478.76
-0.07
556.89
-1.04
7.99
+0.01
+29
Եղանակը Երևանում
Հայ
Ավելի քան 30 մլն դոլար է նվիրաբերվել «Հայաստան» հիմնադրամի հեռուստամարաթոնի կապակցությամբ Երևանում կազմակերպված դրամահավաք-ճաշկերույթի ժամանակ
13:46
04 Նոյեմբերի 2008

Ավելի քան 30 մլն ԱՄՆ դոլարի նվիրատվության խոստում է արվել Երևանում կազմակերպված դրամահավաք-ճաշկերույթի ժամանակ, որը նվիրված էր «Հայաստան» համահայկական հիմնադրամի կայանալիք հեռուստամարաթոնին, «Նովոստի-Արմենիա» գործակալությանը տեղեկացրեցին հիմնադրամի մամուլի ծառայությունից։

ՀՀ նախագահ, հիմնադրամի հոգաբարձուների խորհրդի նախագահ Սերժ Սարգսյանի կողմից կազմակերպված միջոցառումը տեղի է ունեցել անցյալ շաբաթ օրը՝ Հայաստանի և ԼՂՀ նախագահներ Սերժ Սարգսյանի և Բակո Սահակյանի, Ամենայն Հայոց կաթողիկոս Գարեգին II-ի, ՀՀ վարչապետ Տիգրան Սարգսյանի, ՀՀ ԱԺ խոսնակ Հովիկ Աբրահամյանի, Կենտրոնական բանկի նախագահ Արթուր Ջավադյանի, նախարարների և Հայաստանի արդյունաբերողների և գործարարների միության նախագահի մասնակցությամբ։

«Հիմնադրամի 16-ամյա պատմության մեջ առաջին անգամ ամենամյա դրամահավաքը նշանավորվեց Հայաստանի և Ռուսաստանի շուրջ 120 գործարար հայերի կամքի և ներուժի այս ամենավառ դրսևորմամբ», - նշվում են մամուլի ծառայությունից։

Տեղեկատվության մեջ ասվում է, որ հանգանակված գումարները կուղղվեն Հայաստանի և Արցախի գյուղական համայնքների զարգացման հրատապ խնդիրների լուծմանը, ինչպես նաև նպատակային բարեգործական ծրագրերի իրականացմանը:  

Խոշոր նվիրատուների թվում են Սամվել Կարապետյանը, Սերգեյ Համբարձումյանը, Գագիկ Ծառուկյանը, Սեյրան Կարապետյանը, Գենադի Ստեփանյանը, Աշոտ Խաչատուրյանը, Միխայիլ Բաղդասարովը, Սամվել Ալեքսանյանը, Բարսեղ Բեգլարյանը, Տիգրան Արզաքանցյանը, Զանգեզուրի պղնձա-մոլիբդենային կոմբինատը, «Միքայել Վարդանյան» հիմնադրամը, «Էդուարդո Էռնեկյան» խումբը, Հայռուսգազարդը, Ղարաբաղ Տելեկոմը:

Դրամահավաք-ճաշկերույթը սկսվել է Վեհափառ Հայրապետի օրհնությամբ, որին հաջորդել է ՀՀ նախագահի ողջույնի խոսքը։

««Հայաստան» համահայկական հիմնադրամի կարևոր առաքելությունը հայտնի է բոլորին: Հայտնի են նաև մինչև հիմա կատարված հսկայածավալ աշխատանքները: Ամենամյա դրամահավաքը հրաշալի առիթ է մեր ժողովրդի բոլոր հատվածների, բոլոր խավերի ու տարիքային խմբերի համար` իրենց մասնակցությունը բերելու հայրենիքի շենացման շնորհակալ գործին», - ասել է ՀՀ նախագահը։

Նրա խոսքերով, սա առիթ է ամեն մի հայ անհատի համար իրեն զգալու ամբողջի մասնիկ, զգալու, որ ազգային միասնությունը վերացական ու վերամբարձ հասկացություն չէ, այլ իրական և հզոր ուժ է, որ կարող է սարեր շարժել:

«Սա առիթ է թե հայրենաբնակ և թե սփյուռքահայ յուրաքանչյուր ընտանիքի համար համազգային խնդիրների լուծման մաս կազմելու: Սա վերջապես գեղեցիկ առիթ և հնարավորություն է հայ գործարարների և բարերարների համար` լինելու հայրենաշեն ձեռնարկումների մասնակիցն ու հովանավորը։ Ես կոչ եմ անում բոլորին՝ ակտիվորեն մասնակցել դրամահավաքին, լինել շռայլ, հավատարիմ մնալ հայ բարերարների և մեծահարուստների նվիրական ավանդույթներին. ավանդույթներ, որոնց շնորհիվ պահվել են մշակույթ ու կրթություն, եկեղեցի ու մանկատուն, մեծ հաշվով պահվել են երկիր ու ժողովուրդ` նույնիսկ պետականության բացակայության պայմաններում», - ասել է ՀՀ նախագահը։

«Հայաստան» համահայկական հիմնադրամի հեռուստամարաթոնը կհեռարձակվի նոյեմբերի 27-ին Լոս Անջելեսից: Հեռուստամարաթոնի գլխավոր հովանավորն է Վիվասել-ՄՏՍ ընկերությունը, հովանավորներն են Արդշինինվեստբանկը, ԱԿԲԱ-ԿՐԵԴԻՏ ԱԳՐԻԿՈԼ բանկը և «Հայփոստ» ՓԲԸ-ն:-0-    

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: