482.74
-0.81
570.65
+2.43
8.24
+0.06
-2
Եղանակը Երևանում
Հայ
Եվրոպայի Խորհուրդը կշարունակի փոխգործակցել Հայաստանի գլխավոր դատախազության հետ
11:05
31 Հոկտեմբերի 2008

Հայաստանի գլխավոր դատախազության և Եվրոպայի Խորհրդի միջև փոխգործակցությունը մի շարք ծրագրերի շուրջ շարունակվելու է, նախօրեին ՀՀ գլխավոր դատախազ Աղվան Հովսեփյանի հետ տեղի ունեցած հանդիպման ժամանակ ասել է Եվրոպայի խորհրդի գլխավոր քարտուղարի հատուկ ներկայացուցիչ Սիլվիա Զեհեն:

Ինչպես «Նովոստի-Արմենիա» գործակալությանը տեղեկացրեցին ՀՀ գլխավոր դատախազության մամուլի ծառայությունից, Զեհեն նշել է, որ Եվրախորհրդի համար ՀՀ դատախազությունը համարվում  է համագործակցության հիմնական գործընկերներից մեկը։

Հանդիպման ընթացքում Հովսեփյանը հույս է հայտնել, որ Զեհեի պաշտոնավարման ժամանակ կշարունակվեն նախկինում ձևավորված համագործակցության  լավ ավանդույթները։ Գլխավոր դատախազը նախանշել է նաև համագործակցությունը զարգացնելու նոր ուղղությունները։

Կողմերը քննարկել են դատաիրավական բարեփոխումներին, Եվրախորհրդի խորհրդարանական վեհաժողովի Մոնիտորինգի հանձնաժողովի թիվ 1609 և 1620 բանաձևերի կատարման ընթացքին, դատախազություն-ԱԺ ժամանակավոր հանձնաժողով-փաստահավաք խումբ համագործակցությանը վերաբերող հարցեր:

Մարտի դեպքերի ուսումնասիրության ԱԺ ժամանակավոր հանձնաժողովը ստեղծվել է 2008 թվականի հունիսի 16-ին, Հայաստանում ժողովրդավարական ինստիտուտների վիճակի մասին ԵԽԽՎ 1609 բանաձևի պահանջների շրջանակներում։ Բանաձևն ընդունվել է ապրիլին մարտի 1-ին՝ ընդդիմության կողմից անցկացված հանրահավաքից հետո տեղի ունեցած զանգվածային անկարգությունների և բարդ քաղաքական իրավիճակի կապակցությամբ։

ՀՀ նախագահ Սերժ Սարգսյանը հոկտեմբերի 23-ին հրամանագիր է ստորագրել մարտի 1-2 դեպքերի փաստահավաք գործունեություն իրականացնելու համար փորձագետների խմբի ստեղծման և դրա գործունեության կազմակերպման մասին։ Խումբը բաղկացած կլինի հինգ անդամից: Դրա կազմում ընդգրկված կլինեն երկու մարդ իշխող քաղաքական կոալիցիայից, մեկական՝ «Ժառանգություն» կուսակցությունից և Լևոն Տեր-Պետրոսյանի կողմից ղեկավարվող քաղաքական ուժից և մեկ անդամ Մարդու իրավունքների պաշտպանի կողմից: 

ՀՀ գլխավոր դատախազն ընդհանուր գծերով ներկայացրել է Երևանում զանգվածային անկարգությունների կապակցությամբ հարուցված քրեական գործի նախաքննության ընթացքը և բարձր է գնահատել փաստահավաք խմբի կազմավորումը:

«Փաստահավաք խմբի գործունեությունը ձեռնտու է նախևառաջ դատախազությանը», -  վստահեցրել է Հովսեփյանը՝ նշելով, որ դատախազությունը միմիայն շնորհակալ կլինի, եթե փաստահավաք խմբին հաջողվի ձեռք բերել նոր փաստեր, որոնք կնպաստեն գրանցված մահվան 10 դեպքերի, շուրջ 250 անձանց մարմնական վնասվածքներ ստանալու հանգամանքների պարզաբանմանն ու մեղավորների բացահայտմանը, ոստիկանների գործողությունների օրինականությանն ու համաչափությանը գնահատական տալուն, տեղի ունեցած անկարգությունների բոլոր մասնակիցների՝ կատարողների, դրդողների, օժանդակողների և կազմակերպիչների հայտնաբերմանը:

Հովսեփյանը տեղեկացրել է, որ նախաքննության 6 ամիսների ընթացքում դատարան է ուղարկվել 89 քրեական գործ՝ 104 անձի վերաբերյալ։ Դրանցից այսօր դատաքննության փուլում է շուրջ 10 քրեական գործ. մնացած քրեական գործերով արդեն իսկ կայացվել են դատական ակտեր:

Գլխավոր դատախազը տեղեկացրել է, որ ներկայում նախնական կալանքի տակ է գտնվում 7 անձ, որոնց մասով  նախաքննությունն ավարտվել է սեպտեմբերի 5-ին։ Սեպտեմբերի 10-ից նրանց և նրանց պաշտպաններին հնարավորություն է տրվել ծանոթանալ քրեական գործի նյութերին: Հովսեփյանը նշել է, որ անցած 50 օրերի ընթացքում քրեական գործի նյութերին ծանոթանալն ավարտել է միայն մեկ մեղադրյալ:

Անթույլատրելի համարելով  քաղաքական հայացքների, քաղաքական գործունեության համար անձի նկատմամբ հետապնդում իրականացնելը՝ ՀՀ գլխավոր դատախազը նկատել է, որ որոշ ուժերի կողմից փորձ է արվում քաղաքական գործունեության շղարշով քողարկել քրեական հանցագործությունները:

«Անձին չի կարելի պատասխանատվության ենթարկել քաղաքական գործունեության համար, բայց սա չի նշանակում, որ քաղաքական գործունեությամբ զբաղվող անձը չի կարող պատասխանատվության ենթարկվել քրեորեն հետապնդելի արարք կատարելու համար», - նշել է դատախազը։

Նախագահական ընտրություններում պարտություն կրելուց հետո հայկական արմատական ընդդիմությունը՝ նախկին նախագահ Լևոն Տեր-Պետրոսյանի գլխավորությամբ, փետրվարի 20-ից Երևանի կենտրոնում բողոքի ցույցեր էր անցկացնում, որոնք մարտի 1-2-ին վերածվեցին անկարգությունների ու բախումների՝ ցուցարարների և ոստիկանության աշխատակիցների միջև, ինչի արդյունքում մահացավ տասը և վիրավորվեց ավելի քան 200 հոգի:-0-

Loading...
Թեմատիկ նյութեր
Բաժնի այլ նյութեր
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։