482.36
-0.38
568.99
-1.66
8.19
-0.05
0
Եղանակը Երևանում
Հայ
ՀՀ կրթության և գիտության նախարարը մասնակցել է «Հիշողության ուսուցում. հանուն ազատությունների և օրենքի իշխանության Եվրոպայում» խորագրով գագաթնաժողովին
11:31
11 Նոյեմբերի 2008

ՀՀ կրթության և գիտության նախարար Սպարտակ Սեյրանյանը մասնակցել է Եվրոպայի երկրների կրթության նախարարների գագաթնաժողովին, որն անցկացվել է նոյեմբերի 5-7-ը Գերմանիայի Նյուրնբերգ քաղաքում՝ «Հիշողության ուսուցում. հանուն ազատությունների և օրենքի իշխանության Եվրոպայում» խորագրի ներքո, «Նովոստի-Արմենիա» գործակալությանը տեղեկացրեցին ՀՀ կրթության և գիտության նախարարության մամուլի ծառայությունից։

Նյուրնբերգի գագաթնաժողովի բացման արարողությանն ընթերցվել է Եվրախորհրդի գլխավոր քարտուղար Թերի Դևիսի ուղերձը։ Գագաթնաժողովում քննարկվել են Հոլոքոստի իրականացման պատճառները, ընդգծվել է կրթության դերը մարդկության դեմ ոճիրների կանխարգելման գործում, ինչպես նաև առաջարկվել են ուսուցման մեթոդներ, որոնք կնպաստեն հիշողության պահպանմանն ու սերունդներին փոխանցմանը։

Նախարարների հանդիպման ընթացքում ելույթ են ունեցել Եվրախորհրդի կրթության տնօրեն ԳաբրիելՄացցան, Եվրախորհրդի քարտուղարության պատասխանատուներ, Եվրախորհրդի անդամ երկրների պատվիրակությունների ղեկավարներ, միջազգային փորձագետներ, Գերմանիայի իշխանության ներկայացուցիչներ և Հոլոքոստը վերապրածներ:

Նկատի ունենալով ծրագրի կարևորությունը Հայաստանի համար, ինչպես նաև ընձեռված հնարավորությունն արծարծելու Հայող Ցեղասպանությանը առնչվող հարցերը` ՀՀ կրթության և գիտության նախարարությունը Եվրախորհրդին նախապես տրամադրել էր ծրագրային առաջարկությունների փաթեթ, որում, մասնավորապես, առաջարկվել է 2009թ. աշնանը Հայաստանում կազմակերպել Եվրոպայի կրթության նախարարների գագաթնաժողով` «Հիշողության ուսուցում. հիշողության իրավունքը և պարտականությունը» թեմայով:

Նյուրնբերգի գագաթնաժողովին ելույթ ունենալիս՝ Սեյրանյանը, մասնավորապես, նշել է, որ Հայաստանի կրթության և գիտության նախարարությունն  իր ռազմավարական ուղղություններում կարևոր տեղ է հատկացնում մարդու իրավունքների, ժողովրդավարական, քաղաքացիական կրթությանը և բազմատեսանկյուն մոտեցմամբ պատմության դասավանդմանն ու խաղաղության ամրապնդմանն ուղղված ուսումնասիրություններին:

Իր ելույթում նախարարը կարևորել է հիշողության իրավունքն ու պատասխանատվությունը` որպես մարդու իրավունքների մաս և շեշտել, որ «մեր օրերում արձանագրված հաջողություններին զուգընթաց տեղ են գտնում այնպիսի երևույթներ, ինչպիսիք են Հոլոքոստի, ցեղասպանությունների, էթնիկ զտումների և մարդկության դեմ իրականացված այլ ոճիրների մոռացումը կամ մերժումը»:

Խոսելով մարդկության դեմ իրականացված ոճիրների կանխարգելման գործում կրթության դերի մասին՝ Սեյրանյանն ասել է, որ իբրև մեծագույն ողբերգություն` ցեղասպանություն ապրած ժողովուրդ, հայերս ավելի քան գիտակցում ենք, որ կրթության առաքելությունն է կանխարգելել պատմական փաստերի մերժումը և մարդու իրավունքների և Եվրախորհրդի հիմնարար արժեքների ոտնահարումը:

Նախարարը պաշտոնապես վերահաստատել է «Հիշողության ուսուցում. մարդկության դեմ իրականացված ոճիրների կանխարգելում» Եվրախորհրդի ծրագրի շրջանակներում, Եվրոպայի կրթության նախարարների հաջորդ գագաթնաժողովը Հայաստանում անցկացնելու հրավերը: Եվրոպայի կրթության նախարարների հաջորդ գագաթնաժողովի թեմա է առաջարկվել «Հիշողության իրավունքն ու պատասխանատվությունը»։

Եվրախորհրդի ծրագրերի շրջանակում անցկացվող գագաթնաժողովին մասնակցում էին պատվիրակություններ Եվրոպայի 49 երկրից:

«Հիշողության դասավանդում. կրթություն մարդկության դեմ ոճիրների կանխարգելման նպատակով» ծրագիրը ներառում է Եվրոպայի կրթության նախարարների ամենամյա գագաթնաժողովներ ԵԽ անդամ երկրներում: Ծրագրի գերնպատակն է Եվրոպայում խաղաղ համակեցության,  հանդուրժողականության և ազգերի փոխըմբռնման մթնոլորտի ստեղծումը` հիմնվելով Եվրախորհրդի հիմնարար արժեքների վրա։

Կրթության ոլորտում ծրագրի նպատակներն են՝ օժանդակել աշակերտներին հանրակրթական դպրոցներում` յուրացնելու մարդկության դեմ իրականացված ոճիրների պատճառներն ու հետևանքները, բարձրացնել 20-րդ դարի բոլոր ցեղասպանությունների և մարդկության դեմ իրականացված ոճիրների մասին տեղեկացվածությունը, դպրոցում ուսուցանել մարդկության դեմ իրականացված ոճիրների կանխարգելման կարևորությանն առնչվող առարկաներ և անցկացնել արտադպրոցական միջոցառումներ:-0- 

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։