իրավունքների պաշտպանության ՄԱԿ-ի Կոնվենցիան, որը Հայաստանը ստորագրեց 2007թ.-ին։

«Հաշմանդամների մի շարք խնդիրների լուծման մեջ մենք կարող ենք հաջողության հասնել շնորհիվ հասարակական կազմակերպությունների հետ համատեղ աշխատանքի, սակայն, այդ հարցերում մեծ դեր է խաղում ինքը հասարակությունը»,- հավելեց նա։

Միաժամանակ վարչության պետը ժողովրդին կոչ արեց մեծ ուշադրություն դարձնել հաշմանդամների խնդիրներին։

Նա նշեց, որ նոյեմբեր-դեկտեմբեր ամիսների ընթացքում միամսյակի անցկացումը պատահական չէ ընտրված, քանի որ դեկտեմբերի 3-ը համարվում է Հաշմանդամների իրավունքների պաշտպանության միջազգային օր։

Միամսյակի շրջանակներում կամփոփվեն նաև Երևանում անցկացվող «Մատչելի համայնք» մրցույթի արդյունքները։

Միամսյակի կազմակերպիչն է ՀՀ աշխատանքի և սոցիալական հարցերի նախարարությունը՝ Հաշմանդամների իրավունքների պաշտպանության ազգային հանձնաժողովի աջակցությամբ։ Հանձնաժողովում ընդգրկված են մի շարք հասարակական կազմակերպություններ, այդ թվում՝ «Հույսի կամուրջ», «Ունիսոն», «Փարոս» ՀԿ-ները։ -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: