487.57
+0.28
567.63
-0.45
8.2
-0.03
+4
Եղանակը Երևանում
Հայ
Ադրբեջանի, Հայաստանի և Ռուսաստանի նախագահների՝ ղարաբաղյան հիմնախնդրին նվիրված հանդիպումը կկայանա Մոսկվայում նոյեմբերի 2-ին
13:26
29 Հոկտեմբերի 2008

Ադրբեջանի, Հայաստանի և Ռուսաստանի նախագահների՝ ղարաբաղյան հակամարտության կարգավորմանը նվիրված եռակողմ հանդիպումը կկայանա Մոսկվայում նոյեմբերի 2-ին, տեղեկացնում է Կրեմլի մամուլի ծառայությունը։

«Նոյեմբերի 2-ին Մոսկվայում, ձեռքբերված պայմանավորվածության համաձայն, տեղի կունենա Ադրբեջանի նախագահ Իլհամ Ալիևի և ՀՀ նախագահ Սերժ Սարգսյանի հանդիպումը՝ ՌԴ նախագահ Դմիտրի Մեդվեդևի մասնակցությամբ, որը նվիրված է ղարաբաղյան հակամարտության կարգավորմանը», - ասվում է ՌԴ նախագահի մամուլի ծառայության տեղեկատվության մեջ, հաղորդում է «ՌԻԱ Նովոստին»։

Մոսկվայում կայանալիք հանդիպման մասին լրագրողներին հայտարարել է Դմիտրի Մեդվեդևը։ Հոկտեմբերի 21-ին Երևանում տեղի ունեցած մամուլի ասուլիսի ժամանակ ՌԴ նախագահը հայտարարել էր, որ նա և Հայաստանի ու Ադրբեջանի առաջնորդները կարող են մոտ ժամանակներս հանդիպել Ռուսաստանում՝ ղարաբաղյան հակամարտության կարգավորմանն ուղղված հարցերը քննարկելու։

Հաջորդ օրը՝ հոկտեմբերի 22-ին, ՌԴ նախագահն այս հանդիպման նախապատրաստական հարցերը քննարկել է Ադրբեջանի նախագահ Իլհամ Ալիևի հետ հեռախոսազրույցի ժամանակ։

Ղարաբաղյան հակամարտությունը սկսվել է 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը, կողմ քվեարկեց Ադրբեջանից ամբողջովին անկախ լինելուն։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ. մայիսի 12-ին, զինադադարի մասին համաձայնագրի ուժի մեջ մտնելուց հետո, հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազար մարդ, և մոտ մեկ միլիոնը ստիպված եղավ լքել բնակավայրերը։

Զինադադարի ռեժիմի մասին համաձայնությունը պահպանվում է մինչև այժմ։

Ինչպես չորեքշաբթի գրում է «Վրեմյա նովոստեյ» ռուսական թերթը, երեք նախագահների գագաթնաժողովը, որոնցից յուրաքանչյուրն իր պաշտոնը ստանձնել է այս տարի, հատուկ հետաքրքրություն է առաջացնում, քանի որ «հնգօրյա ռուս-վրացական պատերազմը տեղափոխեց այս հակամարտությունը (ղարաբաղյան հակամարտությունը) սառեցված կատեգորիայից դեպի ավելի վտանգավոր կատեգորիա, որը պատրաստ է արագ «հալչել» և նույնիսկ «տաքանալ»։

Ինչպես կարծում է թերթը, Հարավային Կովկասի իրավիճակը կրկին դարձել է պայթունավտանգ և որպես օրինակ բերում է չճանաչված Լեռնային Ղարաբաղի նախագահի և պաշտպանության նախարարի, ինչպես նաև Ադրբեջանի նախագահի վերջին հայտարարությունները։

Անցած շաբաթ Երևանում ելույթ ունենալով մամուլի ասուլիսին՝ ՌԴ նախագահը հայտարարել է, որ Հարավային Օսեթիայի օգոստոսյան իրադարձությունները հաստատել են այն աքսիոմը, թե յուրաքանչյուր բարդ հարց անհրաժեշտ է լուծել՝ ելնելով միջազգային սկզբունքներից և միայն բանակցությունների հիման վրա։

Խոսելով ղարաբաղյան հակամարտության մասին՝ Մեդվեդևն ասել է, որ բանակցությունները «առաջխաղացման մակարդակում են», և երկու կողմերն էլ պատրաստ են դրանց։

ՀՀ նախագահ Սերժ Սարգսյանն իր հերթին ընդգծել է, որ հայկական կողմը պատրաստ է շարունակել բանակցությունները մադրիդյան սկզբունքների հիման վրա, որոնք թույլ են տալիս ճանաչել Լեռնային Ղարաբաղին ինքնորոշման իրավունքը։

Ադրբեջանի նախագահ Իլհամ Ալիևը հոկտեմբերի 24-ին տեղի ունեցած երդմմնակալության ելույթում հայտարարել է, որ հակամարտության կարգավորումը հնարավոր է միայն Ադրբեջանի տարածքային ամբողջականության շրջանակներում։ Ինչպես հայտարարել է Ալիևը, Բաքվում կարծում են, որ բանակցությունները կարող են հանգեցնել արդար կարգավորման։-0- 

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։