486.71
+0.01
512.94
-2.23
8.38
-0.02
-1
Եղանակը Երևանում
Հայ
Եվրամիությունը դեկտեմբերին խորհրդատուների խումբ կուղարկի Հայաստան
19:42
13 Նոյեմբերի 2008

ԵՐԵՎԱՆ, 13 նոյեմբերի. /Նովոստի-Արմենիա/. Եվրամիությունը դեկտեմբերին խորհրդատուների խումբ կուղարկի Հայաստան, ասաց նախագահ Սերժ Սարգսյանը աշխատանքային խորհրդակցության ժամանակ, որին մասնակցել են  ՀՀ Ազգային անվտանգության խորհրդի անդամները, կառավարության անդամներ, շահագրգիռ տարբեր գերատեսչությունների  ղեկավարներ: 

Ինչպես «Նովոստի-Արմենիա» գործակալությնաը հայտնեցին ՀՀ նախագահի մամուլի ծառայությունից, նախագահը ամփոփելով Բրյուսել կատարած այցի մանրամասները, հայտնել է, որ խորհրդատուների խումբ Հայաստան ուղարկելու պայմանավորվածությունը ձեռք է բերվել ԵՄ Առեւտրի հանձնակատար Պիտեր Մենդելսոնի հետ:

«Նրանք հայ պաշտոնյաների հետ կմշակեն գործողությունների հստակ ժամանակացույց»,- ասաց նախագահը:

Հանրապետության նախագահը ներկայացրել է Բրյուսել կատարած այցի մանրամասները և առաջադրել է Եվրամիության հետ փոխգործակցության հետագա զարգացման հետ կապված որոշակի խնդիրներ:

Սերժ Սարգսյանը նշել է, որ բրյուսելյան այցի ծրագիրը բավականին հագեցված էր. երեք օրվա ընթացքում կայացել են քսանից ավելի հանդիպումներ` Եվրամիության գրեթե ողջ նախագահության հետ, և մի քանի հարցազրույցներ` եվրոպական առաջատար լրատվամիջոցներին:

Բանակցություններից երկրի ղեկավարի առաջին տպավորությունն այն է, որ  Եվրամիության կառույցները, նրանց ներկայացուցիչներն ակնհայտորեն գոհ են Հայաստանի հետ  հարաբերությունների մակարդակից և կատարված աշխատանքից, և երկրորդը` կա կամեցողություն` շարունակել ու խորացնել հարաբերություններն, ավելի համարձակ ծրագրեր իրականացնել:

Նախագահն ասել է, որ հանդիպումների ընթացքում, բնականաբար, խոսվել է նաև ընդհանուր քաղաքական հարցերի, հայ-թուրքական հարաբերությունների, Լեռնային Ղարաբաղի հիմնախնդրի կարգավորման վերաբերյալ, սակայն քննարկումների հիմնական թեման եղել է  Հայաստան- ԵՄ գործողությունների ծրագիրը, և այն կոնկրետ խնդիրները, որոնք Հայաստանն  առաջարկում է եվրոպական կառույցներին լուծել` երկկողմ հարաբերությունները խորացնելու ճանապարհին:

Ընդգծելով  Եվրոպային ավելի մերձենալու մեր երկրի ցանկությունը, Սերժ Սարգսյանն ասել է, որ «հայկական կողմն որպես առաջին քայլեր, այս փուլում առաջարկում է, որպեսզի  դյուրացվեն մեր քաղաքացիների շփումներն արտոնագրային ավելի մեղմ ռեժիմ սահմանելու միջոցով, որպեսզի ստեղծվեն առևտուր անելու համար հավասար պայմաններ, այսինքն` մեր տնտեսությունը ճանաչվի որպես շուկայական տնտեսություն և ստորագրվի ազատ առևտրի պայմանագիր:

Ըստ նախագահի, պայմանավորվածություն է ձեռք բերվել` արտոնագրային ռեժիմի դյուրացման և մեր երկրում դատաիրավական բարեփոխումների հետ կապված Եվրամիության արդարադատության, ազատության կոմիտեի հետ միասին ենթահանձնաժողով ստեղծելու մասին և մոտ ժամանակներս այն կձևավորվի:

Շեշտելով, որ կա երկուստեք պատրաստակամություն` ավելի խորացնել  հարաբերությունները, նախագահն ասել է.  «Մենք այս աշխատանքներին պետք է վերաբերենք ոչ թե որպես մի ծրագիր, որով պարտավորություններ ենք ստանձնել, այլ` որպես աշխատանք, որը հնարավորություն է տալիս շարունակել բարեփոխումները մեր երկրում, և, իրոք, բարեփոխումներ իրականացնելու մի գործիք է»:

Նախագահի կարծիքով, գործողությունների նոր ծրագիրն, ամենայն հավանականությամբ, կլինի Եվրամիության Արևելյան քաղաքականության շրջանակում և կունենա երկու առանձնահատկություն. առաջինն` ավելի ակնհայտ ու  ցայտուն կլինի տարածաշրջանային համագործակցության բաղադրիչը, և երկրորդը` հարևանության մասնակիցների համար կնախատեսվեն փոխգործակցության տարբեր չափեր ու խորություններ` կախված նրանից, թե երկիրն ինչքանով է դրան պատրաստ:

Երկրի ղեկավարը պահանջել է ամենայն աչալրջությամբ մոտենալ նոր ծրագրի ձևավորմանը, և նախարարներին ու շահագրգիռ գերատեսչությունների ղեկավարներին հանձնարարել է` անձնական հսկողություն սահմանել իրենց ոլորտներին առնչվող աշխատանքների նկատմամբ:

Խորհրդակցության ընթացքում արտաքին գործերի նախարար Էդվարդ Նալբանդյանը ներկայացնել է գործողությունների ծրագրի ընթացքը, տարբեր ուղղություններով 2008 թվականին կատարված աշխատանքը` նշելով, որ դրանք 2007-ին սկսած գործողությունների շարունակությունն են:  Նախարարն ասել է, որ 2008 թվականին կատարածի վերաբերյալ հաշվետվություն Հայաստանը կներկայացնի դեկտեմբերին 9-ին Բրյուսելում կայանալիք Եվրամիության Նախարարների խորհրդի նիստի ժամանակ:

Անվտանգության խորհրդի քարտուղար Արթուր Բաղդասարյանն անդրադարձել է եվրոպական կառույցների հետ համագործակցության միջգերատեսչական հանձնաժողովի գործունեությանը և նշել, որ շահագրգիռ բոլոր նախարարությունների և գերատեսչությունների առաջարկությունների հիման վրա ձևավորվել է գործողությունների նոր, բավականին հավակնոտ փաթեթ, որը քննարկումների և հետագա համագործակցության համար լավ հիմք կարող է ծառայել:-0-

Loading...
Թեմատիկ նյութեր
Բաժնի այլ նյութեր
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։