481.18
-0.36
571.64
+1.59
8.22
+0.01
+4
Եղանակը Երևանում
Հայ
ՀՀ վարչապետը ՎԶԵԲ-ի ներկայացուցչի հետ համագործակցության հարցեր Է քննարկել
11:55
30 Հոկտեմբերի 2008

ՀՀ վարչապետ Տիգրան Սարգսյանը չորեքշաբթի ընդունել է Վերակառուցման և զարգացման եվրոպական բանկի (ՎԶԵԲ) Կովկասի, Մոլդովայի և Բելառուսի մասնաճյուղերի տնօրեն Մայքլ Դեյվին (Mike Davey), «Նովոստի-Արմենիա» գործակալությանը տեղեկացրել են ՀՀ կառավարության մամուլի ծառայությունից։

Հանդիպման ընթացքում կողմերը բարձր են գնահատել  Հայաստանում  բանկի   գործունեությունը և իրականացվող ծրագրերի շուրջ  համագործակցությունը, որը վերջին տարիներին զարգացման  լավ տեմպեր  է արձանագրել։

Որպես ընդլայնվող փոխգործակցության օրինակ ՀՀ վարչապետը նշել է Եվրոբանկի կողմից հայաստանյան «Արարատբանկի» բաժնետոմսերի որոշակի բաժնեմասի ձեռքբերման փաստը։ ՀՀ կառավարության ղեկավարը ողջունել է այդ փաստը՝ ընդգծելով, որ ՀՀ կառավարությունը  պատրաստ է  հնարավորինս  աջակցել  բանկի գործունեությանը Հայաստանում:

ՎԶԵԲ-ի կողմից 7 մլն դոլարով հայկական «Արարատբանկի» 25%+1 բաժնետոմսերի գնման մասին համաձայնագիրը ստորագրվել է չորեքշաբթի Երևանում։ Գործարքի վերջնական ձևակերպման և վճարման գործընթացը կավարտվի մեկ ամսվա ընթացքում։ Գործարքի արդյունքում բանկի կանոնադրական կապիտալը կհասնի 24 մլն դոլարի՝ ներկայիս 13 մլն դոլարի փոխարեն, իսկ երեք տարվա ընթացքում բանկի կապիտալը կհասնի 50 մլն դոլարի։

Դեյվին իր հերթին նշել է, որ այս գործարքն արտացոլում է Եվրոբանկի վստահությունը Հայաստանի  բանկային համակարգի  նկատմամբ՝ ավելացնելով, որ հայաստանյան 4 բանկերում Եվրոբանկն արդեն  ունի ներդրումներ, իսկ ընդհանուր առմամբ, 8 բանկերի հետ կա հաստատված համագործակցություն:

Դեյվին նաև տեղեկացրել է, որ այժմ բանկն աշխատում է  Հայաստանի  հետ առաջիկա  երեք  տարիների համագործակցության ռազմավարության  մշակման ուղղությամբ։ Նրա խոսքերով, փաստաթուղթը կքննարկվի հաջորդ տարվա հունվարին՝ ՎԶԵԲ տնօրենների խորհրդի նիստին։

Հանդիպման ժամանակ զրուցակիցներն անդրադարձել են Հայաստանի վրա  ֆինանսական ճգնաժամի  հնարավոր ազդեցության կանխարգելման  ուղղությամբ  աշխատանքներին:

Միաժամանակ Դեյվին նշել է, որ Բանկի տնօրենների խորհուրդը մտահոգված է ֆինանսական  ճգնաժամի ազդեցությամբ այն  երկրների վրա, որտեղ  ՎԶԵԲ-ն աշխատում է:

Այս կապակցությամբ վարչապետն ընդգծել է հատկապես  փոքր ու միջին  ձեռնարկատիրության ֆինանսավորման  զգալի  ավելացման կարևորությունը։ Նա նշել է, որ հայաստանյան շուկան, այդ տեսանկյունից, մասնագիտորեն ուսումնասիրված է և հաշվարկված, թե առնվազն երեք տարվա ընթացքում շուկան որքան միջոցներ է ի վիճակի կլանելու:

Դեյվին պատրաստակամություն է  հայտնել  աշխատել  այն ուղղությամբ, որտեղ ՀՀ կառավարությունը հետաքրքրված  կլինի և իր հերթին  կարևորել է ՓՄՁ ոլորտն  ուշադրության կենտրոնում պահելու  առաջարկը։ Նա նշել է, որ ՀՀ-ի հետ բանկի համագործակցության նոր  ռազմավարության նախագծում  ևս հիշյալ ոլորտի  և բանկային համակարգի  հետ աշխատանքի շարունակականությունը կարևորված է:

Դեյվին նաև տեղեկացրել է, որ դեկտեմբերին նախատեսվում է Եվրոբանկի առաքելության  այցը Հայաստան` ռազմավարության  վերաբերյալ  քննարկումների նպատակով: Նա հույս է հայտնել, որ  համատեղ  քննարկումների  և համագործակցության  արդյունքում Եվրոբանկի հետ Հայաստանի հետագա հաջող գործակցությունը, իրագործվող  ծրագրերի արդյունավետությունը երաշխավորված կլինի:-0- 

Loading...
Թեմատիկ նյութեր
Բաժնի այլ նյութեր
14:49
20 Դեկտեմբերի 2017
Հայատյացությունն ադրբեջանական դասագրքերում. Երևանում կայացել է Azerichild.education կայքի շնորհանդեսը
Azerichild.education կայքի շնորհանդեսը կայացել է չորեքշաբթի «Նովոստի–Արմենիա» մամուլի կենտրոնում։
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։